സുപ്രീംകോടതി ചീഫ് ജസ്റ്റിസ് 'റിമോട്ട് കണ്‍ട്രാളിലാണ്' എന്നു തോന്നിയ സാഹചര്യത്തിലാണ് പത്രസമ്മേളനം നടത്തിയതെന്ന് ജസ്റ്റിസ് കുര്യന്‍ ജോസഫ്

Sun,Dec 02,2018


ന്യൂഡല്‍ഹി: സുപ്രീംകോടതി ചീഫ് ജസ്റ്റിസ് ദീപക് മിശ്ര 'റിമോട്ട് കണ്‍ട്രോളിലാണ്' പ്രവര്‍ത്തിക്കുന്നതെന്നു തോന്നിയ സാഹചര്യത്തിലാണ് കഴിഞ്ഞ ജനുവരി 12 ന് ഇന്ത്യന്‍ ജുഡീഷ്യറിയുടെ ചരിത്രത്തില്‍ ആദ്യമായി താനുള്‍പ്പെടെ നാല് ജഡ്ജിമാര്‍ ചീഫ് ജസ്റ്റിനെതിരേ പത്രസമ്മേളനം നത്തിയതെന്ന് ജസ്റ്റിസ് കുര്യന്‍ ജോസഫ് വെളിപ്പെടുത്തി. പുറത്തു നിന്ന് നിയന്ത്രിക്കുന്നതിനു പുറമേ രാഷ്ട്രീയ പക്ഷപാതത്തോടെ കേസുകള്‍ ജഡ്ജിമാര്‍ക്ക് അനുവദിക്കുന്നതിലും ചീഫ് ജസ്റ്റിസ് വിവേചനം പുലര്‍ത്തിയിരുന്നുവെന്ന് ടൈംസ് ഓഫ് ഇന്ത്യയ്ക്ക് അനുവദിച്ച അഭിമുഖ സംഭാഷണത്തില്‍ ജസ്റ്റിസ് കുര്യന്‍ ജോസഫ് പറഞ്ഞു. സുപ്രീംകോടതിയില്‍ നിന്ന് ഏതാനും ദിവസം മുമ്പാണ് അദ്ദേഹം വിരമിച്ചത്.
സുപ്രീംകോടതിയിലെ സീനിയര്‍ മോസ്റ്റ് ജഡ്ജിമാരായിരുന്ന ജസ്റ്റിസ് ചെലമേശ്വര്‍, രഞ്ജന്‍ ഗോഗോയ്, മദന്‍ ബി ലോകുര്‍ എന്നിവരാണ് ജസ്റ്റിസ് കുര്യന്‍ ജോസഫിനൊപ്പം അസാധാരണ പത്രസമ്മേളനം നടത്തിയത്. ജസ്റ്റിസ് മിശ്ര സുപ്രീംകോടതിയുടെ ചീഫ് ജസ്റ്റിസായി സ്ഥാനമേറ്റതിനു ശേഷം കോടതിയുടെ പ്രവര്‍ത്തനത്തില്‍ പുറത്തു നിന്നുള്ള ഇടപെടല്‍ ഉണ്ടാകുന്നതായി സംശയം ഉയരുകയായിരുന്നു. കേസുകള്‍ അനുവദിക്കുന്നതിനു പുറമേ സുപ്രീംകോടതി - ഹൈക്കോടതി ജഡ്ജിമാരുടെ നിയമനത്തിലും ഇതു പ്രതിഫലിച്ചു. പുറത്തു നിന്നുള്ള ആരോ ചീഫ് ജസ്റ്റിസിനെ നിയന്ത്രിക്കുന്നതു പോലെ ഞങ്ങള്‍ക്കു തോന്നി. അദ്ദേഹത്തെ കണ്ട് ഇതേപ്പറ്റി സംസാരിച്ചിരുന്നു. പിന്നീട് ഇക്കാര്യം എഴുതി നല്‍കി. പക്ഷേ, കാര്യങ്ങള്‍ ബോധ്യപ്പെടുത്താനുള്ള ശ്രമങ്ങള്‍ പരാജയപ്പെട്ടപ്പോഴാണ് പത്രസമ്മേളനം നടത്താന്‍ തീരുമാനിച്ചത്. രാഷ്ട്രീയമായി പക്ഷപാതമുണ്ടെന്നു കരുതപ്പെടുന്ന ജഡ്ജിമാര്‍ക്ക് വിവിധ കേസുകള്‍ അലോക്കേറ്റ് ചെയ്യുന്ന രീതിയാണ് സംശയങ്ങള്‍ വളര്‍ത്തിയത്. ജസ്റ്റിസ് ചെലമേശ്വരാണ് പത്രസമ്മേളനം നടത്താനുള്ള നിര്‍ദേശം മുന്നോട്ടു വച്ചതെന്നും ബാക്കിയുള്ള മൂന്നു പേരും അതിനെ അനുകൂലിക്കുകയായിരുന്നുവെന്നും ജസ്റ്റിസ് കുര്യന്‍ ജോസഫ് പറഞ്ഞു.
