വായ്പാതുക തിരിച്ചടക്കാന്‍ സന്നദ്ധതയറിയിച്ച് വിവാദ വ്യവസായി വിജയ് മല്യയുടെ ട്വീറ്റ്

Wed,Dec 05,2018


ന്യൂഡല്‍ഹി: ബാങ്കുകളില്‍ നിന്ന് വായ്പയായി എടുത്ത പണം മുഴുവന്‍ തിരിച്ചടയ്ക്കാന്‍ തയ്യാറാണെന്നും ദയവായി സ്വീകരിക്കണമെന്നും വിവാദ വ്യവസായി വിജയ് മല്യ. വായ്പ തിരിച്ചടക്കാനുള്ള സന്നദ്ധത ട്വിറ്റര്‍ വഴിയാണ് മല്യഅറിയിച്ചത്.
അഗസ്ത വെസ്റ്റ്‌ലന്‍ഡ് വി.വി.ഐ.പി. ഹെലികോപ്റ്റര്‍ ഇടപാടിലെ മുഖ്യ ഇടനിലക്കാരനും ബ്രിട്ടീഷ് പൗരനുമായ ക്രിസ്റ്റ്യന്‍ ജയിംസ് മിഷേലിനെ ഇന്ത്യയിലെത്തിച്ച് മണിക്കൂറുകള്‍ക്കുള്ളിലാണ് മല്യയുടെ ട്വീറ്റ് പുറത്തുവന്നത്.
വിവിധ ബാങ്കുകളില്‍ നിന്ന് വായ്പ എടുത്ത് തിരിച്ചടയ്ക്കാതെ രാജ്യം വിട്ട വിജയ് മല്യയെ ഇന്ത്യക്ക് കൈമാറണമെന്ന ഹര്‍ജിയില്‍ ബ്രിട്ടീഷ് കോടതി അ#്ചു ദിവസത്തിനകം പുറപ്പെടുവിക്കും. വിധി എതിരാകുമോ എന്ന ആശങ്കയും നിലനില്‍ക്കെയാണ് വഴങ്ങാന്‍ തയ്യാറാണെന്ന നിലപാടുമായി മല്യ രംഗത്തുവന്നത്. വായ്പ തിരിച്ചടയ്ക്കാത്തതിന് നടപടി തുടങ്ങിയതോടെ 2016 മാര്‍ച്ചിലാണ് മല്യ മുങ്ങിയത്. 'തന്നെ കൈമാറുന്നതും വായ്പ തിരിച്ചടവും രണ്ടും രണ്ട് വിഷയമാണ്. അത് നിയമപരമായി നടക്കട്ടെ. പൊതു പണമാണ് പ്രധാനം. വായ്പ എടുത്ത തുക മുഴുവന്‍ തിരിച്ചടയ്ക്കാന്‍ തയ്യാറാണ്. ബാങ്കുകളോടും സര്‍ക്കാരിനോടും അത് സ്വീകരിക്കണമെന്ന് ദയവായി ഞാന്‍ അപേക്ഷിക്കുന്നു. സ്വീകരിക്കാന്‍ തയ്യാറല്ലെങ്കില്‍ കാരണമെന്തെന്നും' മല്യ ട്വിറ്ററില്‍ ചോദിക്കുന്നു.
വ്യോമയാന ഇന്ധനത്തിന്റെ ഉയര്‍ന്ന വിലയെ തുടര്‍ന്ന് വ്യോമയാന കമ്പനികള്‍ സാമ്പത്തിക ബുദ്ധിമുട്ട് നേരിട്ടു. ക്രൂഡ് ഓയിലിന് ബാരലിന് 140 ഡോളര്‍ വരെ വില എത്തിയപ്പോള്‍ കിങ്ഫിഷറിന് വലിയ ബാധ്യതയുണ്ടായി. നഷ്ടം പെരുകി, ബാങ്കുകള്‍ നല്‍കിയ വായ്പാ തുക മുഴുവന്‍ അങ്ങനെയാണ് പോയത്. വായ്പ എടുത്ത തുക മുഴുവന്‍ തിരിച്ചടയ്ക്കാന്‍ തയ്യാറാണെന്ന് പറഞ്ഞ മല്യ ദയവു ചെയ്ത് അത് സ്വീകരിക്കണമെന്നും മല്യ പറയുന്നു. തന്റെ ട്വിറ്റര്‍ അക്കൗണ്ടില്‍ പോസ്റ്റ് ചെയ്ത ട്വീറ്റുകളിലൂടെയാണ് മല്യ നിലപാട് വ്യക്തമാക്കുന്നത്.
രാഷ്ട്രീയക്കാരും മാധ്യമങ്ങളും തന്നെ വായ്പാ തട്ടിപ്പുകാരനായി ചിത്രീകരിക്കുന്നുവെന്നും ഇത് കള്ളമാണെന്നും താന്‍ കര്‍ണാടക ഹൈക്കോടതിയില്‍ അടക്കം പണം തിരിച്ചടയ്ക്കാമെന്ന് അറിയിച്ചിട്ടുള്ളതാണെന്നും അദ്ദേഹം ട്വിറ്ററില്‍ കുറിച്ചു.
മാത്രമല്ല ഈ വര്‍ഷം ആദ്യം പ്രധാനമന്ത്രി നരേന്ദ്ര മോദിക്ക് അയച്ച കത്തിലും പണം തിരിച്ചടയ്ക്കാനുള്ള സന്നദ്ധത അറിയിച്ചിരുന്നുവെന്നും മല്യ പറയുന്നു.

