കര്‍ഷക മഹാറാലിക്കുമുന്നില്‍ മഹാരാഷ്ട്ര സര്‍ക്കാര്‍ മുട്ടുമടക്കി; എല്ലാ ആവശ്യങ്ങളും അംഗീകരിച്ചു; പ്രക്ഷോഭം പിന്‍വലിച്ചു

Mon,Mar 12,2018


മുംബൈ: ആറുദിവസമായി മഹാരാഷ്ട്ര സര്‍ക്കാരിനെ വിറപ്പിച്ച കര്‍ഷക സമരം ആവശ്യങ്ങള്‍ പൂര്‍ണമായും അംഗീകരിക്കപ്പെട്ടതിനെ തുടര്‍ന്ന് പിന്‍വലിച്ചു.
അഖിലേന്ത്യ കിസാന്‍ സഭയുടെ നേതൃത്വത്തില്‍ നാസിക്കില്‍ നിന്നാരംഭിച്ച കര്‍ഷക മഹാറാലി ഞായറാഴ്ചയാണ് മുംബൈയിലെത്തിയത്.
സിപിഎം ദേശീയ ജനറല്‍ സെക്രട്ടറി സീതാറാം യെച്ചൂരി റാലിയെ അഭിസംബോധന ചെയ്തിരുന്നു.
തിങ്കളാഴ്ച ഉച്ചയ്ക്ക് 2 മണിയോടെ സമരനേതാക്കളും സംസ്ഥാന സര്‍ക്കാരും ചേര്‍ന്ന് നടത്തിയ ഒത്തുതീര്‍പ്പു ചര്‍ച്ചയില്‍ കര്‍ഷകരുടെ മുഴുവന്‍ ആവശ്യങ്ങളും അംഗീകരിക്കുന്നതായി ജലസേചന മന്ത്രി ഗിരീഷ് മഹാജന്‍ അറിയിച്ചതോടെയാണ് സമരം അവസാനിപ്പിക്കാന്‍ കര്‍ഷകര്‍ തീരുമാനിച്ചത്.
കൃഷിഭൂമിക്ക് പട്ടയം നല്‍കുന്നതുള്‍പ്പെടെ കര്‍ഷക സംഘടന മുന്നോട്ടുവെച്ച അടിസ്ഥാന ആവശ്യങ്ങള്‍ നൂറുശതമാനവും അംഗീകരിക്കുന്നതായി സര്‍ക്കാര്‍ അറിയിച്ചു.
സമരത്തിനായി ആറുദിവസമായി ഗ്രാമങ്ങളില്‍ നിന്ന് 200 ലേറെ കിലോമീറ്റര്‍ കാല്‍ നടയായി വന്ന കര്‍ഷകര്‍ക്ക് ത്ിരികെ പോകുന്നതിനായി പ്രത്യേക ട്രെയിന്‍ സര്‍വീസുകള്‍ നടത്താമെന്നും സര്‍ക്കാര്‍ സമ്മതിച്ചു. ശനിയാഴ്ച രാത്രി നാസിക്കിലെ മുലിന്ദില്‍ നിന്നാണ് കര്‍ഷക റാലി ആരംഭിച്ചത്.
ഞായാറാഴ്ച മുംബൈയില്‍ എത്തിയ റാലിടെ ജനങ്ങള്‍ ഹര്‍ഷാരവങ്ങളോടെയാണ് വരവേറ്റത്.
പൊതുജനങ്ങള്‍ക്ക് ബുദ്ധിമുട്ട് ഉണ്ടാകാതിരിക്കാന്‍ രാത്രിയാണ് മാര്‍ച്ച് രാത്രികാലത്തേക്ക് കിസാന്‍ സഭ മാറ്റിവെക്കുകയായിരുന്നു.
മഹാരാഷ്ട്ര സര്‍ക്കാരിന്റെ ആസ്ഥാനകേന്ദ്രമായ മുംബൈയിലെ വിധാന്‍ സഭ ഘെരാവോ ചെയ്യുക എന്ന ലക്ഷ്യത്തോടെയാണ് കിസാന്‍ സഭ മാര്‍ച്ചുമായി മുംബൈയിലേക്ക് കാല്‍നടയായെത്തിയത്.
കര്‍ഷക ആത്മഹത്യകളിലേക്ക് നയിച്ച കാര്‍ഷിക കടങ്ങള്‍ പൂര്‍ണമായും എഴുതി തള്ളുക, കര്‍ഷകര്‍ക്ക് ആശ്വാസംപകരുന്ന എംഎസ് സ്വാമിനാഥന്‍ കമ്മീഷന്‍ ശുപാര്‍ശകള്‍ നടപ്പാക്കുക, സര്‍ക്കാര്‍ പദ്ധതികള്‍ക്കായി ഏറ്റെടുത്ത കൃഷിഭൂമിക്ക് അര്‍ഹമായ നഷ്ടപരിഹാരം നല്‍കുക തുടങ്ങി ആവശ്യങ്ങളുന്നയിച്ചായിരുന്നു പ്രക്ഷോഭം.

