ഉപതെരഞ്ഞെടുപ്പില്‍ ബിഹാറും യുപിയും ബിജെപിയെ കൈവിട്ടു; ഫുല്‍പുരിലും, ഗോരഖ്പുരിലും എസ്.പി; ബിഹാറില്‍ ആര്‍ജെഡി

Wed,Mar 14,2018


ന്യൂഡല്‍ഹി: യുപിയിലും ബിഹാറിലും നടന്ന ലോക്‌സഭാ ഉപതെരഞ്ഞെടുപ്പുകളില്‍ ബിജെപിക്കു കനത്ത തിരിച്ചടി.
ഉത്തര്‍പ്രദേശില്‍ ഉപമുഖ്യമന്ത്രി കേശവ് പ്രസാദ് മൗര്യയുടെ മണ്ഡലമായിരുന്ന ഫുല്‍പുരില്‍ സമാജ്‌വാദി പാര്‍ട്ടിയുടെ (എസ്പി) നാഗേന്ദ്ര സിങ് പട്ടേല്‍ അട്ടിമറി ജയം നേടി. ബിജെപിയുടെ കൗശലേന്ദ്ര സിങ് പട്ടേലിനെ 59,613 വോട്ടുകളുടെ വന്‍ഭൂരിപക്ഷത്തിലാണു നാഗേന്ദ്ര സിങ് തളച്ചത്.
2014ലെ പൊതുതിരഞ്ഞെടുപ്പില്‍ ബിജെപി സ്ഥാനാര്‍ഥി മൂന്നു ലക്ഷത്തിലധികം വോട്ടുകള്‍ക്കു ജയിച്ച മണ്ഡലമാണിത്.
മുഖ്യമന്ത്രി യോഗി ആദിത്യനാഥിന്റെ മണ്ഡലമായിരുന്ന ഗോരഖ്പുരില്‍ എസ്പി സ്ഥാനാര്‍ഥി വിജയത്തോട് അടുക്കുകയാണ്. ബിഎസ്പി പിന്തുണയുള്ള എസ്പി സ്ഥാനാര്‍ഥി പ്രവീണ്‍ കുമാര്‍ നിഷാദ് ഇവിടെ 22,594 വോട്ടുകള്‍ക്കു മുന്നിലാണ്. 25 റൗണ്ട് വോട്ടെണ്ണല്‍ കഴിഞ്ഞപ്പോള്‍ ബിജെപിയുടെ ഉപേന്ദ്ര ദത്ത് ശുക്ല രണ്ടാമതാണ്. തുടര്‍ച്ചയായ അഞ്ചുതെരഞ്ഞെടുപ്പുകളില്‍ യോഗി ആദിത്യനാഥ് ജയിച്ച മണ്ഡലമാണിത്.
നിയമസഭാതെരഞ്ഞെടുപ്പില്‍ തകര്‍പ്പന്‍ വിജയം നേടി വെറും ഒരുവര്‍ഷം മാത്രം പിന്നിടുമ്പോള്‍ ഏറ്റ വന്‍ തിരിച്ചടി ബിജെപി കേന്ദ്ര സംസ്ഥാന നേതൃത്വത്തെ ഞെട്ടിച്ചു. ഉപതെരഞ്ഞെടുപ്പിലെ നേട്ടം ദേശീയ രാഷ്ട്രീയത്തില്‍ പ്രതിപക്ഷ പാര്‍ട്ടികളില്‍ സൃഷ്ടിച്ച ഉണര്‍വ് ആസന്നമായ ലോകസഭാ തെരഞ്ഞെടുപ്പില്‍ ബിജെപിക്ക് എതിരായ പുതിയ ബദല്‍ ആയി മാറ്റാന്‍ കഴിയുമെന്ന പ്രതീക്ഷയുണ്ടാക്കിയിട്ടുണ്ട്. കാല്‍ നൂറ്റാണ്ടായി പരസ്പര വൈരികളായി നിന്ന അഖിലേഷും മായാവതിയും ബിജെപിക്കെതിരെ ഒരുമിച്ചതാണ് തെരഞ്ഞെടുപ്പില്‍ നേട്ടമായതെന്ന പ്രത്യേകതയുമുണ്ട്.
അതേസമയം, രണ്ടു മണ്ഡലങ്ങളിലും കോണ്‍ഗ്രസ് സ്ഥാനാര്‍ഥികള്‍ക്ക് കെട്ടിവച്ച കാശുപോലും കിട്ടിയില്ല.
ആദിത്യനാഥും കേശവ് പ്രസാദ് മൗര്യയും കഴിഞ്ഞവര്‍ഷം നിയമസഭാ തിരഞ്ഞെടുപ്പിനുശേഷം രാജിവച്ചതിനെ തുടര്‍ന്നാണ് ഉപതിരഞ്ഞെടുപ്പു വേണ്ടിവന്നത്. 2017ലെ തിരഞ്ഞെടുപ്പില്‍ 403 അംഗ നിയമസഭയില്‍ 325 സീറ്റിന്റെ കൂറ്റന്‍ വിജയമാണു ബിജെപി നേടിയത്.
ബിഹാറിലെ അരരിയയിലും ബിജെപി സ്ഥാനാര്‍ഥി തോറ്റു. ഇവിടെ ആര്‍ജെഡി സ്ഥാനാര്‍ഥി സര്‍ഫറാസ് ആലമാണ് ജയിച്ചത്. 61,988 വോട്ടുകള്‍ക്കാണ് ആലത്തിന്റെ വിജയം. ആര്‍ജെഡി എംപിയുടെ മരണത്തെത്തുടര്‍ന്നാണു തിരഞ്ഞെടുപ്പു വേണ്ടിവന്നത്.
ഉപതിരഞ്ഞെടുപ്പു നടക്കുന്ന രണ്ടു നിയമസഭാ മണ്ഡലങ്ങളില്‍ ബാബുവയില്‍ ബിജെപി സ്ഥാനാര്‍ഥി റിങ്കി റാണി പാണ്ഡെയും ജെഹനാബാദില്‍ ആര്‍ജെഡി സ്ഥാനാര്‍ഥി കുമാര്‍ കൃഷ്ണ മോഹനും ജയിച്ചു.

