ഇന്ത്യയിലെ ആദ്യ ടെസ്റ്റ് ട്യൂബ് ശിശുവിന് നാല്‍പതിന്റെ മധുരം

Tue,Oct 09,2018


പൂന: ആധുനിക കാലഘട്ടത്തില്‍ ലോകത്തിന് നിരവധി സംഭാവനകള്‍ ഇന്ത്യ നല്‍കിയിട്ടുണ്ട്. അതിലൊന്ന് സംഭവിച്ചത് 1978 ഒക്‌ടോബര്‍ മൂന്നിനായിരുന്നു. ഇന്ത്യയിലെ ആദ്യത്തേതും, ലോകത്തിലെ രണ്ടാമത്തേതുമായ ടെസ്റ്റ് ട്യൂബ് ശിശുവിന്റെ ജനനം അന്നായിരുന്നു. ദുര്‍ഗ അക കാനുപ്രിയ അഗര്‍വാള്‍ എന്ന പേരുകാരിയായ 'ടെസ്റ്റ് ട്യൂബ് ശിശു'വിന്റെ നാല്‍പതാം ജന്മദിനം ബന്ധുക്കളുടെയും സുഹൃത്തുകളുടെയും സാന്നിധ്യത്തില്‍ പൂനയില്‍ ആഘോഷിച്ചു.
നഗരത്തിലെ ഒരു ഇന്‍ഫെര്‍ട്ടിലിറ്റി ക്ലിനിക് സംഘടിപ്പിച്ച സെമിനാറില്‍ മുഖ്യാതിഥിയായി പങ്കെടുക്കാന്‍ എത്തിയതായിരുന്നു കാനുപ്രിയ. ഇന്ത്യയിലെ പ്രഥമ ടെസ്റ്റ് ട്യൂബ് ശിശുവിന്റെ ജനനത്തിനു സൂത്രധാരനായി പ്രവര്‍ത്തിച്ചത് ഡോ.സുഭാഷ് മുഖര്‍ജിയായിരുന്നു. അദ്ദേഹത്തിന് ആദ്യമൊന്നും വലിയ അംഗീകാരം ലഭിച്ചില്ലെങ്കിലും കാലാന്തരത്തില്‍ അതിനു മാറ്റം വന്നുവെന്ന് കാനുപ്രിയ ചൂണ്ടികകാട്ടി. ഡോ.മുഖര്‍ജിയോടൊപ്പം കാനുപ്രിയയ്ക്ക് ജന്മം നല്‍കുന്നതിന് എംബ്രിയോളജിസ്റ്റായി പ്രവര്‍ത്തിച്ച പ്രൊഫ.സുനില്‍ കുമാര്‍ മുഖര്‍ജി സെമിനാറില്‍ അതിഥിയായി എത്തിയത് കാനുപ്രിയയ്ക്ക് സര്‍പ്രൈസായി മാറി.
ഐ.വി.എഫ് (ഇന്‍ വിട്രോ ഫെര്‍ട്ടിലൈസേഷന്‍) ബേബി എന്നറിഞ്ഞു തന്നെയാണ് താന്‍ വളര്‍ന്നതെന്നും, തന്റെ ആരോഗ്യ കാര്യത്തില്‍ മാതാപിതാക്കള്‍ക്ക് ഏറെ ആശങ്കയുണ്ടായിരുന്നതു കൊണ്ട് ഇടയ്ക്കിടെ ഡോക്ടര്‍മാരെ കാണാന്‍ കൊണ്ടുപോകുമായിരുന്നുവെന്നും കാനു പ്രിയ പറഞ്ഞു. ഒരു സാധാരണ കുട്ടിയെപ്പോലെയാണ് താന്‍ വളര്‍ന്നതെന്നു പറഞ്ഞ കാനുപ്രിയ തന്റെ മുത്തച്ഛനും മുത്തശ്ശിയും കടുത്ത യാഥാസ്ഥിതികാരയിരുന്നുവെങ്കിലും തന്നെ അംഗീകരിക്കുന്ന കാര്യത്തില്‍ ഒരു മടിയും കാണിച്ചില്ലെന്ന് പറഞ്ഞു. സമൂഹത്തിന്റെ കാര്യവും വ്യത്യസ്തമായിരുന്നില്ലെന്ന് അവര്‍ കൂട്ടിച്ചേര്‍ത്തു. അഞ്ചു വയസുകാരിയുടെ അമ്മയായ കാനുപ്രിയ തന്റെ കുട്ടിക്കാലവവും മകളുടേതും തമ്മില്‍ കാര്യമായ ഒരു വ്യത്യാസവുമില്ലെന്ന് അഭിപ്രായപ്പെട്ടു.

