സൗദിയ്ക്ക് വേണ്ടി ചാരപ്പണി; ഇസ്രായേല്‍ സോഫ്റ്റ് വെയര്‍ സ്ഥാപനത്തിനെതിരെ മോണ്ട്രിയോളില്‍ കേസ്

Tue,Dec 04,2018


മോണ്ട്രിയോള്‍: സൗദിയ്ക്ക് വേണ്ടി ചാരപ്പണി നടത്തിയതിന് ഇസ്രായേല്‍ സോഫ്റ്റ് വെയര്‍ സ്ഥാപനമായ എന്‍.എസ്. ഒ ഗ്രൂപ്പിനെതിരെ മോണ്ട്രിയോളില്‍ കേസ്. സൗദി വിമതനും കിരീടവകാശി മുഹമ്മദ് ബിന്‍ സല്‍മാന്റെ വിമര്‍ശകനുമായ ഉമര്‍ അബ്ദുള്‍ അസീസാണ് പരാതി ഫയല്‍ ചെയ്തിരിക്കുന്നത്. എന്‍.എസ്.ഒ ഗ്രൂപ്പ് തന്റെ ഫോണ്‍ ചോര്‍ത്തി സൗദിക്ക് വിവരങ്ങള്‍ കൈമാറുന്നുവെന്നാണ് അദ്ദേഹത്തിന്റെ ഹര്‍ജി പറയുന്നത്.

സമാനമായ രീതിയിലാണ് ഈ കമ്പനി യു.എ.ഇ, മെക്‌സിക്കോ തുടങ്ങിയ രാഷ്ട്രങ്ങളിലെ വിമതരുടെയും ആക്ടിവിസ്റ്റുകളുടെയും മാധ്യമപ്രവര്‍ത്തകരുടെയും വിവരങ്ങള്‍ ചോര്‍ത്തി സര്‍ക്കാറുകളെ സഹായിക്കുന്നതെന്ന് ഹര്‍ജിയില്‍ പറയുന്നു. ഇസ്രായേല്‍ സര്‍ക്കാറിന്റെ സാങ്കേതിക വിദ്യകള്‍ വിദേശ ശക്തികള്‍ക്ക് വില്‍ക്കാന്‍ എന്‍.എസ്.ഒ ഗ്രൂപ്പിന് ലൈസന്‍സുണ്ട്. ഈ രാഷ്ട്രങ്ങളും ഇസ്രായേലും തമ്മിലുള്ള ബന്ധം ശക്തിപ്പെടുന്നത് ഗള്‍ഫ് അറബ് രാഷ്ട്രങ്ങളുമായുള്ള ഈ കമ്പനിയുടെ ബന്ധം വെളിവാക്കുന്നതാണെന്നും ഹര്‍ജി പറയുന്നു.

വാട്‌സാപ്പ് പോലുള്ള ആപ്പുകള്‍ ഹാക്ക് ചെയ്യാന്‍ കഴിയുന്ന എന്‍.എസ്.ഒ പെഗാസസ് സോഫ്റ്റുവെയറിനെ റിയാദും അബ്ദുദാബിയുമൊക്കെ തങ്ങളെ വിമര്‍ശിക്കുന്നവരെ നിശബ്ദരാക്കാന്‍ ഉപയോഗിക്കുകയാണെന്നും അദ്ദേഹം ആരോപിക്കുന്നു.

ഒരു മനുഷ്യാവകാശ സംഘടനവര്‍ത്തകന്റെ വിവരങ്ങള്‍ ചോര്‍ത്താന്‍ സൗദി അറേബ്യ എന്‍.എസ്.ഒ ടെക്‌നോളജിയെ ഉപയോഗിച്ചെന്ന് ആംനസ്റ്റി ഇന്റര്‍നാഷണലും ആരോപിച്ചു. എന്‍.എസ്.ഒയ്‌ക്കെതിരെ നിയമനടപടിയെടുക്കുമെന്നും ആംനസ്റ്റി അറിയിച്ചു.

Other News

  • വ്യക്തികളുടെ കടഭാരം കുറയുന്നു, ഭവനവിപണിയിൽ തിരുത്തൽ
  • തിരുവനന്തപുരം ആസ്ഥാനമായ ഐബിഎസ് സോഫ്റ്റ്‌വെയര്‍, കാനഡയിലെ ആഡ് ഓപ്റ്റ് എന്ന മുന്‍നിര എയര്‍ലൈന്‍ സോഫ്റ്റ്‌വെയര്‍ കമ്പനിയെ ഏറ്റെടുത്തു
  • സ്റ്റീലിനും അലുമിനീയത്തിനുമുള്ള ഇറക്കുമതി നികുതി യു.എസ് പിന്‍വലിക്കുന്നതോടെ നോര്‍ത്ത് അമേരിക്കന്‍ കരാര്‍ പുനസ്ഥാപിക്കുമെന്ന് കാനഡ
  • രണ്ട് കാനഡക്കാര്‍ അറസ്റ്റില്‍; ചൈന തിരിച്ചടിക്കുന്നു
  • മൂല്യമേറിയ മുത്തുമായി കനേഡിയന്‍ വംശജന്‍
  • ആസിയബീബിയ്ക്ക് കാനഡയിലും ഇസ്ലാമിക് ഭീകരവാദികളുടെ ഭീഷണി
  • ടൊറന്റോ സിഎസ്‌ഐ സ്ഥാപക ദിന ആഘോഷം
  • ടൊറന്റോ കേരള ക്രിസ്ത്യന്‍ എക്യുമെനിക്കല്‍ ഫെലോഷിപ്പിന് പുതിയ നേതൃത്വം
  • കള്ളപ്പണം വെളുപ്പിക്കല്‍ കാനഡയില്‍ ഭവനവില ഉയര്‍ത്തുന്നു
  • കാനഡ പാര്‍ലമെന്റിലേക്ക് കണ്‍സര്‍വേറ്റീവ് പാര്‍ട്ടി സ്ഥാനാര്‍ഥിയായി മത്സരിക്കുവാന്‍ ഒരു മലയാളി
  • കെ.എം .മാണിയെ കാനഡയിലെ പ്രവാസി മലയാളി സമൂഹം അനുസ്മരിച്ചു
  • Write A Comment

     
    Reload Image
    Add code here