ഇന്ത്യയുടെ കരുത്തിലായിരിക്കും അടുത്ത മൂന്നു ദശാബ്ദങ്ങളിൽ ലോക സമ്പദ്ഘടനയുടെ വളർച്ചയെന്ന് ഐഎംഎഫ്‌

Thu,Aug 09,2018


വാഷിങ്ടൺ: ഇന്ത്യയുടെ കരുത്തിലായിരിക്കും അടുത്ത മൂന്നു ദശാബ്ദങ്ങളിൽ ലോക സമ്പദ്ഘടനയുടെ വളർച്ചയെന്ന് അന്താരാഷ്ട്ര നാണയ നിധി (ഐ.എം.എഫ്.). ആഗോള സമ്പദ്ഘടനയിൽ നേരത്തെ ചൈനയ്ക്കുണ്ടായിരുന്ന സ്ഥാനമായിരിക്കും ഇനി ഇന്ത്യക്ക്‌. ആഗോള സാമ്പത്തിക വളർച്ചയിൽ 15 ശതമാനവും സംഭാവന ചെയ്യുന്നത് ഇപ്പോൾ ഇന്ത്യയാണെന്ന് ഐ.എം.എഫിന്റെ ഇന്ത്യയിലെ മിഷൻ ചീഫ് റനിൽ സാൽഗഡോ പറഞ്ഞു.

ആഗോള സാമ്പത്തിക വളർച്ചയിൽ ഇന്ത്യയെക്കാൾ കൂടുതൽ സംഭാവന ചെയ്യുന്നത് ഇപ്പോൾ ചൈനയും അമേരിക്കയും മാത്രമാണ്. സാമ്പത്തിക പരിഷ്‌കാരങ്ങൾ ഫലം കാണാൻ തുടങ്ങിയതോടെ ലോകത്തിലെ ഏറ്റവും വേഗത്തിൽ വളരുന്ന സമ്പദ്ഘടനയായി ഇന്ത്യ മാറുകയാണ്. 2.6 ലക്ഷം കോടി ഡോളറിന്റെ ഇന്ത്യൻ സമ്പദ്ഘടന ഇപ്പോൾ ആനയെപ്പോലെ ഓടുകയാണെന്ന് അദ്ദേഹം അഭിപ്രായപ്പെട്ടു. 2019 മാർച്ചിൽ അവസാനിക്കുന്ന സാമ്പത്തിക വർഷം 7.3 ശതമാനവും അടുത്ത സാമ്പത്തിക വർഷം 7.5 ശതമാനവുമായിരിക്കും ഇന്ത്യയുടെ സാന്പത്തിക വളർച്ചയെന്നാണ് അനുമാനം.

എണ്ണവില ഉയരുന്നതും ആഗോള സാമ്പത്തിക അസ്ഥിരതയും നികുതി വരുമാനത്തിലെ ഇടിവും വെല്ലുവിളി സൃഷ്ടിക്കുന്നുണ്ടെന്ന് ഐ.എം.എഫ്. ഓർമിപ്പിച്ചു. കടത്തിന്റെ തോത് കുറയ്ക്കാനും നികുതിഘടന ലളിതമാക്കാനും ഇന്ത്യയുടെ ഉയർന്ന സാമ്പത്തിക വളർച്ച ഉപയോഗിക്കണം. നോട്ടു നിരോധനത്തിന്റെയും ജി.എസ്.ടി.യുടെയും പ്രത്യാഘാതങ്ങളിൽനിന്ന് ഇന്ത്യൻ സമ്പദ്ഘടന തിരിച്ചുവരാൻ തുടങ്ങിയിട്ടുണ്ട്.