ഇതേത്തുടര്‍ന്ന് ചീഫ് ജസ്റ്റിസിനെ നീക്കം ചെയ്യന്‍ രാജ്യസഭയില്‍ കോണ്‍ഗ്രസ് നേതൃത്വത്തിലുള്ള പ്രതിപക്ഷം പ്രമേയം കൊണ്ടുവന്നെങ്കിലും ചെയര്‍മാന്‍ വെങ്കയ്യ നായിഡു അത് നിരസിക്കുകയായിരുന്നു. ആരോപണം തെളിയാക്കാന്‍ പര്യാപ്തമായ കാര്യങ്ങള്‍ അതിലില്ല എന്നു ചൂണ്ടിക്കാട്ടിയാണ് പ്രമേയം തള്ളിയത്.
തന്റെ പിതാവ് ക്ലര്‍ക്കായി ജോലി ചെയ്തിരുന്ന കേരള ഹൈക്കോടതിയില്‍ രണ്ടായിരാമാണ്ടില്‍ ജഡ്ജിയായി സത്യപ്രതിജ്ഞ ചെയ്തത് ഏറെ അഭിമാനം പകര്‍ന്ന നിമിഷമായിരുന്നുവെന്ന് ജസ്റ്റിസ് കുര്യന്‍ ജോസഫ് അനുസ്മരിച്ചു. ഏഴു മക്കളുള്ള കുടുംബം പിതാവിന്റെ തുച്ഛമായ വരുമാനത്തെ ആശ്രയിച്ചാണ് കഴിഞ്ഞിരുന്നത്. സ്‌കൂളില്‍ ചെരിപ്പാടാതെയാമ് പോയിരുന്നത്. ഏഴാം ക്ലാസില്‍ പഠിക്കുമ്പോഴാണ് ആദ്യമായി ചെരിപ്പിടുന്നത്. പക്ഷേ, ഈ കഷ്ടപ്പാടുകളെപ്പറ്റി പരാതി പറയാതെ ജീവതത്തെ അഭിമുഖീകരിക്കാനാണ് ശ്രമിച്ചിരുന്നത്. ഓരോ കേസ് കേള്‍ക്കുമ്പോഴും തന്റെ അധരത്തില്‍ വന്നിരുന്നത് ഒരേ പ്രാര്‍ഥനായായിരുന്നുവെന്ന് അദ്ദേഹം പറഞ്ഞു. 'ദൈവമേ എന്റെ അറിവില്ലായ്മ കൊണ്ടോ കേസ് ശരിയായി പഠിക്കാത്തതു കൊണ്ടോ അര്‍ഹിക്കുന്ന ഒരാള്‍ക്കും നീതി നിഷേധിക്കപ്പെടാന്‍ ഇട വരുത്തരുതേ. ഈ കേസില്‍ ശരിയായ നീതി നടപ്പാക്കാനുള്ള ഉള്‍ക്കാഴ്ച എനിക്കു പ്രദാനം ചെയ്യണമേ' എന്നായിരുന്നു അത്. എല്ലാ കേസ് ഫയലുകളും താന്‍ വിശദമായി വായിച്ചിരുന്നുവെന്നും, തന്റെ ക്ലര്‍ക്കുമാരെ കേസിന്റെ ഗവേഷണ കാര്യത്തിനാണ് പ്രയോജനപ്പെടുത്തിയിരുന്നതെന്നും ജസ്റ്റിസ് കുര്യന്‍ ജോസഫ് പറഞ്ഞു. സുപ്രീംകോടതിയില്‍ 8612 കേസുകള്‍ തീര്‍പ്പാക്കിയ ജസ്റ്റിസ് കുര്യന്‍ ജോസഫ് ആയിരത്തലധികം കേസുകള്‍ക്ക് വിശദമായി വിധി പ്രസ്താവം നടത്തുകയുണ്ടായി.

