അമേരിക്കയിലേക്കുള്ള ഇന്ത്യന്‍ സന്ദര്‍ശകരുടെ എണ്ണത്തില്‍ എട്ടു വര്‍ഷത്തിനു ശേഷം ഇടിവ്

Thu,Sep 13,2018


ന്യൂഡല്‍ഹി: കഴിഞ്ഞ എട്ടു വര്‍ഷത്തിനിടെ ഇതാദ്യമായി അമേരിക്കയിലേക്കുള്ള ഇന്ത്യന്‍ സന്ദര്‍ശകരുടെ എണ്ണത്തില്‍ കുറവ് അനുഭവപ്പെട്ടു. 2017 ല്‍ 11.14 ലക്ഷം ഇന്ത്യക്കാര്‍ അമേരിക്ക സന്ദര്‍ശിച്ചുവെങ്കില്‍ തലേ വര്‍ഷം ഈ സംഖ്യ 11.72 ലക്ഷമായിരുന്നു. യാത്രക്കാരുടെ എണ്ണത്തില്‍ അഞ്ചു ശതമാനത്തോളം കുറവു വന്നതായി അമേരിക്കന്‍ വാണിജ്യ വകുപ്പിന്റെ നാഷണല്‍ ട്രാവല്‍ ആന്‍ഡ് ട്രേഡ് ഓഫീസിന്റെ കണക്കുകള്‍ പറയുന്നു.
ഇതിനു മുമ്പ് 2009 ലാണ് ഇന്ത്യന്‍ യാത്രക്കാരുടെ എണ്ണത്തില്‍ കുറവു രേഖപ്പെടുത്തിയത്. അക്കൊല്ലം 5.5 യാത്രക്കാരാണ് അമേരിക്കയില്‍ എത്തിയത്. തലേ വര്‍ഷത്തേക്കാള്‍ എട്ടു ശതമാനം കുറവായിരുന്നു ഇത്. ആഗോള സാമ്പത്തിക മാന്ദ്യത്തെ തുടര്‍ന്ന് കോര്‍പറേറ്റ് ഓഫീസുകളും, ബിസനസുകാരമൊക്കെ യാത്ര കുറച്ച സാഹചര്യമാണ് യാത്രക്കാരുടെ എണ്ണത്തില്‍ കുറവു വരാന്‍ കാരണമായി അന്നു വിലയിരുത്തപ്പെട്ടിരുന്നത്. അതിനു ശേഷം 2016 വരെ ഇന്ത്യയില്‍ നിന്നുള്ള യാത്രക്കാരുടെ എണ്ണം വര്‍ധിച്ചു വരികയായിരുന്നു. ഏതാനും വര്‍ഷമായി ഇന്ത്യയില്‍ നിന്നുള്ള വിദേശ യാത്രക്കാരുടെ എണ്ണത്തില്‍ 10 മുതല്‍ 12 ശതമാനം വരെ വര്‍ധന രേഖപ്പെടുത്തിയിരുന്നവെന്ന് ട്രാവല്‍ വ്യാവസായ കേന്ദ്രങ്ങള്‍ പറയുന്നു.
അമേരിക്കയിലേക്ക് ചില രാജ്യങ്ങളില്‍ നിന്നുള്ളവര്‍ക്ക് അടുത്തയിടെ യാത്ര നിയന്ത്രണം ഏര്‍പ്പെടുത്തിയ പശ്ചാത്തലത്തില്‍ അമേരിക്കന്‍ യാത്ര കൂടുതല്‍ ദുഷകരമാകുമെന്ന ചിന്തയാണ് യാത്രക്കാരുടെ എണ്ണത്തില്‍ കുറവു വരാന്‍ കാരണമെന്ന് ട്രാവല്‍ ഏജന്‍സികള്‍ വിലയിരുത്തുന്നു. അമേരിക്ക പൊതുവേ 10 വര്‍ഷത്തെ സന്ദര്‍ശ വിസ നല്‍കുമ്പോള്‍ യൂറോപ്യന്‍ രാജ്യങ്ങള്‍ ഇത്രയും കാലം നല്‍കാറില്ലെന്നും, കൂടുതല്‍ വിസ ഫീസ് ഈടാക്കുന്നുണ്ടെന്നും അമേരിക്കന്‍ യാത്രയെപ്പറ്റിയുള്ള ആശങ്ക മാറുന്നതോടെ യാത്രക്കാരുടെ എണ്ണം വര്‍ധിക്കുമെന്നും ട്രാവല്‍ ഏജന്‍സികള്‍ അഭിപ്രായപ്പെട്ടു. 2017 ല്‍ 7.7 കോടി അന്താരാഷ്ട്ര സന്ദര്‍ശകര്‍ അമേരിക്കയിലെത്തിയെന്ന് യു.എസ് വാണിജ്യ വകുപ്പ് പ്രസ്താവനയില്‍ അറിയിച്ചു. ഇവര്‍ 251.4 ബില്യണ്‍ ഡോളര്‍ ചെലവഴിച്ചുവെന്നും മുന്‍ വര്‍ഷത്തെ അപേക്ഷിച്ച് യാത്രക്കാരുടെ എണ്ണത്തില്‍ .7 ശതമാനം വര്‍ധന ഉണ്ടായതായും പ്രസ്താവനയില്‍ പറയുന്നു.