ജി.എസ്.ടി. നടപ്പാക്കിയപ്പോൾ ഹ്രസ്വകാല പ്രശ്‌നങ്ങളുണ്ടായെങ്കിലും ദീർഘകാലയളവിൽ അത് നേട്ടം കൊണ്ടുവരും. വ്യവസായങ്ങളെ രക്ഷിക്കാനുള്ള ഇൻസോൾവൻസി ആൻഡ് ബാങ്ക്‌റപ്‌റ്റ്‌സി നിയമമാണ് മറ്റൊരു പ്രധാന നേട്ടം. പണപ്പെരുപ്പം പിടിച്ചുനിർത്താനായി റിസർവ് ബാങ്ക് ഏതാനും വർഷങ്ങളായി കൈക്കൊള്ളുന്ന നടപടികളും ഇന്ത്യൻ സമ്പദ്ഘടനയ്ക്ക് ഗുണകരമാണെന്ന് ഐ.എം.എഫ്. വിലയിരുത്തി.

ഘടനാപരമായ സാമ്പത്തിക പരിഷ്‌കാരങ്ങളിലൂടെ ഇന്ത്യൻ സമ്പദ്ഘടനയെ കൂടുതൽ കരുത്തുറ്റതാക്കാമെന്ന് ഐ.എം.എഫ്. നിർദേശിക്കുന്നു.

Other News

  • മിനിമം കൂലി 9,750 രൂപ നിര്‍ദേശം കേന്ദ്ര സര്‍ക്കാര്‍ അംഗീകരിച്ചേക്കും
  • ടിക്കറ്റ് നിരക്കിൽ ഇളവുമായി എയർ ഏഷ്യ
  • തിരുവനന്തപുരം വിമാനത്താവള നടത്തിപ്പ് ഏറ്റെടുക്കാന്‍ കെഎസ്‌ഐഡിസിയ്‌ക്കൊപ്പം അദാനിയും ജിഎംആറും കൂടി രംഗത്ത്
  • മൂന്നാം പാദ പ്രവര്‍ത്തനഫലം; ഇന്ത്യന്‍ കോര്‍പറേറ്റ് ലാഭത്തില്‍ ഇടിവ്
  • കടക്കെണിയിലേക്ക് കൂപ്പുകുത്തുന്ന ഇന്ത്യയിലെ ആദ്യ സ്വകാര്യവിമാന കമ്പനിയുടെ നിയന്ത്രണം എത്തിഹാദിന്റെ കൈകളിലേക്ക്‌
  • ശരീരത്തിന്റെ പൊതു അളവുകോലുകള്‍ രേഖപ്പെടുത്തിയ ദേശീയ പട്ടിക രൂപപ്പെടുത്താന്‍ ഇന്ത്യന്‍ ടെക്‌സ്റ്റൈല്‍ മന്ത്രാലയം!
  • പാക്കിസ്ഥാന്‍ ദീര്‍ഘകാല സുഹൃത്തെന്ന് സൗദി; ഇരുരാജ്യങ്ങളും ചേര്‍ന്ന് 20 ബില്യന്‍ ഡോളറിന്റെ വിവിധ കരാറുകളില്‍ ഒപ്പുവെച്ചു
  • ഇലക്ട്രിക് വാഹനങ്ങള്‍ പ്രോത്സാഹിപ്പിക്കുന്നതിന്റെ ഭാഗമായി 50,000 രൂപ ഇന്‍സെന്റീവ് നല്‍കാന്‍ ഇന്ത്യന്‍ സര്‍ക്കാര്‍ പദ്ധതി
  • ഒപെക് ഉത്പാദനം കുറച്ചു: ക്രൂഡ് വിലയില്‍ വീണ്ടും കുതിപ്പ് തുടങ്ങി
  • നിസ്സാന്റെ മുന്‍ ചെയര്‍മാനെ ജയിലിലയച്ചതിനുപിന്നിലെ 'ഇന്ത്യന്‍ കരങ്ങള്‍'
  • മെയ്ക്ക് ഇന്‍ ഇന്ത്യ, മെയ്ക്ക് അമേരിക്ക ഗ്രേറ്റ് എഗെയ്ന്‍ ക്യാമ്പയ്‌നുകളുമായി, വിട്ടുവീഴ്ചകളില്ലാതെ ട്രമ്പും മോഡിയും
  • Write A Comment

     
    Reload Image
    Add code here