Other News

  • കര്‍ണ്ണാടക മുഖ്യമന്ത്രിയാകാന്‍ ബി എസ് യെദ്യൂരപ്പ ബിജെപി നേതാക്കള്‍ക്ക് 1800 കോടി നല്‍കിയെന്ന് കോണ്‍ഗ്രസ്; ഡയറിക്കുറിപ്പ് പുറത്ത്
  • ബി എസ് യെദ്യൂരപ്പയ്ക്കെതിരെ കോണ്‍ഗ്രസ് ഉന്നയിച്ച ആരോപണങ്ങള്‍ വ്യാജമെന്ന് ബിജെപി
  • 24 മണിക്കൂറിനിടെ ജമ്മുകശ്മീരില്‍ നാല് ഏറ്റുമുട്ടലുകളില്‍ ലഷ്‌കര്‍ കമാന്‍ഡര്‍ അടക്കം ഏഴ് ഭീകരരെ സൈന്യം വധിച്ചു
  • തിരഞ്ഞെടുപ്പ് ചട്ട ലംഘനം: നടൻ പ്രകാശ് രാജിനെതിരേ കേസെടുത്തു
  • അഡ്വാനിക്കും, മനോഹര്‍ ജോഷിക്കും സീറ്റില്ല; പഴയ പടക്കുതിരകള്‍ അണിയറയിലേക്കു മടങ്ങുന്നു, കരുത്തു കാട്ടി മോഡി - ഷാ കൂട്ടുകെട്ട്
  • യുപിയില്‍ മഹാസഖ്യം ബിജെപിയുടെ സീറ്റ് കുറയ്ക്കും
  • മോഡി വാരണാസിയില്‍, അഡ്വാനിക്കു പകരം ഗാന്ധിനഗറില്‍ അമിത് ഷാ, തിരുവനന്തപുരത്ത് കുമ്മനം; ബി.ജെ.പി ആദ്യ സ്ഥാനാര്‍ഥി പട്ടികയായി
  • യുപിയില്‍ മോഡി; തമിഴ്‌നാട്ടില്‍ രാഹുല്‍
  • സഖ്യങ്ങൾ ഉറപ്പിച്ച് ബിജെപി മുന്നോട്ട് ; സഖ്യങ്ങൾ ഉറപ്പിക്കാനാവാതെ കോൺഗ്രസ് വിയർക്കുന്നു
  • സംജുത്‌വാ ട്രെയിന്‍ സ്‌ഫോടന കേസ്; സ്വാമി അസീമാനന്ദ് ഉള്‍പ്പെടെ നാലു പേരെ കുറ്റവിമുക്തരാക്കി
  • പിഎന്‍ബി വായ്പാ തട്ടിപ്പ് കേസ് പ്രതി നീരവ് മോദി ലണ്ടനില്‍ അറസ്റ്റില്‍; വെസ്റ്റ് മിനിസ്റ്റര്‍ കോടതിയില്‍ ഹാജരാക്കും
  • Write A Comment

     
    Reload Image
    Add code here