ഇന്ത്യ-കാനഡ അസ്വാരസ്യം മുറുകുന്നു; വിദേശകാര്യമന്ത്രിമാരുടെ കൂടിക്കാഴ്ച റദ്ദാക്കി

Wed,Apr 11,2018


ന്യൂഡല്‍ഹി: ഇന്ത്യന്‍ വിദേശകാര്യമന്ത്രി സുഷമ സ്വരാജ് കനേഡിയന്‍ വിദേശകാര്യമന്ത്രി ക്രിസ്റ്റിയ ഫ്രീലാന്റുമായി ഈ മാസം നടത്താനിരുന്ന കൂടിക്കാഴ്ച റദ്ദാക്കി. പ്രധാനമന്ത്രി ജസ്റ്റിന്‍ ട്രൂഡോയുടെ ഇന്ത്യാ സന്ദര്‍ശനവേളയില്‍ നടത്തിയ വിരുന്നില്‍ ഭീകരാക്രമണ പ്രതി ജസ്പാല്‍ അത് വാല്‍ പങ്കെടുത്തത് ഇന്ത്യന്‍ സര്‍ക്കാറിന്റെ താല്‍പര്യപ്രകാരമാണെന്ന് കാനഡ ആരോപിച്ചതിനെ തുടര്‍ന്നാണ് നടപടി. നേരത്തെട്രൂഡോ-മോഡി ചര്‍ച്ചയുടെ മുന്നോടിയായി ക്രിസ്റ്റീയ സുഷമാ സ്വരാജിനെ കണ്ടിരുന്നു. അന്ന് അവര്‍ സുഷമയെ കാനഡയിലേക്ക് ക്ഷണിക്കുകയും കൂടിക്കാഴ്ച ഏപ്രിലിലാക്കാമെന്ന് തീരുമാനിക്കുകയും ചെയ്തു. എന്നാല്‍ ഓട്ടവയില്‍ നിന്നും ഇന്ത്യന്‍ സര്‍ക്കാറിനെ കുറ്റപ്പെടുത്തി പ്രസ്താവന വന്നത് സുഷമ സ്വരാജിനെ ചൊടിപ്പിച്ചിരിക്കായാണ്. ഇതോടെ ചര്‍ച്ചയില്‍ നിന്നും പിന്മാറാന്‍ അവര്‍ തീരുമാനിക്കുകയായിരുന്നു.

ന്യൂഡല്‍ഹിയിലെ കനേഡിയന്‍ ഹൈകമ്മീഷന്‍ ഒരുക്കിയ വിരുന്നില്‍ അത് വാല്‍ പങ്കെടുക്കാന്‍ കാരണം ഇന്ത്യന്‍ സര്‍ക്കാറിലെ നിക്ഷിപ്ത താല്‍പര്യക്കാരാണ് എന്ന പ്രസ്താവനയാണ് ഇന്ത്യയെ പ്രകോപിപ്പിച്ചത്. തങ്ങള്‍ക്ക് ഇതുമായി ഒരു ബന്ധവുമില്ലെന്നും അത് വാല്‍ പങ്കെടുത്തതിന്റെ ഉത്തരവാദിത്തം കനേഡിയന്‍ സര്‍ക്കാറിനാണെന്നുമാണ് ഇന്ത്യന്‍ നിലപാട്. എന്തായാലും വിരുന്നില്‍ ജസ്പാല്‍ അത് വാല്‍ പങ്കെടുത്തതിനെ തുടര്‍ന്ന് പ്രധാനമന്ത്രി ജസ്റ്റിന്‍ ട്രൂഡോ വന്‍ വിമര്‍ശനം ഏറ്റുവാങ്ങിയിരുന്നു. തുടര്‍ന്ന് അദ്ദേഹത്തിന് തണുപ്പന്‍ സ്വീകരണമാണ് ഇന്ത്യന്‍ സര്‍ക്കാര്‍ നല്‍കിയത്.

ഇന്തോ-കനേഡിയന്‍ വംശജനായ ജസ്പാല്‍ അത് വാല്‍ കാനഡ സന്ദര്‍ശിച്ച പഞ്ചാബ് മന്ത്രിയെ വധിക്കാന്‍ ശ്രമിച്ച കേസില്‍ പ്രതിയാണ്.

Other News

  • യുഎസ്-ചൈന വ്യാപാര യുദ്ധം കാനഡയ്ക്ക് ഹാനികരം
  • ബ്രാംപ്ടണ്‍ മലയാളി സമാജം സംഘടിപ്പിക്കുന്ന കനേഡിയന്‍ നെഹ്റു ട്രോഫിക്കു കേരള സര്‍ക്കാരിന്റെ ആശംസകള്‍
  • മുന്‍ ടൊറന്റോ പോലീസ് മേധാവി ബില്‍ ബ്ലെയര്‍ അതിര്‍ത്തി ചുമതലയുള്ള മന്ത്രാലയത്തിന്റെ തലവനായി ചുമതലയേറ്റു
  • ടൊറന്റോ സോഷ്യല്‍ ക്ലബിന് പ്രൗഡ ഗംഭീര തുടക്കം
  • ഇംപാക്ട് 2018 സമ്മര്‍ ക്യാമ്പ് സമാപിച്ചു
  • ലോമ വടംവലി മത്സരത്തില്‍ കോട്ടയം ബ്രദേഴ്‌സ്‌ന് ഒന്നാം സ്ഥാനം
  • അഭിമന്യു കുടുംബസഹായഫണ്ടിലേക്ക് കാനഡയില്‍നിന്ന് ഒരു ലക്ഷം രൂപ
  • സെന്റ്.തോമസ് സീറോ മലബാര്‍ കാത്തലിക് ചര്‍ച്ച് ടൊറന്റോ വിശുദ്ധ തോമാശ്ലീഹായുടെ തിരുനാള്‍ ആഘോഷിച്ചു
  • സെന്റ്.തോമസ് സീറോ മലബാര്‍ ചര്‍ച്ച് പിക്‌നിക്ക് നടന്നു
  • കാനഡയില്‍ കാല്‍ഭാഗത്തോളം ജനങ്ങള്‍ ദാരിദ്ര്യം അനുഭവിക്കുന്നതായി സര്‍വ്വേ; ഉള്ളവനും ഇല്ലാത്തവനും തമ്മിലുള്ള അന്തരം വര്‍ദ്ധിക്കുന്നു
  • കനേഡിയന്‍ ജനത മാംസാഹാരങ്ങള്‍ ഒഴിവാക്കി ധാന്യങ്ങളെ ആശ്രയിക്കുന്നുവെന്ന് കണ്ടെത്തല്‍
  • Write A Comment

     
    Reload Image
    Add code here