Other News

  • പാക്കിസ്ഥാനിലെ പട്ടാള ഹോസ്പിറ്റലില്‍ നിന്ന് പുല്‍വാമ ഭീകരാക്രമണത്തിനു നിര്‍ദേശം നല്‍കിയത് മസൂദ് അസര്‍
  • പുല്‍വാമ ഭീകരാക്രമണം; പാക്കിസ്ഥാനില്‍ നിന്ന് ഇറക്കുമതി ചെയ്യുന്ന എല്ലാ സാധനങ്ങളുടെ കസ്റ്റംസ് ഡ്യൂട്ടി 200 ശതമാനമാക്കി
  • ലോക്സഭാ തെരഞ്ഞെടുപ്പില്‍ മത്സരിക്കില്ല; ലക്ഷ്യം തമിഴ്നാട് നിയമസഭാ തെരഞ്ഞെടുപ്പ്: രജനീകാന്ത്
  • കശ്മീരിലെ അഞ്ച് വിഘടന വാദി നേതാക്കള്‍ക്ക് നല്‍കിയിരുന്ന സുരക്ഷ കേന്ദ്ര സര്‍ക്കാര്‍ പിന്‍വലിച്ചു; രാജ്യമെമ്പാടും കശ്മീരികള്‍ക്കുനേരെ ആക്രമണം
  • പുല്‍വാമയില്‍ രക്തസാക്ഷികളായ ജവാന്മാരുടെ കുടുംബസഹായ നിധിയിലേക്ക് ഒരു ദിവസം കൊണ്ട് എത്തിയത് ഏഴുകോടി രൂപ
  • പുല്‍വാമ ഭീകരാക്രമണം: ലണ്ടനിലെ പാക് ഹൈക്കമ്മീഷനുമുന്നില്‍ ഇന്ത്യന്‍ വംശജരുടെ വന്‍ പ്രതിഷേധം
  • രാജ്യത്തിന്​ ഭീഷണിയായ തീവ്രവാദത്തിനെതിരെ ഒറ്റകെട്ടായി പോരാടുമെന്ന്​ സർവകക്ഷിയോഗം
  • പുല്‍വാമ സംഭവത്തില്‍ പാക്കിസ്ഥാന് അനുകൂലമായി സിദ്ദു; ട്വിറ്ററിൽ ട്രെൻഡിങ്ങായി ബോയ്​കോട്ട്​ കപിൽ ശർമ ഷോ
  • പുൽവാമ: സൈനികരുടെ ജീവത്യാഗം വെറുതെയാകില്ലെന്ന്​ ​പ്രധാനമന്ത്രി നരേന്ദ്രമോഡി
  • പുല്‍വാമ ഭീകരാക്രമണം; ഇന്ത്യയ്ക്ക് ഐക്യദാര്‍ഢ്യം പ്രകടിപ്പിച്ച് അന്താരാഷ്ട്ര സമൂഹം, ജയ്‌ഷെ ഇ മുഹമ്മദ് ഉള്‍പ്പെടെയുള്ള ഭീകര സംഘടനകള്‍ക്കെതിരേ ശക്തമായ നടപടി സ്വീകരിക്കണമെന്ന് പാക്കിസ്ഥാനോട് അമേരിക്ക
  • പാക്കിസ്ഥാനെ പൂര്‍ണമായും ഒറ്റപ്പെടുത്താനുറച്ച് ഇന്ത്യ; കശ്മീരില്‍ നിരോധനാജ്ഞ പുറപ്പെടുവിച്ചു; പാകിസ്ഥാന്‍ നയതന്ത്രജ്ഞനെ ഇന്ത്യ വിളിച്ചു വരുത്തി ശാസിച്ചു
  • Write A Comment

     
    Reload Image
    Add code here