ലണ്ടന്‍ സെന്റ് മേരീസ് സീറോ മലബാര്‍ ദൈവാലയം കൂദാശ ചെയ്തു

Sat,Dec 29,2018


ലണ്ടന്‍: ലണ്ടനിലുള്ള സീറോ മലബാര്‍ വിശ്വാസികളുടെ കാത്തിരിപ്പിന്റെയും സ്വപ്‌നങ്ങളുടെയും പ്രാര്‍ത്ഥനയുടെയും പൂര്‍ത്തീകരണം എന്നോണം 2018 ഡിസംബര്‍ 22 ന് സ്വന്തമായ ദൈവാലയം കൂദാശ ചെയ്യപ്പെട്ടു. ഡിസംബര്‍ 22 എന്നത് ചരിത്രത്തില്‍ രേഖപ്പെടുത്തേണ്ട ഒരു ദിനമായി മാറുകയും ചെയ്തു. കാനഡയിലുള്ള സീറോ മലബാര്‍ വിശ്വാസികള്‍ക്ക് എക്‌സാര്‍ക്കേറ്റ് എന്ന സഭാ സംവിധാനം രൂപതയായി ഉയര്‍ത്തപ്പെട്ടതിന്റെ ചരിത്ര ദിനവും ലണ്ടനിലുള്ള സീറോ മലബാര്‍ വിശ്വാസികള്‍ക്ക് ഒരു ദൈവാലയം കൂദാശ ചെയ്തതിന്റെ ചരിത്ര ദിനവും കാനഡയിലെ സീറോ മലബാര്‍ സഭയുടെ നാലാമത്തെ ദൈവാലയം കൂദാശ ചെയ്യുന്ന ദിവസം തന്നെ എക്‌സാക്കേറ്റ് രൂപതയായി ഉയര്‍ത്തി എന്നതും ഏവര്‍ക്കും അഭിമാനകരമായ മുഹൂര്‍ത്തമായിരുന്നു. ഡിസംബര്‍ 22ന് ഉച്ചകഴിഞ്ഞ് രണ്ടരയ്ക്ക് ആരംഭിച്ച കൂദാശയില്‍ അഭിവന്ദ്യ മാര്‍ ജോസ് കല്ലുവേലില്‍ പിതാവ് മുഖ്യ കാര്‍മ്മികത്വം വഹിച്ചു. ഷിക്കാഗോ രൂപതാധ്യക്ഷന മാര്‍ ജേക്കബ് അങ്ങാടിയത്ത്, ലണ്ടന്‍ രൂപതാധ്യക്ഷന്‍ ബിഷപ്പ് റൊണാള്‍ഡ് ഫാബ്രോ, രൂപതാ മോണ്‍സിന്നോര്‍ ഫാ. സെബാസ്റ്റ്യന്‍ അരിക്കാട്ട്, സീറോ-മലങ്കര മോണ്‍സിന്നോര്‍ ഫാദര്‍ ജിജി, രൂപതാ ചാന്‍സിലര്‍ ഫാ. ജോണ്‍ മൈലംഖേലില്‍, രൂപതാ പ്രൊകുറേറ്റര്‍ ഫാ. ജേക്കബ് ഇക്കേളത്തൂര്‍, ലണ്ടന്‍ ക്‌നാനായ മിഷന്‍ ഡയറക്ടര്‍ ഫാ. പത്രോസ് ചമ്പക്കര എന്നിവര്‍ സഹകാര്‍മ്മികരായിരുന്നു. കൂദാശാ കര്‍മ്മത്തിനു ശേഷം നടന്ന പൊതുപരിപാടിയില്‍ വികാരി റവ. ഫാ. റ്റോബി പുളിക്കശ്ശേരി സ്വാഗതം ആശംസിച്ചു. ഏവരുടെയും കൂട്ടായ പ്രവര്‍ത്തനത്തിന്റെയും സഹകരണത്തിന്റെയും ഫലമാണ് ഈ ദൈവാലയം എന്ന് റ്റോബിയച്ചന്‍ പറഞ്ഞു. ബിഷപ്പ് മാര്‍ ജോസ് കല്ലുവേലില്‍ അദ്ധ്യക്ഷപ്രസംഗവും മറ്റ് വിശിഷ്ടാതിഥികള്‍ ആശംസകളും അര്‍പ്പിച്ചു. കൈക്കാരന്മാരയ ജോജി തോമസ്, മനോജ് വട്ടക്കാട്്, ഫൈനാന്‍സ് കമ്മിറ്റി ചെയര്‍മാന്‍ റിജോസ് അറയ്ക്കല്‍, കണ്‍സ്ട്രക്ഷന്‍ കമ്മിറ്റി ചെയര്‍മാന്‍ ജോബി ജോണ്‍ എന്നിവര്‍ പള്ളിയുടെ നിര്‍മ്മാണ പ്രവര്‍ത്തനങ്ങള്‍ക്ക് നേതൃത്വം നല്‍കി. 2007 ഡിസംബര്‍ മാസം കാനഡയിലെ അഡ്മിനിസ്‌ട്രേറ്റര്‍ ആയിരുന്ന ജേക്കബ് അങ്ങാടിയത്ത് തുടങ്ങിവച്ച കാനഡയിലെ പ്രഥമ സീറോ മലബാര്‍ മിഷന്‍ ഇന്ന് വളര്‍ന്ന് സ്വന്തമായി ദൈവാലയമുള്ള ഒരു സമൂഹമായി മാറിയിരിക്കുന്നു എന്നത് ഓരോ സീറോ-മലബാര്‍ വിശ്വാസിയും അഭിമാനിക്കാവുന്ന ഒന്നാണ്.