Other News

  • അയോദ്ധ്യ കേസില്‍ സുപ്രീംകോടതി ഭരണഘടനാ ബെഞ്ച് ചൊവ്വാഴ്ച വാദം കേള്‍ക്കും
  • പുല്‍വാമ സംഭവത്തില്‍ ഇന്ത്യ തുടങ്ങിയ സൈനിക നടപടി നിറുത്തിവെച്ചില്ലെങ്കില്‍ തിരിച്ചടിക്കുമെന്ന് പാക്കിസ്ഥാന്റെ മുന്നറിയിപ്പ്
  • പുല്‍വാമ ഭീകരാക്രമണം; മസൂദ് അസറിനെ ആഗോള ഭീകരനായി പ്രഖ്യാപിക്കാനുള്ള പ്രമേയം യു.എന്‍ രക്ഷാസമിതിയില്‍ ഫ്രാന്‍സ് അവതരിപ്പിക്കും
  • ബംഗളൂരുവില്‍ വ്യോമസേനയുടെ വിമാനങ്ങള്‍ കൂട്ടിയിടിച്ച് ഒരു പൈലറ്റ് കൊല്ലപ്പെട്ടു; അപകടം പരിശീലനത്തിനിടയില്‍
  • ഇന്ത്യയിലെ നയതന്ത്ര പ്രതിനിധിയെ പാക്കിസ്ഥാന്‍ തിരികെ വിളിച്ചു; ഹൈക്കമ്മീഷണര്‍ സുഹൈല്‍ മുഹമ്മദ് ഇന്ത്യവിട്ടു
  • പുല്‍വാമ ഭീകരാക്രമണം; വീരമൃത്യു വരിച്ച സൈനികരുടെ മക്കള്‍ക്ക് വിദ്യാഭ്യാസവും ജോലിയും നല്‍കാന്‍ തയാറെന്ന് റിലയന്‍സ് ഫൗണ്ടേഷന്‍
  • കശ്മീരില്‍ ഭീകരരുമായി ഏറ്റുമുട്ടല്‍; നാലു സൈനികര്‍ക്ക് കൂടി വീരമൃത്യു; ഒരു ഗ്രാമീണനും കൊല്ലപ്പെട്ടു
  • പുല്‍വാമ ആക്രണം: കൊലയാളികള്‍ക്ക് തിരിച്ചടി നല്‍കി ഇന്ത്യന്‍ സേന; രണ്ട് ഭീകരരെ വധിച്ചു
  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • പുല്‍വാമ ഭീകരാക്രമണം; പാക്കിസ്ഥാനില്‍ നിന്ന് ഇറക്കുമതി ചെയ്യുന്ന എല്ലാ സാധനങ്ങളുടെ കസ്റ്റംസ് ഡ്യൂട്ടി 200 ശതമാനമാക്കി
  • ലോക്സഭാ തെരഞ്ഞെടുപ്പില്‍ മത്സരിക്കില്ല; ലക്ഷ്യം തമിഴ്നാട് നിയമസഭാ തെരഞ്ഞെടുപ്പ്: രജനീകാന്ത്
  • Write A Comment

     
    Reload Image
    Add code here