ദുരുപയോഗം തടയാൻ ഫെയ്സ്ബുക്ക് സജ്ജമെന്ന് സക്കർബർഗ്

Thu,Sep 13,2018


വാഷിങ്ടൺ: തിരഞ്ഞെടുപ്പിനെ സ്വാധീനിക്കുന്നതടമുള്ള കാര്യങ്ങൾക്ക് തങ്ങളുടെ വേദി ദുരുപയോഗം ചെയ്യുന്നതു തടയാൻ സജ്ജമെന്ന് സാമൂഹികമാധ്യമമായ ഫെയ്സ്ബുക്ക്. കമ്പനി സി.ഇ.ഒ. മാർക്ക് സക്കർബർഗ് ഫെയ്സ്ബുക്ക് പേജിലൂടെയാണ് ഇക്കാര്യം അറിയിച്ചത്. ഒട്ടേറേ രാജ്യങ്ങളിൽ തിരഞ്ഞെടുപ്പിനെ സ്വാധീനിക്കാനുള്ള ശ്രമം തടയാൻ കഴിഞ്ഞതായും സക്കർബർഗ് പറഞ്ഞു.

ഫെയ്സ്ബുക്ക് സ്വീകരിച്ച നടപടികൾ പേജിൽ അദ്ദേഹം വിശദമാക്കിയിട്ടുണ്ട്. ഫ്രാൻസ്, ജർമനി, അലബാമ, മെക്സിക്കോ, ബ്രസീൽ എന്നിവിടങ്ങളിൽ തിരഞ്ഞെടുപ്പു നടക്കാനിരിക്കേ, വ്യാജഅക്കൗണ്ടുകൾ കണ്ടെത്തി ഒഴിവാക്കാൻ കഴിഞ്ഞു. യു.എസ്., ബ്രിട്ടൺ, പശ്ചിമേഷ്യ എന്നിവിടങ്ങളിൽ സ്വാധീനമുണ്ടാക്കാൻ റഷ്യയിൽ നിന്നും ഇറാനിൽ നിന്നും നടക്കുന്ന ശ്രമങ്ങൾ തടയാൻ മാർഗങ്ങൾ സ്വീകരിച്ചു. മെക്സിക്കോയിലും ബ്രസീലിലും ഇത്തരം ദുരുപയോഗങ്ങൾ ശ്രദ്ധയിൽ പെട്ടിട്ടുണ്ട്.

ഇത്തരം ഇടപെടലുകൾ തടയാൻ ഫെയ്സ്ബുക്ക് ഇപ്പോൾ കൂടുതൽ ശ്രദ്ധിക്കുന്നുണ്ട്. എന്നാൽ അത് ഏറെ വിഷമം പിടിച്ചതുമാണ്. കാരണം ഇത്തരം നുഴഞ്ഞുകയറ്റക്കാർ കരുത്തരാണ്-സക്കർബർഗ് പറയുന്നു. തെറ്റായ വിവരങ്ങൾ പ്രചരിപ്പിക്കാൻ ഉണ്ടാക്കിയ വ്യാജ അക്കൗണ്ടുകൾ തിരഞ്ഞുപിടിച്ച് ഒഴിവാക്കിക്കൊണ്ടിരിക്കുകയാണ്. 100 കോടിയിലധികം വ്യാജഅക്കൗണ്ടുകൾ ഇതിനകം ഒഴിവാക്കിക്കഴിഞ്ഞു. ദിനംപ്രതി ദശലക്ഷക്കണക്കിന് വ്യാജ അക്കൗണ്ടുകൾ കണ്ടെത്തി അവ നീക്കംചെയ്യാൻ സംവിധാനം ഏർപ്പെടുത്തിയതായും അദ്ദേഹം കൂട്ടിച്ചേർത്തു.

Other News

  • സ്‌പെഷ്യല്‍ എഡിഷന്‍ ജാവ ബൈക്ക് ലേലത്തില്‍ വച്ചപ്പോള്‍ ലഭിച്ച ഒന്നരക്കോടി ഇന്ത്യന്‍ സൈന്യത്തിന്
  • ജിയോയുടെ ബ്രോഡ്ബാന്‍ഡ്-ലാന്‍ഡ്‌ലൈന്‍-ടിവി പ്രതിമാസ നിരക്ക് 600 രൂപ
  • ഒരു ലക്ഷത്തിലേറെ പോസ്റ്റ് ഓഫീസുകളുടെ ഐടി നവീകരണ പ്രവര്‍ത്തനങ്ങള്‍ പൂര്‍ത്തിയാക്കി ടിസിഎസ്
  • ആദ്യപാദ സാമ്പത്തിക വളര്‍ച്ച ചൈനക്ക് പ്രതീക്ഷയേകുന്നു
  • ഇറാനിൽനിന്ന് അസംസ്‌കൃത എണ്ണ ഇറക്കുമതി ചെയ്യാൻഎട്ട്‌ രാജ്യങ്ങൾക്ക് അനുവദിച്ചിരുന്ന ഇളവ് അമേരിക്ക എടുത്തുകളയുന്നു
  • ഇ-വാഹന ഭാഗങ്ങൾ കൂടുതൽ 'മെയ്‌ഡ്‌ ഇൻ ഇന്ത്യ'യാവും
  • മല്യയും നിരവും മാത്രമല്ല, ആകെ 36 ബിസിനസുകാര്‍ ചാടിപ്പോയി
  • നിരോധിച്ച ടിക്ടോക്കിന്റെ ഡൗണ്‍ ലോഡ് 12 ഇരട്ടിയിലധികം കൂടിയതായി റിപ്പോര്‍ട്ട്‌
  • ജെറ്റ്​ എയർവേയ്​സ്​: ജീവനക്കാരെ ഏറ്റെടുക്കാൻ സ്​പൈസ്​ ജെറ്റ്​; വിമാനങ്ങൾ എയർ ഇന്ത്യ ഏറ്റെടുക്കും
  • ഇന്ത്യയുടെ കയറ്റുമതി അഞ്ചുമാസത്തെ ഏറ്റവും ഉയർന്ന നിലയായ 11 ശതമാനത്തിലെത്തി
  • ഇവിഎം ചിപ്പുള്ള എടിഎം കാര്‍ഡുമായി കാനറബാങ്ക്
  • Write A Comment

     
    Reload Image
    Add code here