Other News

  • ടൊറന്റോ റാപ്‌റ്റേഴ്‌സ് എന്‍.ബി.എ ചാമ്പ്യന്‍മാര്‍
  • 'നോര്‍ത്ത് അമേരിക്കന്‍ റൈഡേഴ്‌സ് കപ്പ് ക്രിക്കറ്റ് മത്സരം ജൂണ്‍ 22 , 23 തീയതികളില്‍
  • കാനഡ സ്പിരിച്ച്വല്‍ ഗ്രൂപ്പ് വാര്‍ഷിക ക്യാമ്പ് ഇംപാക്റ്റ് (Impact) 2019 ജൂലൈ 19 മുതല്‍ ടൊറന്റോയില്‍
  • സെന്റ് അല്‍ഫോണ്‍സ് സീറോ മലബാര്‍ ഫൊറോനാ ദേവാലയത്തിന്റെ പുതിയ വികാരി ഫാ. തോമസ് തൈച്ചേരില്‍ ചുമതലയേറ്റു
  • ആല്‍ബര്‍ട്ട ഫിലിം ഫെസ്റ്റിവലില്‍ ആന്റ് ദ അവാര്‍ഡ് ഗോസ് ടു മികച്ച ചിത്രം
  • ഗ്ളോബൽ ടി20 ക്രിക്കറ്റ് ബ്രാംപ്ടണിൽ
  • കാനഡ വാവേ കമ്പനിയെ നിരോധിക്കണമെന്ന് ആവശ്യം
  • കാനഡയിലെ സൈനിക ഉദ്യോഗസ്ഥര്‍ക്ക് പൗരന്മാരുടെ വിവരങ്ങള്‍ ശേഖരിക്കാന്‍ അനുമതി
  • കാനഡ - ചൈന ബന്ധം ദുര്‍ഘട പ്രതിസന്ധി നേരിടുകയാണെന്ന് സാമ്പത്തികകാര്യമന്ത്രി മോര്‍ന്യു
  • കാനഡയില്‍ ചിക്കുവിനും കുടുംബത്തിനും സഹായഹസ്തവുമായി എംടാക്
  • ഹാള്‍ട്ടണ്‍ മലയാളി അസോസിയേഷന്‍ ജൂനിയര്‍ ബാസ്‌ക്കറ്റ്‌ബോള്‍, സോക്കര്‍ മത്സരങ്ങള്‍ നടന്നു
  • Write A Comment

     
    Reload Image
    Add code here