Other News

  • മോഡിയുടെ വിദേശ യാത്രകള്‍ക്കും, നേട്ടങ്ങള്‍ അവകാശപ്പെട്ടു കൊണ്ടുള്ള പരസ്യങ്ങള്‍ക്കുമായി ഖജനാവില്‍ നിന്നു ചെലവിട്ടത് 6590 കോടി രൂപ
  • ഛത്തീസഗഢില്‍ പിസിസി അധ്യക്ഷന്‍ ഭൂപേഷ് ഭാഗേല്‍ മുഖ്യമന്ത്രിയാകും; തിങ്കളാഴ്ച സത്യപ്രതിജ്ഞ
  • ബി.ജെ.പി യുടെ രഥയാത്രയ്ക്ക് ബംഗാള്‍ സര്‍ക്കാര്‍ അനുമതി നിഷേധിച്ചു; രഥയാത്ര കുഴപ്പങ്ങള്‍ക്കു കാരണമാകുമെന്ന് വിലയിരുത്തല്‍
  • അനധികൃത കല്‍ക്കരി ഖനിയില്‍ കുടുങ്ങി 13 പേര്‍; രക്ഷാപ്രവര്‍ത്തനം ഫലം കണ്ടില്ല
  • റഫാലില്‍ തെറ്റിദ്ധരിപ്പിച്ചു: എജിയെയും സി.എ.ജിയേയും പി.എ.സി വിളിപ്പിക്കുമെന്ന് ഖാര്‍ഗെ
  • റഫേല്‍ യുദ്ധവിമാന അഴിമതി ആരോപണത്തില്‍ കൂടുതല്‍ അന്വേഷണം ആവശ്യമില്ലെന്ന് സുപ്രീംകോടതി
  • മോഡി നടത്തിയ 84 വിദേശയാത്രകള്‍ക്കായി ചിലവാക്കിയത് 2000 കോടിയിലധികം രൂപയെന്ന് കേന്ദ്രസര്‍ക്കാര്‍
  • ടിക്കറ്റെടുക്കാതെ യാത്ര ചെയ്യുന്നവരില്‍നിന്ന് ഇന്ത്യന്‍ റെയില്‍വേയുടെ സെന്‍ട്രല്‍ സോണ്‍ പിഴയായി ഈടാക്കിയത് 125.16 കോടി രൂപ
  • അശോക് ഗെലോട്ട് രാജസ്ഥാന്‍ മുഖ്യമന്ത്രിയാകും; ഛത്തീസ് ഗഡില്‍ തര്‍ക്കം തുടരുന്നു
  • ഹിന്ദി ഹൃദയഭൂമിയിലെ വിജയം കോണ്‍ഗ്രസിന് മേല്‍ക്കൈ നല്‍കുന്നു; ഉപാധികളില്ലാതെ പിന്തുണ പ്രഖ്യാപിച്ച് മായാവതിയും അഖിലേഷ് യാദവും
  • മധ്യപ്രദേശില്‍ 114 സീറ്റുനേടി കോണ്‍ഗ്രസ് ഏറ്റവും വലിയ ഒറ്റ കക്ഷി; ബിഎസ്പി പിന്തുണ കോണ്‍ഗ്രസിന്
  • Write A Comment

     
    Reload Image
    Add code here