Other News

  • പുല്‍വാമ ഭീകരാക്രമണം; പാക്കിസ്ഥാനില്‍ നിന്ന് ഇറക്കുമതി ചെയ്യുന്ന എല്ലാ സാധനങ്ങളുടെ കസ്റ്റംസ് ഡ്യൂട്ടി 200 ശതമാനമാക്കി
  • രാജ്യത്തിന്​ ഭീഷണിയായ തീവ്രവാദത്തിനെതിരെ ഒറ്റകെട്ടായി പോരാടുമെന്ന്​ സർവകക്ഷിയോഗം
  • പുല്‍വാമ സംഭവത്തില്‍ പാക്കിസ്ഥാന് അനുകൂലമായി സിദ്ദു; ട്വിറ്ററിൽ ട്രെൻഡിങ്ങായി ബോയ്​കോട്ട്​ കപിൽ ശർമ ഷോ
  • പുൽവാമ: സൈനികരുടെ ജീവത്യാഗം വെറുതെയാകില്ലെന്ന്​ ​പ്രധാനമന്ത്രി നരേന്ദ്രമോഡി
  • പുല്‍വാമ ഭീകരാക്രമണം; ഇന്ത്യയ്ക്ക് ഐക്യദാര്‍ഢ്യം പ്രകടിപ്പിച്ച് അന്താരാഷ്ട്ര സമൂഹം, ജയ്‌ഷെ ഇ മുഹമ്മദ് ഉള്‍പ്പെടെയുള്ള ഭീകര സംഘടനകള്‍ക്കെതിരേ ശക്തമായ നടപടി സ്വീകരിക്കണമെന്ന് പാക്കിസ്ഥാനോട് അമേരിക്ക
  • പാക്കിസ്ഥാനെ പൂര്‍ണമായും ഒറ്റപ്പെടുത്താനുറച്ച് ഇന്ത്യ; കശ്മീരില്‍ നിരോധനാജ്ഞ പുറപ്പെടുവിച്ചു; പാകിസ്ഥാന്‍ നയതന്ത്രജ്ഞനെ ഇന്ത്യ വിളിച്ചു വരുത്തി ശാസിച്ചു
  • ' പുല്‍വാമാ ഭീകരാക്രമണം ഞെട്ടിക്കുന്നത്' ; ആക്രമണത്തെ അപലപിച്ച് ചൈനയും
  • സി.ആര്‍.പി.എഫ് വാഹനവ്യൂഹത്തിലേക്ക് ചാവേറായി എത്തിയത് പുല്‍വാമ ജില്ലക്കാരനായ യുവാവ്; താലിബാന്റെ വിജയവാദം പ്രചോദനം പകര്‍ന്നു
  • കാഷ്മീരില്‍ ഭീകരാക്രമണം; 40 സി.ആര്‍.പി.എഫ് ജവാന്മാര്‍ക്ക് വീരമൃത്യു
  • ബിജെപി എംഎല്‍എയുടെ ജന്മദിനത്തില്‍ ഭാര്യയും പെണ്‍സുഹൃത്തും പൊതുസ്ഥലത്ത് ഏറ്റുമുട്ടി; സംഘര്‍ഷം ഒഴിവാക്കാന്‍ പോലീസ് ലാത്തി വീശി
  • സൗദി അറേബ്യയുടെ കിരീടാവകാശി മുഹമ്മദ് ബിൻ സൽമാൻ രാജകുമാരൻ അടുത്തയാഴ്ച ഇന്ത്യ സന്ദർശിക്കും
  • Write A Comment

     
    Reload Image
    Add code here