അയോധ്യ കേസിലെ വാദം കേള്‍ക്കലില്‍ നിന്ന് ജസ്റ്റിസ് യു.യു. ലളിത് പിന്മാറി

Thu,Jan 10,2019


ന്യൂഡല്‍ഹി: അയോധ്യ കേസിലെ വാദം കേള്‍ക്കലില്‍നിന്ന് ജസ്റ്റിസ് യു.യു. ലളിത് പിന്മാറി.
ഹര്‍ജിയില്‍ കക്ഷികളായ സുന്നി വഖഫ് ബോര്‍ഡിന്റെ എതിര്‍പ്പിനെ തുടര്‍ന്നാണ് യുയു ലളിതിന്റെ പിന്മാറ്റം.
കേസ് പരിഗണിക്കുന്നത് ഈ മാസം 29 ലേക്ക് മാറ്റി. ജനുവരി 29 ന് മുന്‍പ് എല്ലാ രേഖകളും സമര്‍പ്പിക്കാനും ചീഫ് ജസ്റ്റിസ് രഞ്ജന്‍ ഗൊഗോയ് അധ്യക്ഷനായ ബെഞ്ച് അറിയിച്ചു.
ബാബ്‌റി മസ്ജിദ് തകര്‍ത്തതുമായി ബന്ധപ്പെട്ട ക്രിമിനല്‍ കേസില്‍ അന്ന് യുപി മുഖ്യമന്ത്രിയായിരുന്ന കല്യാണ്‍ സിങ്ങിനുവേണ്ടി അഭിഭാഷകനായിരുന്ന യു.യു.ലളിത് ഹാജരായിരുന്നു. ഇത് ചൂണ്ടിക്കാട്ടിയാണ് കേസില്‍ വാദം കേള്‍ക്കുന്നതിനായി രൂപീകരിച്ച അഞ്ചംഗ ബെഞ്ചില്‍ യു.യു. ലളിത് തുടരുന്നത് ശരിയല്ലെന്ന് സുന്നി വഖഫ് ബോര്‍ഡിന്റെ അഭിഭാഷകന്‍ രാജീവ് ധവാന്‍ വാദിച്ചത്. തുടര്‍ന്നാണ് യു.യു. ലളിത് ബെഞ്ചില്‍നിന്നും പിന്മാറുന്നതായി അറിയിച്ചത്.
ജഡ്ജി പിന്മാറിയതോടെ കേസ് ഈ മാസം 29 ലേക്ക് മാറ്റുന്നതായി ചീഫ് ജസ്റ്റിസ് അറിയിച്ചു. യു.യു. ലളിതിനു പകരം പുതിയ ജഡ്ജിയെ ബെഞ്ചില്‍ ഉള്‍പ്പെടുത്തും. അയോധ്യ കേസില്‍ വാദം കേള്‍ക്കുന്നതിനുള്ള തീയതി വ്യാഴാഴ്ച തീരുമാനിക്കാനിരിക്കെയാണ് കേസ് മാറ്റിയത്.
അയോധ്യ കേസില്‍ ഭരണഘടനാപരമായ വിഷയങ്ങളുണ്ടെന്ന വിലയിരുത്തലിന്റെ അടിസ്ഥാനത്തിലാണ് അഞ്ചംഗ ഭരണഘടന ബെഞ്ച് രൂപീകരിച്ചത്. ചീഫ് ജസ്റ്റിസ് രഞ്ജന്‍ ഗോഗോയ് അദ്ധ്യക്ഷനായ ഭരണഘടന ബെഞ്ചില്‍, ജസ്റ്റിസുമാരായ എസ്.എ.ബോബ്‌ഡെ, എന്‍.വി.രമണ, യു.യു.ലളിത്, ഡി.വൈ.ചന്ദ്രചൂഡ് എന്നിവരാണുള്ളത്. തര്‍ക്കഭൂമി മൂന്നായി വിഭജിച്ച അലഹബാദ് ഹൈക്കോടതി ഉത്തരവിനെതിരെ സമര്‍പ്പിക്കപ്പെട്ട 16 അപ്പീലുകളാണ് ഈ ബെഞ്ച് പരിഗണിക്കുക.
അയോധ്യയിലെ ബാബ്‌റി മസ്ജിദ് തകര്‍ക്കപ്പെട്ട സ്ഥലത്തെ 2.77 ഏക്കര്‍ ഭൂമി സുന്നി വഖഫ് ബോര്‍ഡ്, നിര്‍മോഹി അഖാഡ, രാം ലല്ല എന്നീ സംഘടനകള്‍ക്ക് തുല്യമായി വീതിച്ചുനല്‍കിയ അലഹബാദ് ഹൈക്കോടതി വിധിക്കെതിരായ അപ്പീലുകളാണ് സുപ്രീം കോടതി ഭരണഘടന ബെഞ്ച് പരിഗണിക്കുക.

