ബാങ്കുകളില്‍ നിന്ന് 50 കോടി രൂപയ്ക്കു മുകളില്‍ വായ്പ എടുക്കുന്നവരുടെ പാസ്‌പോര്‍ട്ട് വിവരങ്ങള്‍ കൂടി ഇനി മുതല്‍ ശേഖരിക്കും

Sat,Mar 10,2018


ന്യൂഡല്‍ഹി: പൊതുമേഖലാ ബാങ്കുകളില്‍ നിന്ന് 50 കോടി രൂപയ്ക്കു മുകളില്‍ വായ്പ എടുക്കുന്നവരുടെ പൂര്‍ണ പാസ്‌പോര്‍ട്ട് വിവരങ്ങള്‍ കൂടി ശേഖരിക്കുന്നത് കേന്ദ്ര സര്‍ക്കാര്‍ നിര്‍ബന്ധമാക്കി. വായ്പ എടുത്ത ശേഷം ബാങ്കുകളെ കബളിപ്പിച്ച് രാജ്യം വിടുന്നത് തടയാനുള്ള നടപടിയുടെ ഭാഗമായിട്ടാണിത്. പുതിയ വായ്പാ അപേക്ഷകള്‍ ഇതുകൂടി ചേര്‍ത്ത് പരിഷ്‌കരിക്കുന്നതാണെന്ന് ഫിനാന്‍ഷ്യല്‍ സര്‍വീസസ് ഡിപ്പാര്‍ട്ട്‌മെന്റ് സെക്രട്ടറി രാജീവ് കുമാര്‍ പറഞ്ഞു. നിലവില്‍ 50 കോടി രൂപയില്‍ കൂടുതല്‍ വായ്പ എടുത്തിട്ടുള്ളവരുടെ പാസ്‌പോര്‍ട്ട് വിവരങ്ങള്‍ ശേഖരിക്കാന്‍ 45 ദിവസത്തെ സമയം അനുവദിച്ചിട്ടുണ്ട്.
ബാങ്കിംഗ് മേഖല ശുദ്ധീകരിക്കുന്നതിന്റെ ഭാഗമായിട്ടാണ് ഈ നടപടിയെന്ന് രാജീവ് കുമാര്‍ അറിയിച്ചു. പഞ്ചാബ് നാഷണല്‍ ബാങ്കില്‍ അടുത്തയിടെ നടന്ന 12,600 കോടിയുടെ ബാങ്ക് തട്ടിപ്പ് സംഭവം ഉള്‍പ്പെടെ സമീപകാലത്ത് നടന്ന വായ്പാ തട്ടിപ്പുകളുടെ പശ്ചാത്തലത്തിലാണ് ഇപ്പോഴത്തെ നീക്കം ഉണ്ടായിരിക്കുന്നത്.
വായ്പാ കുടിശിക വരുത്തിയ ശേഷം രാജ്യം വിടാന്‍ ശ്രമിക്കുന്നവരെ അതിവേഗം കണ്ടെത്താന്‍ ഈ നടപടി സഹായകമാകുമെന്നാണ് പ്രതീക്ഷ. ബാങ്കുകള്‍ക്ക് ബന്ധപ്പെട്ട വ്യക്തികളെപ്പറ്റി കൃത്യമായ വിവരങ്ങള്‍ അന്വേഷണ ഏജന്‍സികളെ ധരിപ്പിക്കാനും ഇതുവഴി കഴിയും.

Other News

  • മോഡിയുടെ വിദേശ യാത്രകള്‍ക്കും, നേട്ടങ്ങള്‍ അവകാശപ്പെട്ടു കൊണ്ടുള്ള പരസ്യങ്ങള്‍ക്കുമായി ഖജനാവില്‍ നിന്നു ചെലവിട്ടത് 6590 കോടി രൂപ
  • ഛത്തീസഗഢില്‍ പിസിസി അധ്യക്ഷന്‍ ഭൂപേഷ് ഭാഗേല്‍ മുഖ്യമന്ത്രിയാകും; തിങ്കളാഴ്ച സത്യപ്രതിജ്ഞ
  • ബി.ജെ.പി യുടെ രഥയാത്രയ്ക്ക് ബംഗാള്‍ സര്‍ക്കാര്‍ അനുമതി നിഷേധിച്ചു; രഥയാത്ര കുഴപ്പങ്ങള്‍ക്കു കാരണമാകുമെന്ന് വിലയിരുത്തല്‍
  • അനധികൃത കല്‍ക്കരി ഖനിയില്‍ കുടുങ്ങി 13 പേര്‍; രക്ഷാപ്രവര്‍ത്തനം ഫലം കണ്ടില്ല
  • റഫാലില്‍ തെറ്റിദ്ധരിപ്പിച്ചു: എജിയെയും സി.എ.ജിയേയും പി.എ.സി വിളിപ്പിക്കുമെന്ന് ഖാര്‍ഗെ
  • റഫേല്‍ യുദ്ധവിമാന അഴിമതി ആരോപണത്തില്‍ കൂടുതല്‍ അന്വേഷണം ആവശ്യമില്ലെന്ന് സുപ്രീംകോടതി
  • മോഡി നടത്തിയ 84 വിദേശയാത്രകള്‍ക്കായി ചിലവാക്കിയത് 2000 കോടിയിലധികം രൂപയെന്ന് കേന്ദ്രസര്‍ക്കാര്‍
  • ടിക്കറ്റെടുക്കാതെ യാത്ര ചെയ്യുന്നവരില്‍നിന്ന് ഇന്ത്യന്‍ റെയില്‍വേയുടെ സെന്‍ട്രല്‍ സോണ്‍ പിഴയായി ഈടാക്കിയത് 125.16 കോടി രൂപ
  • അശോക് ഗെലോട്ട് രാജസ്ഥാന്‍ മുഖ്യമന്ത്രിയാകും; ഛത്തീസ് ഗഡില്‍ തര്‍ക്കം തുടരുന്നു
  • ഹിന്ദി ഹൃദയഭൂമിയിലെ വിജയം കോണ്‍ഗ്രസിന് മേല്‍ക്കൈ നല്‍കുന്നു; ഉപാധികളില്ലാതെ പിന്തുണ പ്രഖ്യാപിച്ച് മായാവതിയും അഖിലേഷ് യാദവും
  • മധ്യപ്രദേശില്‍ 114 സീറ്റുനേടി കോണ്‍ഗ്രസ് ഏറ്റവും വലിയ ഒറ്റ കക്ഷി; ബിഎസ്പി പിന്തുണ കോണ്‍ഗ്രസിന്
  • Write A Comment

     
    Reload Image
    Add code here