വിലയിലെ അന്തരം; കനേഡിയന്‍ എണ്ണ ഉത്പാദകര്‍ വന്‍ തുക നഷ്ടം സഹിക്കുന്നുവെന്ന് റിപ്പോര്‍ട്ട്

Wed,Aug 08,2018


ഓട്ടവ: കഴിഞ്ഞ അഞ്ചുവര്‍ഷത്തിനിടയില്‍ കനേഡിയന്‍ എണ്ണയും യു.എസില്‍ നിന്നും വരുന്ന എണ്ണയും തമ്മിലുള്ള വില അന്തരം വര്‍ധിച്ചുവെന്ന് റിപ്പോര്‍ട്ട്. ആല്‍ബര്‍ട്ടയിലെ എണ്ണപാടമായ വെസ്റ്റേണ്‍ കാനഡ സെലക്ടില്‍ ഉത്പാദിപ്പിക്കുന്ന കട്ടിയേറിയ ടാറുപോലുള്ള കനേഡിയന്‍ ഓയില്‍ ബാരലിന് 38 യു.എസ് ഡോളര്‍ എന്ന തോതിലാണ് വിറ്റഴിക്കുന്നത്. അതേസമയം ടെക്‌സാസില്‍ നിന്നും വരുന്ന സംസ്‌ക്കരിക്കാന്‍ എളുപ്പമുള്ള യു.എസ് ഓയിലിന്റെ വില 70 ഡോളറുമാണ്.

വിലയിലുള്ള ഈ അന്തരം കാനഡയിലെ എണ്ണഉത്പാദകരുടെ നടുവൊടിക്കുന്നതാണെന്ന് റിപ്പോര്‍ട്ടുകള്‍ പറയുന്നു. വ്യാപാരയുദ്ധം നിലനില്‍ക്കുന്ന അവസ്ഥയിലും യു.എസില്‍ നിന്നുള്ള എണ്ണയ്ക്ക് വന്‍ തുക ലഭ്യമാകുമ്പോള്‍ കനേഡിയന്‍ എണ്ണ ഉത്പാദകര്‍ക്ക് ഉത്പാദനചിലവിനുള്ള പണം പോലും കിട്ടുന്നില്ലെന്നാണ് റിപ്പോര്‍ട്ട്.

പൈപ്പ്‌ലൈനിന്റെ അഭാവമാണ് കനേഡിയന്‍ ഓയിലിന്റെ വില കുറയ്ക്കുന്നതെന്ന് വിദഗ്ദ്ധര്‍ പറയുന്നു. വലിയ തോതില്‍ എണ്ണ ഉത്പാദിപ്പിച്ചിട്ടും അവ സംസ്‌ക്കരിക്കുന്ന കാര്യത്തില്‍ കാനഡ വളരെയധികം പുറകിലാണ്. അതായത് കുഴിച്ചെടുക്കുന്ന എണ്ണ ഭൂരിഭാഗവും കയറ്റുമതി ചെയ്യപ്പെട്ട് യു.എസിലെ റിഫൈനറികളിലാണ് എത്തുന്നത്. അത് സംസ്‌ക്കരിച്ച് വീണ്ടും ഇറക്കുമതി ചെയ്യുമ്പോള്‍ താരതമ്യേന കൂടിയ തുക നല്‍കി വാങ്ങാന്‍ കനേഡിയന്‍ ജനത നിര്‍ബന്ധിതരാകുന്നു. മറ്റൊരു പ്രശ്‌നം കാനഡ റിഫൈനറികളിലേക്ക് എണ്ണ നല്‍കുന്നത് വലിയ തുക ഡിസ്‌ക്കൗണ്ട് നല്‍കിയാണ്. ഇതും നഷ്ടത്തിന് കാരണമാകുന്നു.

എണ്ണ ശുദ്ധീകരിക്കാനും അത് കൊണ്ടുപോകാനുമുള്ള സംവിധാനം മെച്ചപ്പെടുത്തിയാല്‍ മാത്രമേ കാനഡയിലെ എണ്ണ വ്യവസായത്തിന് വളരാന്‍ സാധിക്കു എന്ന് വിദഗ്ദ്ധര്‍ അഭിപ്രായപ്പെടുന്നു.

Other News

  • ഇന്‍ഫോസിസ് സിഎഫ്ഒ രാജിവെച്ചു
  • ഇന്ത്യയില്‍ പ്രധാനമന്ത്രി മോഡി ആയുഷ് ഭാരത്-നാഷണല്‍ ഹെല്‍ത്ത് പ്രൊട്ടക്ഷന്‍ സ്‌കീം പ്രഖ്യാപിച്ചു; അഞ്ചുലക്ഷം രൂപവരെ സൗജന്യമായി ചികിത്സ നടത്താം
  • അതിവേഗ ബ്രോഡ്ബാന്‍ഡായ ജിയോ ജിഗാഫൈബറിന്റെ രജിസ്‌ട്രേഷന്‍ തുടങ്ങി
  • രൂപയുടെ തകര്‍ച്ച വീണ്ടും: പ്രവാസികൾ ആഹ്‌ളാദത്തില്‍
  • ഇന്ത്യക്കാരിലെ ഏറ്റവും വലിയ കോടീശ്വരി സ്മിത വി. കൃഷ്ണ
  • രൂപയുടെ മൂല്യം എക്കാലത്തെയും താഴ്ന്ന നിലവാരത്തിലെത്തി; ഡോളറിനെതിരെ 69.62 രൂപ
  • ഇന്ത്യയുടെ വ്യാവസായിക ഉത്പാദന വളർച്ച ഏഴു ശതമാനമായി ഉയർന്നു
  • ഐക്കിയയും ഡാന്യൂബും ഇന്ത്യയില്‍ ഷോറൂമുകള്‍ തുറക്കുന്നു
  • ഇന്ത്യയുടെ കരുത്തിലായിരിക്കും അടുത്ത മൂന്നു ദശാബ്ദങ്ങളിൽ ലോക സമ്പദ്ഘടനയുടെ വളർച്ചയെന്ന് ഐഎംഎഫ്‌
  • ടെസ്ലയെ പ്രൈവറ്റ് കമ്പനിയാക്കി മാറ്റുമെന്ന് എലോണ്‍ മസ്‌ക്ക്
  • Write A Comment

     
    Reload Image
    Add code here