Other News

  • മാലേഗാവ് സ്ഫോടനക്കേസില്‍ അറസ്റ്റിലായ നാലു പ്രതികള്‍ക്ക് ഏഴുവര്‍ഷത്തിനുശേഷം ജാമ്യം അനുവദിച്ചു
  • രാഹുല്‍ അടുക്കുന്നില്ല; കോണ്‍ഗ്രസിന്റെ നിയന്ത്രണം എട്ടംഗ സമിതിക്ക്
  • പശ്ചിമ ബംഗാളിലെ ഡോക്ടര്‍മാരുടെ സമരത്തിന് പിന്തുണ ഏറുന്നു; മമതയുടെ മരുമകനും സമരക്കാര്‍ക്കൊപ്പം
  • കര്‍ണാടക മന്ത്രി സഭാ വികസനം: രണ്ട് സ്വതന്ത്ര എംഎല്‍എമാര്‍ മന്ത്രിമാരായി സത്യ പ്രതിജ്ഞ ചെയ്തു
  • അഴിമതിക്കെതിരെ മോദിയുടെ സര്‍ജിക്കല്‍ സ്‌ട്രൈക്ക് ; 12 ഐആര്‍എസ് ഉദ്യോഗസ്ഥര്‍ക്ക് നിര്‍ബ്ബന്ധിത വിരമിക്കല്‍
  • ജൂണ്‍ മൂന്നിന് കാണാതായ സൈനിക വിമാനത്തിലെ മൂന്നു മലയാളികളടക്കം 13 പേരും മരിച്ചതായി വ്യോമസേന
  • കൃത്യസമയത്ത് ഓഫീസിലെത്തണം; വീട്ടിലിരുന്നുള്ള ജോലി വേണ്ട: മന്ത്രിമാര്‍ക്ക് കര്‍ശന നിര്‍ദേശവുമായി മോദി
  • ജമ്മു കശ്മീരിലെ അനന്ത്‌നാഗില്‍ ഭീകരാക്രമണം; അഞ്ച് സിആര്‍പിഎഫ് ജവാന്മാര്‍ക്ക് വീരമൃത്യു
  • ഷാങ്ഹായ് സഹകരണ ഉച്ചകോടിയില്‍ പങ്കെടുക്കുന്നതിനായി കിര്‍ഗിസ്ഥാനിലേക്കുള്ള യാത്രയ്ക്ക് മോഡി പാക് പാത ഉപയോഗിക്കില്ല
  • കേന്ദ്ര പാര്‍ലമെന്ററി-വിദേശകാര്യ സഹമന്ത്രി വി മുരളീധരനെ രാജ്യസഭാ ഡെപ്യൂട്ടി ചീഫ് വിപ്പായി നിയമിച്ചു
  • വായു ചുഴലി ഗുജറാത്തില്‍ നാശം വിതയ്ക്കുമെന്ന് മുന്നറിയിപ്പ്; മൂന്നു ലക്ഷം പേരെ മാറ്റി താമസിപ്പിച്ചു
  • Write A Comment

     
    Reload Image
    Add code here