പാര്‍ട്ടി ആവശ്യപ്പെട്ടാല്‍ 2019-ലെ പൊതുതിരഞ്ഞെടുപ്പില്‍ മത്സരിക്കും - സോണിയാഗാന്ധി

Sat,Mar 10,2018


മുംബൈ:പാര്‍ട്ടി ആവശ്യപ്പെട്ടാല്‍ 2019-ലെ പൊതുതിരഞ്ഞെടുപ്പില്‍ മത്സരിക്കുമെന്ന വ്യക്തമായ സൂചനനല്‍കി, മുന്‍ കോണ്‍ഗ്രസ് അധ്യക്ഷ സോണിയാഗാന്ധി. മുംബൈയില്‍ നടന്ന ഇന്ത്യാ ടുഡേ കോണ്‍ക്ലേവിലാണ് അവര്‍ ഇക്കാര്യം സൂചിപ്പിച്ചത്. പാര്‍ട്ടി ആവശ്യപ്പെട്ടാല്‍ 2019-ലെ പൊതുതിരഞ്ഞെടുപ്പില്‍ റായ്ബറേലി മണ്ഡലത്തില്‍ മത്സരിക്കുമെന്ന് സോണിയ പറഞ്ഞു. മകള്‍ പ്രിയങ്കാഗാന്ധി വദ്ര രാഷ്ട്രീയപ്രവേശം നടത്തുമോ എന്നതിനെക്കുറിച്ച് അറിയില്ലെന്നും ഇക്കാര്യത്തില്‍ മകള്‍തന്നെ ഒരു നിലപാടിലെത്തുമെന്ന് പ്രതീക്ഷിക്കുന്നതായും സോണിയ പറഞ്ഞു. കേന്ദ്രത്തില്‍ അടുത്തതവണ കോണ്‍ഗ്രസ് അധികാരത്തിലേറുമെന്ന ആത്മവിശ്വാസമുണ്ട്. പ്രധാനമന്ത്രി നരേന്ദ്രമോദിയുടെ 'അച്ഛാ ദിന്‍' പ്രചാരണം ബി.ജെ.പി.യുടെ പഴയ 'ഇന്ത്യ തിളങ്ങുന്നു' പ്രചാരണംപോലെ തിരിച്ചടിക്കും. നടപ്പാക്കാന്‍ സാധിക്കാത്ത കാര്യങ്ങള്‍ പറഞ്ഞ് കോണ്‍ഗ്രസ് ഒരിക്കലും ജനങ്ങളെ പറ്റിക്കില്ല -സോണിയാഗാന്ധി പറഞ്ഞു. ജനാധിപത്യത്തില്‍ ഭിന്നാഭിപ്രായങ്ങള്‍ക്കും സംവാദങ്ങള്‍ക്കും സ്ഥാനമുണ്ട്. അല്ലാതെ ഒരാള്‍ പറയുന്നതുമാത്രമാണ് ശരിയെന്നു കരുതാന്‍ പാടില്ല. പ്രധാനമന്ത്രിയായിരുന്ന അടല്‍ ബിഹാരി വാജ്‌പേയി പാര്‍ലമെന്ററി ജനാധിപത്യത്തിന് വിലകല്പിച്ചിരുന്നു -അവര്‍ പറഞ്ഞു. സ്വന്തം പരിമിതികള്‍ അറിയാവുന്നതുകൊണ്ടാണ് 2004-ല്‍ താന്‍ പ്രധാനമന്ത്രിപദമേറ്റെടുക്കാതിരുന്നതെന്നും സോണിയ പറഞ്ഞു. തന്നെക്കാള്‍ മികച്ച പ്രധാനമന്ത്രിയായിരിക്കും ഡോ. മന്‍മോഹന്‍ സിങ് എന്ന് ഉറപ്പായിരുന്നു. 2014-ലെ പരാജയത്തിനു കാരണം ഭരണവിരുദ്ധവികാരം മാത്രമായിരുന്നില്ല; അഴിമതിയെക്കുറിച്ചുള്ള സി.എ.ജി. റിപ്പോര്‍ട്ടുകള്‍ പ്രതിപക്ഷം ഊതിപ്പെരുപ്പിച്ചു. കൃത്യമായ വിപണനതന്ത്രം കോണ്‍ഗ്രസിനുണ്ടായിരുന്നില്ല. അതിനാല്‍, നരേന്ദ്രമോദിയുടെ പ്രചാരണതന്ത്രങ്ങളെ നേരിടാനായില്ല -അവര്‍ പറഞ്ഞു. രാഹുലിന് താന്‍ നിര്‍ദേശങ്ങള്‍ നല്‍കാറില്ല. പഴയകാലനേതാക്കളേയും യുവനേതാക്കളേയും ഒന്നിച്ചു കൊണ്ടുപോകാന്‍ രാഹുലിനു കഴിയും. രാഷ്ട്രീയ എതിരാളികളെ ഒതുക്കാന്‍ അവരെ കേസുകളില്‍ കുടുക്കുന്നത് ബി.ജെ.പി. സര്‍ക്കാരിന്റെ രീതിയാണെന്നും കാര്‍ത്തി ചിദംബരത്തിന്റെ അറസ്റ്റിനെ പരാമര്‍ശിച്ച് സോണിയ പറഞ്ഞു.

