ഗോവധം ആരോപിച്ച് ഉത്തര്‍പ്രദേശില്‍ കലാപം; പോലീസ് ഇന്‍സ്‌പെക്ടറടക്കം രണ്ടു പേര്‍ കൊല്ലപ്പെട്ടു

Mon,Dec 03,2018


ലക്‌നോ: ഉത്തര്‍പ്രദേശിലെ ബുലന്ദ്ഷഹര്‍ ജില്ലയില്‍ ഗോവധം ആരോപിച്ച് അക്രമാസക്തരായ ജനക്കൂട്ടവും പോലീസും തമ്മിലുണ്ടായ ഏറ്റുമുട്ടലില്‍ പോലീസ് ഇന്‍സ്‌പെകടറടക്കം രണ്ടു പേര്‍ കൊല്ലപ്പെട്ടു. ഏറ്റുമുട്ടല്‍ നടന്ന സനയിലെ സ്റ്റേഷന്‍ ഓഫീസര്‍ സുബോധ് കുമാര്‍ സിംഗാണ് തലയ്ക്കു വെടിയേറ്റ് കൊല്ലപ്പെട്ടത്. അക്രമികള്‍ നിരവധി വാഹനങ്ങള്‍ അഗ്നിക്കിരയാക്കുകയും, പോലീസിനു നേര്‍ക്ക് കല്ലേറു നടത്തുകയും ചെയ്തു. സ്ഥിതി നിയന്ത്രണാതീതമായപ്പോഴാണ് പോലീസ് വെടിവച്ചത്. പതിനെട്ടു വയസുകാരനായ സുമിത് ആണ് പോലീസ് വെടിവയ്പില്‍ കൊല്ലപ്പെട്ടത്.
മഹാവ് ഗ്രാമത്തിനു സമീപമുള്ള വനത്തില്‍ പശുക്കളുടെ ജഡത്തിന്റെ അവശിഷ്ടങ്ങള്‍ കണ്ടെത്തിയതോടെയാണ് പ്രശ്‌നങ്ങള്‍ തുടങ്ങിയത്. ഹൈന്ദവ സംഘടനാ നേതാക്കളുടെ നേതൃത്വത്തില്‍ ഈ അവശിഷ്ടങ്ങള്‍ ഒരു ട്രാക്ടറില്‍ കയറ്റി ബുലന്ദഷഹര്‍ പട്ടണത്തിനു സമീപമുള്ള പോലീസ് ഔട്ട്‌പോസ്റ്റില്‍ എത്തിച്ചു. ഒരു പ്രത്യേക മതവിഭാഗത്തില്‍ പെട്ടവരാണ് ഇതിനു പിന്നിലെന്ന് അവര്‍ ആരോപിച്ചിരുന്നു. പോലീസിനെതിരേ മുദ്രാവാക്യം മുഴക്കിയ പ്രതിഷേധക്കാര്‍ ഔട്ട്‌പോസ്റ്റിനു മുന്നിലൂടെ കടന്നുപോകുന്ന ഹൈവേ ഉപരോധിക്കുകയായിരുന്നു.
പ്രതിഷേധക്കാര്‍ പിന്നീട് പോലീസിനു നേരെ തിരിഞ്ഞു. ജനക്കൂട്ടം അക്രമാസക്തമായപ്പോള്‍ പോലീസ് ലാത്തിച്ചാര്‍ജ് നടത്തി. പോലീസുകാരുടെ എണ്ണം പരിമിതമായിരുന്നതു കൊണ്ട് ജനക്കൂട്ടത്തിനു മുന്നില്‍ അവര്‍ക്ക് പിടിച്ചു നില്‍ക്കാനായില്ല. പോലീസ് ഔട്ട്‌പോസ്റ്റ് ജനക്കൂട്ടം ചാമ്പലാക്കി. ഇതിനിടെയാണ് പോലീസ് ഇന്‍സ്‌പെക്ടര്‍ക്കു വെടിയേറ്റത്. നിരവധി വാഹനങ്ങളും പ്രതഷേധക്കാര്‍ അഗ്നിക്കിരയാക്കി. പോലീസ് തിരിച്ചു വെടിവച്ചതിനെ തുടര്‍ന്നാണ് സുമിത് എന്ന 18 വയസുകാരന്‍ കൊല്ലപ്പെട്ടത്. പോലീസുകാരടക്കം നിരവധി പേര്‍ക്ക് ഏറ്റുമുട്ടലില്‍ പരിക്കേറ്റു. റാപ്പിഡ് ആക്ഷന്‍ ഫോഴ്‌സില്‍ നിന്നുള്‍പ്പെടെ നൂറുകണക്കിന് പോലീസുകാരെ ഇവിടേക്ക് കൂടുതലായി വിന്യസിച്ചിട്ടുണ്ട്. രാജസ്ഥാനില്‍ തെരഞ്ഞെടുപ്പു പ്രചാരണം നടത്തുകയായിരുന്ന മുഖ്യമന്ത്രി യോഗി ആദിത്യനാഥ് സംഭവത്തില്‍ ആശങ്ക രേഖപ്പെടുത്തി. കുറ്റക്കാര്‍ക്കെതിരേ കര്‍ശന നടപടി ഉണ്ടാകുമെന്നു പറഞ്ഞ മുഖ്യമന്ത്രി പോലീസിനോട് റിപ്പോര്‍ട്ട് സമര്‍പ്പിക്കുവാന്‍ ആവശ്യപ്പെട്ടിട്ടുണ്ട്.

