കിട്ടാക്കടം: ഇന്ത്യയിലെ ബാങ്കുകള്‍ക്ക് ലഭിക്കാനുള്ളത്‌ 1.10 ലക്ഷം കോടി രൂപ

Sat,Mar 10,2018


ന്യൂഡല്‍ഹി: ഇന്ത്യയില്‍ 'ബോധപൂര്‍വം' വായ്പാ തിരിച്ചടവ് മുടക്കിയവരുടെ എണ്ണം ഏപ്രില്‍-ഡിസംബര്‍ കാലയളവില്‍ 1.66 ശതമാനം വര്‍ധിച്ച് 9,063 ആയി. രാജ്യത്തെ ബാങ്കുകള്‍ക്ക് ലഭിക്കാനുള്ള മൊത്തം കിട്ടാക്കടം 1,10,050 കോടി രൂപയായതായും ധനകാര്യ സഹമന്ത്രി ശിവ പ്രതാപ് ശുക്ല ലോക്‌സഭയെ അറിയിച്ചു. റിസര്‍വ് ബാങ്കിന്റെ മാനദണ്ഡങ്ങള്‍ അനുസരിച്ച് ബോധപൂര്‍വം കിട്ടാക്കടം വരുത്തിയവര്‍ക്കെതിരേ നടപടികളുണ്ടാകും. കിട്ടാക്കടം വരുത്തിയവര്‍ പ്രൊമോട്ടര്‍മാരായോ ഡയറക്ടര്‍മാരായോ ഉള്ള കമ്പനികള്‍ക്ക് മൂലധന വിപണിയില്‍ നിന്ന് ഫണ്ട് സ്വരൂപിക്കുന്നതിന് ഓഹരി വിപണി നിരീക്ഷക ബോര്‍ഡായ സെബി വിലക്ക് ഏര്‍പ്പെടുത്തിയിട്ടുണ്ടെന്നും മന്ത്രി അറിയിച്ചു. ബോധപൂര്‍വം കിട്ടാക്കടം വരുത്തിയവര്‍ക്കെതിരേ പൊതുമേഖലാ ബാങ്കുകള്‍ 2017 ഡിസംബര്‍ 31-ലെ കണക്കനുസരിച്ച്, 2,108 എഫ്.ഐ.ആറുകള്‍ രജിസ്റ്റര്‍ ചെയ്തിട്ടുണ്ട്. സ്വത്തുക്കള്‍ കണ്ടുകെട്ടുന്നതു സംബന്ധിച്ച് 8,462 കേസുകളുണ്ട്. ബാങ്കുകളിലെ വായ്പക്കുടിശ്ശിക ഈടാക്കുന്നതിനുള്ള സര്‍ഫാസി നിയമം (സെക്യൂരിറ്റൈസേഷന്‍ ആന്‍ഡ് റീകണ്‍സ്ട്രക്ഷന്‍ ഓഫ് ഫിനാന്‍ഷ്യല്‍ അസറ്റ്‌സ് ആന്‍ഡ് എന്‍ഫോഴ്‌സ്‌മെന്റ് ഓഫ് സെക്യൂരിറ്റി ഇന്ററസ്റ്റ് ആക്ട്, 2002) അനുസരിച്ച് 6,962 കേസുകളുമുണ്ട്. 2016 മാര്‍ച്ചില്‍ അവസാനിച്ച് അഞ്ചു വര്‍ഷംകൊണ്ട് പൊതുമേഖലാ ബാങ്കുകള്‍ 2.3 ലക്ഷം കോടി രൂപയുടെ കിട്ടാക്കടം എഴുതിത്തള്ളിയതായി മറ്റൊരു ചോദ്യത്തിന് ഉത്തരമായി മന്ത്രി അറിയിച്ചു. തങ്ങളുടെ ബാലന്‍സ് ഷീറ്റ് ശുദ്ധീകരിക്കാനായും നികുതി ഇളവിനും ബാങ്കുകള്‍ കിട്ടാക്കടം എഴുതിത്തള്ളുന്നത് പതിവ് പ്രക്രിയയാണ്. എന്നാല്‍, വായ്പയെടുത്തവര്‍ ഇതും തിരിച്ചടയ്ക്കാന്‍ ബാധ്യസ്ഥരാണെന്ന് അദ്ദേഹം വ്യക്തമാക്കി.

Other News

  • സ്വിറ്റ്‌സര്‍ലന്റ് പേമന്റ് കമ്പനിയ്ക്ക് 'ആപ്പ്' വച്ച് ആപ്പിള്‍; അന്വേഷണം ആരംഭിച്ചപ്പോള്‍ സാങ്കേതിക സഹായം നല്‍കി തടിയൂരി
  • യു.എ.ഇ.യിലെ സ്വകാര്യകമ്പനികളുടെ ഫോബ്‌സ് ലിസ്റ്റില്‍ ലുലുവിന് നാലാം സ്ഥാനം
  • 634 കോടി രൂപ മുടക്കി ബാബാ രാംദേവിന്റെ ഫുഡ് ആന്റ് ഹെര്‍ബര്‍ പാര്‍ക്ക് ആന്ധ്രയില്‍; 33,400 പേര്‍ക്ക് തൊഴില്‍ നല്‍കുമെന്ന് റിപ്പോര്‍ട്ട്
  • സി.ഇ.ഒയെ നിയമിക്കാതെ ബോര്‍ഡ് മീറ്റിംഗ്; യെസ് ബാങ്കിന്റെ ഓഹരി വില ഇടിഞ്ഞു
  • പതഞ്ജലി ഓഹരി വിപണിയില്‍ ലിസ്റ്റ് ചെയ്യാനൊരുങ്ങുന്നു
  • 13 പേര്‍ കൊല്ലപ്പെട്ട പ്രതിഷേധപ്രകടനത്തിനൊടുവില്‍ അടച്ചുപൂട്ടിയ തൂത്തുക്കുടി വേദാന്തകോപ്പര്‍ പ്ലാന്റ് തുറന്ന് പ്രവര്‍ത്തിക്കാന്‍ ഉത്തരവ്
  • വാജ്പേയിയുടെ ചിത്രവുമായി നൂറുരൂപ നാണയം
  • നേപ്പാളില്‍ ഉയര്‍ന്ന മൂല്യമുള്ള ഇന്ത്യന്‍ കറന്‍സികള്‍ നിരോധിച്ചു
  • രണ്ട് പേറ്റന്റുകള്‍ ലംഘിച്ചു; ആപ്പിള്‍ ഫോണുകള്‍ക്ക് ചൈനയില്‍ വിലക്ക്
  • റോയല്‍ എന്‍ഫീല്‍ഡ് ഇന്റര്‍സെപ്റ്റര്‍ 650, കോണ്ടിനെന്റല്‍ ജിറ്റി 650 മോഡലുകള്‍ കേരള വിപണിയില്‍
  • എസ്ബിഐ വായ്പ പലിശ വര്‍ധിപ്പിച്ചു
  • Write A Comment

     
    Reload Image
    Add code here