Other News

  • മോഡിയുടെ വിദേശ യാത്രകള്‍ക്കും, നേട്ടങ്ങള്‍ അവകാശപ്പെട്ടു കൊണ്ടുള്ള പരസ്യങ്ങള്‍ക്കുമായി ഖജനാവില്‍ നിന്നു ചെലവിട്ടത് 6590 കോടി രൂപ
  • ഛത്തീസഗഢില്‍ പിസിസി അധ്യക്ഷന്‍ ഭൂപേഷ് ഭാഗേല്‍ മുഖ്യമന്ത്രിയാകും; തിങ്കളാഴ്ച സത്യപ്രതിജ്ഞ
  • ബി.ജെ.പി യുടെ രഥയാത്രയ്ക്ക് ബംഗാള്‍ സര്‍ക്കാര്‍ അനുമതി നിഷേധിച്ചു; രഥയാത്ര കുഴപ്പങ്ങള്‍ക്കു കാരണമാകുമെന്ന് വിലയിരുത്തല്‍
  • അനധികൃത കല്‍ക്കരി ഖനിയില്‍ കുടുങ്ങി 13 പേര്‍; രക്ഷാപ്രവര്‍ത്തനം ഫലം കണ്ടില്ല
  • റഫാലില്‍ തെറ്റിദ്ധരിപ്പിച്ചു: എജിയെയും സി.എ.ജിയേയും പി.എ.സി വിളിപ്പിക്കുമെന്ന് ഖാര്‍ഗെ
  • റഫേല്‍ യുദ്ധവിമാന അഴിമതി ആരോപണത്തില്‍ കൂടുതല്‍ അന്വേഷണം ആവശ്യമില്ലെന്ന് സുപ്രീംകോടതി
  • മോഡി നടത്തിയ 84 വിദേശയാത്രകള്‍ക്കായി ചിലവാക്കിയത് 2000 കോടിയിലധികം രൂപയെന്ന് കേന്ദ്രസര്‍ക്കാര്‍
  • ടിക്കറ്റെടുക്കാതെ യാത്ര ചെയ്യുന്നവരില്‍നിന്ന് ഇന്ത്യന്‍ റെയില്‍വേയുടെ സെന്‍ട്രല്‍ സോണ്‍ പിഴയായി ഈടാക്കിയത് 125.16 കോടി രൂപ
  • അശോക് ഗെലോട്ട് രാജസ്ഥാന്‍ മുഖ്യമന്ത്രിയാകും; ഛത്തീസ് ഗഡില്‍ തര്‍ക്കം തുടരുന്നു
  • ഹിന്ദി ഹൃദയഭൂമിയിലെ വിജയം കോണ്‍ഗ്രസിന് മേല്‍ക്കൈ നല്‍കുന്നു; ഉപാധികളില്ലാതെ പിന്തുണ പ്രഖ്യാപിച്ച് മായാവതിയും അഖിലേഷ് യാദവും
  • മധ്യപ്രദേശില്‍ 114 സീറ്റുനേടി കോണ്‍ഗ്രസ് ഏറ്റവും വലിയ ഒറ്റ കക്ഷി; ബിഎസ്പി പിന്തുണ കോണ്‍ഗ്രസിന്
  • Write A Comment

     
    Reload Image
    Add code here