Other News

  • കശ്മീരില്‍ സൈനികരുമായുള്ള ഏറ്റമുട്ടലില്‍ മൂന്ന് ഭീകരര്‍ കൊല്ലപ്പെട്ടു
  • മണിപ്പൂര്‍ വ്യാജ ഏറ്റുമുട്ടലില്‍ സൈനിക അര്‍ധ സൈനിക ഉദ്യോഗസ്ഥര്‍ക്കെതിരെ സിബിഐ എഫ്ഐആര്‍ രജിസ്റ്റര്‍ ചെയ്തു
  • കാണാതായ രത്‌ന വ്യാപാരിയെ വനത്തിനുള്ളില്‍ കൊല്ലപ്പെട്ട നിലയില്‍ കണ്ടെത്തിയ സംഭവവുമായി ബന്ധപ്പെട്ട് മുന്‍ ബി.ജെ.പി നേതാവ് അറസ്റ്റില്‍
  • വിദേശപ്പണത്തിന്റെ കാര്യത്തില്‍ ഇന്ത്യ ഒന്നാം സ്ഥാനം നിലനിറുത്തി; 2018 ല്‍ പ്രവാസികള്‍ രാജ്യത്ത് എത്തിച്ചത് 80 ബില്യണ്‍ ഡോളര്‍
  • മുംബൈ ഭീകരാക്രമണം: ഉത്ഭവം പാക് മണ്ണിലെന്ന് സമ്മതിച്ച് ഇമ്രാന്‍ഖാന്‍
  • സാമ്പത്തിക പ്രതിസന്ധിയില്‍ വലയുന്ന ജെറ്റ് എയര്‍വേസിന്റെ രക്ഷകനായി ഒരു മലയാളി വന്നേക്കുമെന്ന് സൂചന
  • കേന്ദ്രമന്ത്രി നിതിന്‍ ഗഡ്കരി പൊതു പരിപാടിക്കിടെ വേദിയില്‍ കുഴഞ്ഞുവീണു
  • കുടിക്കാനായി ഉപയോഗിച്ചിരുന്ന തടാകത്തില്‍ എച്ച്ഐവി ബാധിതയുടെ ജഢം കണ്ടെത്തി; നാട്ടുകാര്‍ തടാകം വറ്റിച്ചു
  • തിരക്കിട്ടും ചട്ടം ലംഘിച്ചും സിബിഐ ഡയറക്ടറെ മാറ്റിയതെന്തിന്? കേന്ദ്ര സര്‍ക്കാരിനെതിരെ സുപ്രീംകോടതിയുടെ രൂക്ഷ വിമര്‍ശനം
  • ബി.ജെ.പി വിഭാഗീയത സൃഷ്ടിക്കുന്നുവെന്ന് ആരോപിച്ച് ഉത്തര്‍പ്രദേശിലെ എം.പി പാര്‍ട്ടി വിട്ടു
  • സി.ബി.ഐ കേസില്‍ കേന്ദ്ര സര്‍ക്കാരിനും സി.വി.സി ക്കും സുപ്രീംകോടതിയുടെ വിമര്‍ശനം
  • Write A Comment

     
    Reload Image
    Add code here