മുംബൈയില്‍ മഹാ മാര്‍ച്ചിനെത്തിയ കര്‍ഷകര്‍ മാവോയിസ്റ്റുകളെന്ന് ബി.ജെ.പി എം.പി; കാരണം അവര്‍ പിടിക്കുന്നത് ചെങ്കൊടിയാണെന്ന്

Mon,Mar 12,2018


മുംബൈ: രാജ്യത്തെ ഇളക്കിമറിച്ച് മുംബൈയില്‍ അഖിലേന്ത്യ കിസാന്‍ സഭയുടെ നേതൃത്വത്തില്‍ മഹാമാര്‍ച്ച് നടത്തുന്ന കര്‍ഷകരെ മാവോയിസ്റ്റുകളെന്ന് അഭിസംബോധന ചെയ്ത് ബി.ജെ.പി എം.പി പൂനം മഹാജന്‍. 'അര്‍ബന്‍ മാവോയിസ്റ്റ്' എന്നാണ് പൂനം കര്‍ഷകരെ വിളിച്ചത്.
'കര്‍ഷകര്‍ കമ്മ്യൂണിസ്റ്റുകളുടെ കൊടി പിടിച്ചിരിക്കുകയാണ്. നഗരത്തിലെ മാവോയിസ്റ്റുകള്‍ അവരെ ദുരുപയോഗം ചെയ്യുന്നു. ഇത് നഗര മാവോയിസമാണ്.' പൂനം ആരോപിച്ചു.
'മഹാരാഷ്ട്രയില്‍ ആദിവാസികള്‍ അര്‍ബന്‍ മാവോയിസത്തിന്റെ പിടിയിലാണ്. പൂനെയാണ് ഇതിന്റെ കേന്ദ്രം.' എന്നും അവര്‍ പറഞ്ഞിരുന്നു.
പരാമര്‍ശം വിശദീകരിക്കാന്‍ ആവശ്യപ്പെട്ടപ്പോള്‍ ഇതില്‍ വിശദീകരിക്കാനൊന്നുമില്ലെന്നും അവരുടെ കൈകളിലെ ചെങ്കൊടികള്‍ തന്നെ തന്റെ ആരോപണത്തിന് തെളിവാണെന്നും അവര്‍ അഭിപ്രായപ്പെട്ടു.
എന്നാല്‍ പൂനത്തിന്റെ പരാമര്‍ശത്തിനെതിരെ സി.പി.ഐ.എം നേതാവ് എം.ബി രാജേഷ് രംഗത്തുവന്നു. 'പോയി പത്രംവായിക്കൂ' എന്നാണ് രാജേഷ് പൂനത്തോടു പറഞ്ഞ മറുപടി.
ഈ മാസം ആറാം തീയ്യതിയാണ് അഖിലേന്ത്യ കിസാന്‍ സഭയുടെ നേതൃത്വത്തില്‍ നാസിക്കില്‍ നിന്നും കര്‍ഷകര്‍ ലോംഗ് മാര്‍ച്ച് ആരംഭിച്ചത്. 200 കിലോമീറ്ററുകളോളം താണ്ടിയാണ് വൃദ്ധരും സ്ത്രീകളുമടങ്ങുന്ന ഒരുലക്ഷത്തോളം കര്‍ഷകര്‍ മുംബൈയിലേക്ക് മാര്‍ച്ച് ചെയ്തത്.
മുംബൈ നഗരത്തില്‍ പ്രവേശിച്ച മാര്‍ച്ചിനെ നഗരവാസികള്‍ ഇരുകൈയ്യും നീട്ടിയാണ് സ്വീകരിച്ചത്. നഗരത്തിലേക്ക് പ്രവേശിച്ച ലോങ്മാര്‍ച്ചിനെ പാതക്കിരുവശവും നിന്ന് അഭിവാദ്യം ചെയ്താണ് മുംബൈ നിവാസികള്‍ സ്വീകരിച്ചത്.

Other News

  • കര്‍ണ്ണാടക മുഖ്യമന്ത്രിയാകാന്‍ ബി എസ് യെദ്യൂരപ്പ ബിജെപി നേതാക്കള്‍ക്ക് 1800 കോടി നല്‍കിയെന്ന് കോണ്‍ഗ്രസ്; ഡയറിക്കുറിപ്പ് പുറത്ത്
  • ബി എസ് യെദ്യൂരപ്പയ്ക്കെതിരെ കോണ്‍ഗ്രസ് ഉന്നയിച്ച ആരോപണങ്ങള്‍ വ്യാജമെന്ന് ബിജെപി
  • 24 മണിക്കൂറിനിടെ ജമ്മുകശ്മീരില്‍ നാല് ഏറ്റുമുട്ടലുകളില്‍ ലഷ്‌കര്‍ കമാന്‍ഡര്‍ അടക്കം ഏഴ് ഭീകരരെ സൈന്യം വധിച്ചു
  • തിരഞ്ഞെടുപ്പ് ചട്ട ലംഘനം: നടൻ പ്രകാശ് രാജിനെതിരേ കേസെടുത്തു
  • അഡ്വാനിക്കും, മനോഹര്‍ ജോഷിക്കും സീറ്റില്ല; പഴയ പടക്കുതിരകള്‍ അണിയറയിലേക്കു മടങ്ങുന്നു, കരുത്തു കാട്ടി മോഡി - ഷാ കൂട്ടുകെട്ട്
  • യുപിയില്‍ മഹാസഖ്യം ബിജെപിയുടെ സീറ്റ് കുറയ്ക്കും
  • മോഡി വാരണാസിയില്‍, അഡ്വാനിക്കു പകരം ഗാന്ധിനഗറില്‍ അമിത് ഷാ, തിരുവനന്തപുരത്ത് കുമ്മനം; ബി.ജെ.പി ആദ്യ സ്ഥാനാര്‍ഥി പട്ടികയായി
  • യുപിയില്‍ മോഡി; തമിഴ്‌നാട്ടില്‍ രാഹുല്‍
  • സഖ്യങ്ങൾ ഉറപ്പിച്ച് ബിജെപി മുന്നോട്ട് ; സഖ്യങ്ങൾ ഉറപ്പിക്കാനാവാതെ കോൺഗ്രസ് വിയർക്കുന്നു
  • സംജുത്‌വാ ട്രെയിന്‍ സ്‌ഫോടന കേസ്; സ്വാമി അസീമാനന്ദ് ഉള്‍പ്പെടെ നാലു പേരെ കുറ്റവിമുക്തരാക്കി
  • പിഎന്‍ബി വായ്പാ തട്ടിപ്പ് കേസ് പ്രതി നീരവ് മോദി ലണ്ടനില്‍ അറസ്റ്റില്‍; വെസ്റ്റ് മിനിസ്റ്റര്‍ കോടതിയില്‍ ഹാജരാക്കും
  • Write A Comment

     
    Reload Image
    Add code here