Other News

  • വിദ്യാഭ്യാസ യോഗ്യതാ വിവരങ്ങൾ തെറ്റായി നൽകി; സ്മൃതി ഇറാനിക്കെതിരെ കേസ്
  • ഇന്ത്യൻ വിദേശ കാര്യ സെക്രട്ടറി വിജയ് ഗോഗലെ ചൈന സന്ദർശിക്കുന്നു; മസൂദ് അസറിനെ ആഗോള ഭീകര പട്ടികയിൽ ഉൾപ്പെടുത്താൻ സമ്മർദ്ദം ചെലുത്തും
  • ബാബറി മസ്ജിദ് തകർക്കപ്പെട്ടതിൽ അഭിമാനിക്കുന്നുവെന്ന് സാധ്വി പ്രജ്ഞ സിംഗ് ഠാക്കൂർ
  • ചീഫ് ജസ്റ്റിസിനെതിരെ ലൈംഗിക ആരോപണം; സുപ്രീംകോടതിയിൽ അടിയന്തിര സിറ്റിങ്
  • 100 പൈലറ്റുമാര്‍ ഉള്‍പ്പെടെ 500 ജറ്റ് എയര്‍വേസ് ജീവനക്കാര്‍ക്ക് ജോലി നല്‍കി സ്‌പൈസ് ജറ്റ്
  • ലിബിയന്‍ തലസ്ഥാനമായ ട്രിപ്പോളിയില്‍ ആഭ്യന്തര പോരാട്ടം രൂക്ഷം; ഇന്ത്യക്കാരോട് എത്രയും വേഗം നഗരം വിടാന്‍ സുഷമ സ്വരാജ് ആവശ്യപ്പെട്ടു
  • കാല്‍ നൂറ്റാണ്ടിനു ശേഷം മുലായവും മായാവതിയും ഒരേ വേദിയില്‍; പരസ്പരം പ്രശംസിക്കാന്‍ ഇരുവരും മടിച്ചില്ല
  • കര്‍ക്കറെയ്‌ക്കെതിരായ സാധ്വി പ്രഗ്യ സിംഗിന്റെ പരാമര്‍ശം ബി.ജെ.പി യെ വെട്ടിലാക്കി; പ്രസ്താവന പിന്‍വലിച്ച് മാപ്പു പറയുന്നുവെന്ന് സാധ്വി
  • അപമര്യാദയായി പെരുമാറിയ നേതാക്കള്‍ക്കെതിരായ നടപടി പിന്‍വലിച്ചു; കോണ്‍ഗ്രസ് വക്താവ് പ്രിയങ്ക ചതുര്‍വേദി പാര്‍ട്ടി വിട്ടു
  • ഇന്ത്യയിലെ കുട്ടികള്‍ അവരുടെ മാതാപിതാക്കളെ ഇനി ഉയരത്തില്‍ കവച്ചു വയ്ക്കാന്‍ സാധ്യതയില്ല
  • പ​ശ്ചി​മ​ബം​ഗാ​ളി​ൽ വോ​ട്ടെ​ടു​പ്പി​നി​ടെ സി​പി​എം പി​ബി അം​ഗ​വും റാ​യ്ഗ​ഞ്ചി​ലെ സ്ഥാ​നാ​ർ​ഥി​യു​മാ​യ മു​ഹ​മ്മ​ദ് സ​ലിം സ​ഞ്ച​രി​ച്ചി​രു​ന്ന വാ​ഹ​ന​വ്യൂ​ഹ​ത്തി​നു നേ​രെ ആ​ക്ര​മണം
  • Write A Comment

     
    Reload Image
    Add code here