നീക്കം ചെയ്ത സിബിഐ ഡയറക്ടര്‍ ആലോക് വര്‍മ രാജിവെച്ചു; ഫയര്‍ ആന്‍ഡ് സര്‍വീസ് ഡിജി സ്ഥാനം ഏറ്റെടുക്കാതെയാണ് സ്വയം വിരമിക്കല്‍

Fri,Jan 11,2019


ന്യൂഡല്‍ഹി: സിബിഐ ഡയറക്ടര്‍ സ്ഥാനത്തുനിന്ന് നീക്കിയതിനു പിന്നാലെ ആലോക് വര്‍മ രാജിവച്ചു.
സര്‍വീസ് അവസാനിപ്പിക്കുകയാണെന്ന് കേന്ദ്ര സര്‍ക്കാരിന് നല്‍കിയ കത്തിലാണ് ആലോക് വര്‍മ അറിയിച്ചത്.
സുപ്രീംകോടതി വഴി നടത്തിയ നിയമ പോരാട്ടത്തിലൂടെ സിബിഐ ഡയറക്ടര്‍ സ്ഥാനത്ത് പുനര്‍നിയമനം നേടിയ ആലോക് വര്‍മയെ പ്രധാനമന്ത്രിയുടെ അധ്യക്ഷതയിലുള്ള സെലക്ട് കമ്മിറ്റി കഴിഞ്ഞ ദിവസം സിബിഐ ഡയറക്ടര്‍ സ്ഥാനത്തുനിന്ന് നീക്കിയിരുന്നു. ഇതിന് പിന്നാലെയാണ് വര്‍മ രാജി സന്നദ്ധത അറിയിച്ചത്.
പുതിയ ചുമതല സ്വീകരിക്കാന്‍ തയ്യാറല്ലെന്ന് ആലോക് വര്‍മ അറിയിച്ചു. ഫയര്‍ ആന്‍ഡ് സര്‍വീസ് ഡിജി സ്ഥാനം ഏറ്റെടുക്കാന്‍ തയ്യാറല്ലെന്ന് അറിയിച്ച് കേന്ദ്ര പേഴ്സണല്‍ മന്ത്രാലയത്തിന് ആലോക് വര്‍മ കത്തയച്ചു. ഇന്ന് മുതല്‍ താന്‍ സര്‍വീസില്‍ നിന്ന് സ്വയം വിരമിച്ചിരിക്കുന്നു എന്ന് കത്തില്‍ പറയുന്നു.
തനിക്കെതിരെയുള്ള സിവിസി റിപ്പോര്‍ട്ട് ഏകപക്ഷീയമായിരുന്നു എന്നും വര്‍മ ആരോപിച്ചു. സിവിസി റിപ്പോര്‍ട്ടിന്‍മേല്‍ നടന്ന അന്വേഷണം സുതാര്യമല്ലായിരുന്നു. സിവിസി റിപ്പോര്‍ട്ടില്‍ മേല്‍ തനിക്ക് പറയാനുള്ളത് കേള്‍ക്കാന്‍ പ്രധാനമന്ത്രിയുടെ അധ്യക്ഷതയിലുള്ള ഉന്നത തല സമിതി തയ്യാറായില്ലെന്നും അലോക് വര്‍മ കത്തില്‍ പറയുന്നു.
കേന്ദ്ര സര്‍ക്കാരിനെതിരെ രൂക്ഷ വിമര്‍ശനങ്ങള്‍ ഉന്നയിച്ചാണ് അലോക് വര്‍മ രാജി സന്നദ്ധത അറിയിച്ചത്.

Other News

  • സംജുത്‌വാ ട്രെയിന്‍ സ്‌ഫോടന കേസ്; സ്വാമി അസീമാനന്ദ് ഉള്‍പ്പെടെ നാലു പേരെ കുറ്റവിമുക്തരാക്കി
  • പിഎന്‍ബി വായ്പാ തട്ടിപ്പ് കേസ് പ്രതി നീരവ് മോദി ലണ്ടനില്‍ അറസ്റ്റില്‍; വെസ്റ്റ് മിനിസ്റ്റര്‍ കോടതിയില്‍ ഹാജരാക്കും
  • അരുണാചല്‍ പ്രദേശില്‍ മത്സരിക്കാന്‍ സീറ്റ് കിട്ടാത്തതില്‍ പ്രതിഷേധിച്ച് മന്ത്രി അടക്കം 25 നേതാക്കള്‍ പാര്‍ട്ടി വിട്ടു
  • ലോക് സഭാ തെരഞ്ഞെടുപ്പില്‍ മത്സരിക്കാനില്ലെന്ന് മായാവതി; പാര്‍ട്ടി ചുമതലകള്‍ നിര്‍വഹിക്കും
  • ഗോവയില്‍ പ്രമോദ് സാവന്ത് സര്‍ക്കാര്‍ വിശ്വാസ വോട്ട് നേടി
  • മാവോയിസ്റ്റ് മേഖലയില്‍ തെരഞ്ഞെടുപ്പ് ഡ്യൂട്ടിക്ക് പോകുന്നതിന് തടസം നിന്ന ഭാര്യയെ സിആര്‍പിഎഫ് ജവാന്‍ കഴുത്തു ഞെരിച്ച് കൊന്നു
  • അഫ്ഗാനില്‍ താലിബാന്‍ ബന്ദിയാക്കിയഏഴ് ഇന്ത്യക്കാരില്‍ ഒരാള്‍ സുരക്ഷിതനായി തിരിച്ചെത്തി
  • ശമ്പള കുടിശിക ലഭിച്ചില്ലെങ്കില്‍ ഏപ്രില്‍ ഒന്നു മുതല്‍ വിമാനങ്ങള്‍ പറത്തില്ലെന്ന് ജറ്റ് എയര്‍വേസിലെ പൈലറ്റുമാര്‍
  • പ്രമോദ് സാവന്ത് ഗോവയുടെ പുതിയ മുഖ്യമന്ത്രിയായി സത്യ പ്രതിജ്ഞചെയ്തു
  • സാമ്പത്തിക പ്രതിസന്ധി; ജറ്റ് എയര്‍വേസിന്റെ പകുതിയോളം വിമാനങ്ങള്‍ നിലത്ത്, വിമാന നിരക്ക് ഉയരുന്നതു ചര്‍ച്ച ചെയ്യാന്‍ യോഗം
  • എന്‍ഡിഎ 283 സീറ്റ് നേടുമെന്ന് ടൈംസ് സര്‍വേ
  • Write A Comment

     
    Reload Image
    Add code here