ജോലി ചെയ്യുന്ന സ്ഥാപനം കത്തിയമരുന്നത് സഹിക്കാനായില്ല; മലയാളി വനിതയുടെ കണ്ണുനീര്‍ കനേഡിയന്‍ ചാനലില്‍ വാര്‍ത്തയായി

Tue,Dec 04,2018


ജോലി ചെയ്യുന്ന റസ്‌റ്റോറന്റ് കണ്‍മുന്നില്‍ കത്തിയമരുന്നത് കണ്ട മലയാളി വനിതയുടെ ദു:ഖത്തില്‍ പങ്കുചേരുകയാണ് ഓരോ കനേഡിയനും. എരുമേലി കൊരട്ടി വെട്ടിക്കൊമ്പില്‍ രാജേന്ദ്രന്റെ മകള്‍ അയനയാണ് താന്‍ ജോലി ചെയ്യുന്ന ഒക്ടോവയിലെ ലിങ്കന്‍ഫീല്‍ഡ്‌സ് വെന്‍ഡീസ് റസ്റ്ററന്റിന് തീപിടിച്ചപ്പോള്‍ സങ്കടം സഹിക്കാനാകാതെ തീ കെടുത്താനായി കിണഞ്ഞു പരിശ്രമിച്ചത്.

വെളുപ്പിനാണു റസ്റ്ററന്റിനു തീപിടിച്ചത്. സംഭവം അറിയാതെ റസ്റ്ററന്റിലേക്കു പോയ അയന, ജോലി ചെയ്യുന്ന സ്ഥാപനം കത്തിയമരുന്നതു കണ്ട് അവിടേക്ക് ഓടിയെത്താന്‍ ശ്രമിക്കുകായിരുന്നു. എന്നാല്‍ അപകട മുന്നറിയിപ്പുമായി പൊലീസ് തടഞ്ഞു. മണിക്കൂറുകളോളം തീ കത്തിപ്പടരുന്നതിന് അയന സാക്ഷിയായി. അയനയുടെ സങ്കടം കണ്ടതോടെ അവിടത്തെ പ്രമുഖ ചാനലായ ഒക്ടോവ സിറ്റിസന്‍ പ്രവര്‍ത്തകര്‍ മെഗാന്‍ ഗില്ലിസ്, ബ്ലയര്‍ ക്രോഫോര്‍ഡ് എന്നിവര്‍ അടുത്തെത്തി കാര്യങ്ങള്‍ അന്വേഷിക്കുകയായിരുന്നു.

റസ്റ്ററന്റിനെക്കുറിച്ചും അപകടത്തെക്കുറിച്ചും പറഞ്ഞതും അയനയുടെ പ്രതികരണവും വലിയ വാര്‍ത്തയാവുകയും ചെയ്തു. റസ്റ്ററന്റിന്റെ പിന്‍ഭാഗത്തെ അടുക്കളയില്‍ നിന്നാണു തീ പടര്‍ന്നത്. കോയമ്പത്തൂരില്‍ ബിബിഎയും ബിസിനസ് മാനേജ്‌മെന്റും പഠിച്ച ശേഷം 3 മാസം മുന്‍പാണു ബിസിനസ് മാനേജ്‌മെന്റ് പഠനത്തിനു അയന കാനഡയിലേക്കു പുറപ്പെട്ടത്. ഒരു മാസം മുന്‍പ് അയനയ്ക്ക് ഒക്ടോവയിലെ ലിങ്കന്‍ഫീല്‍ഡ്‌സ് വെന്‍ഡീസ് റസ്റ്ററന്റില്‍ മണിക്കൂര്‍ അടിസ്ഥാനത്തില്‍ ജോലിയും ലഭിച്ചു.

റസ്റ്ററന്റിലെ ഏക ഇന്ത്യക്കാരിയാണ് അയന. ഹോട്ടല്‍ അധികൃതരുടെയും ജീവനക്കാരുടെയും പ്രീതി പിടിച്ചുപറ്റാന്‍ അയനയ്ക്ക് കഴിഞ്ഞിരുന്നു.

Other News

  • സിആര്‍എ ഫോണ്‍ സ്‌കാം; ഇന്ത്യന്‍ യുവാക്കള്‍ കാനഡയില്‍ നടത്തിയ വന്‍ സൈബര്‍ തട്ടിപ്പ്‌
  • വാവേ: ഇറാൻ ഉപരോധനിയമം ലംഘിച്ചതിന് മെങ്ങിന്റെ പേരിൽ കുറ്റം
  • വാവേ മേധാവിയുടെ മകളുടെ അറസ്റ്റ്; പ്രത്യാഘാതമുണ്ടാവുമെന്ന് കാനഡയ്ക്ക് ചൈനയുടെ ഭീഷണി
  • മെങ്​ വാന്‍ഷോവിന്​ ജാമ്യം നൽകരുതെന്നാവശ്യപ്പെട്ട്​ കനേഡിയൻ പ്രോസിക്യൂട്ടർ വാൻകൂവർ കോടതിയിൽ
  • ഹുവായ് സി.എഫ്.ഒയുടെ അറസ്റ്റ്; ആഗോളവിപണയിലും അമേരിക്കന്‍ ഓഹരി വിപണിയിലും കനത്ത തിരിച്ചടി
  • ഹുവാവെയ് ഉയര്‍ത്തുന്ന ഭീഷണി കാനഡ അവഗണിക്കുന്നു
  • കാനഡയില്‍ ഉപരിപഠനത്തിന് എത്തിയ മലയാളി യുവാവ് വാഹനാപകടത്തില്‍ മരിച്ചു
  • ട്രൂഡോയുടെ സന്ദര്‍ശനത്തിനുശേഷം ഇന്ത്യ-കാനഡ ബന്ധത്തില്‍ 'സ്തംഭനം'
  • ചൈനീസ് ടെലികോം ഭീമന്‍ ഹുവെയിയുടെ ഉന്നത എക്‌സിക്യൂട്ടീവ് കാനഡയില്‍ അറസ്റ്റില്‍; രോഷമുയര്‍ത്തി ചൈന, അണിയറ നീക്കം നടത്തിയത് അമേരിക്ക
  • ഏഴും പത്തും വയസുള്ള സഹോദരന്മാര്‍ സി.പി.ആര്‍ നല്‍കി വല്യമ്മയുടെ ജീവന്‍ രക്ഷിച്ചു
  • ജാക്കിചാന്റെ മകള്‍ കനേഡിയന്‍ സ്വവര്‍ഗാനുരാഗിയെ വിവാഹം ചെയ്തു
  • Write A Comment

     
    Reload Image
    Add code here