ഷുഹൈബ് വധക്കേസില്‍ അന്വേഷണം സിബിഐയ്ക്ക് വിട്ട് ഉത്തരവിട്ട ജസ്റ്റിസ് കെമാല്‍ പാഷയ്ക്ക് സ്ഥാനചലനം

Fri,Mar 09,2018


കൊച്ചി: ഹൈക്കോടതി ജഡ്ജി കെമാല്‍ പാഷയ്ക്ക് സ്ഥാനചലനം. ക്രിമിനല്‍ കേസുകള്‍ പരിഗണിക്കുന്നതില്‍ നിന്ന് സിവില്‍ കേസിലേക്കാണ് ജസ്റ്റിസ് കെമാല്‍ പാഷയെ മാറ്റിയിരിക്കുന്നത്. അതേസമയം ഇതില്‍ അസ്വഭാവികതയൊന്നുമില്ലെന്നും സ്വാഭാവികമായ മാറ്റമാണ് ഉണ്ടായിരിക്കുന്നതെന്നും ഹൈക്കോടതി വൃത്തങ്ങള്‍ പറയുന്നു. കെമാല്‍ പാഷയുള്‍പ്പെടെ 23 ജഡ്ജിമാര്‍ക്ക് സ്ഥാനമാറ്റമുണ്ടായിട്ടുണ്ടെന്നും വിശദീകരണത്തില്‍ പറയുന്നു. കെമാല്‍ പാഷയ്ക്ക് പകരം ജസ്റ്റിസ് എബ്രഹാം മാത്യുവായിരിക്കും ഇനി ക്രിമിനല്‍ കേസുകള്‍ പരിഗണിക്കുക. ഏപ്രിലില്‍ മധ്യവേനല്‍ അവധിക്കായി കോടതി അടക്കാനിരിക്കെയാണ് സുപ്രധാനമായ തീരുമാനമുണ്ടായിരിക്കുന്നത്. കോളിളക്കം സൃഷ്ടിച്ച ഷുഹൈബ് വധക്കേസില്‍ അന്വേഷണം സിബിഐയ്ക്ക് വിട്ട് ഉത്തരവിട്ടത് ജസ്റ്റിസ് കെമാല്‍ പാഷയായിരുന്നു. കൂടാതെ സീറോമലബാര്‍ സഭ ഭൂമി വിവാദത്തില്‍ കര്‍ദിനാളിനെതിരെ കേസ് രജിസ്റ്റര്‍ ചെയ്ത് അന്വേഷണം നടത്താന്‍ കഴിഞ്ഞ ദിവസം ഉത്തരവിട്ടത് ഇദ്ദേഹം ഉള്‍പ്പെട്ട ബെഞ്ചായിരുന്നു. ഇതിന് പിന്നാലെയാണ് സ്ഥാനമാറ്റമുണ്ടായത്. ഹൈക്കോടതി ചീഫ് ജസ്റ്റിസാണ് സ്ഥാനമാറ്റം സംബന്ധിച്ച ഉത്തരവിറക്കിയത്. ജഡ്ജിമാരുടെ പരിഗണനാ വിഷയങ്ങള്‍ തീരുമാനിക്കുന്നത് ചീഫ് ജസ്റ്റിസിന്റെ വിവേചനാധികാരത്തില്‍ പെടുന്ന വിഷയമാണ്. അതിന് കാലപരിധിയൊന്നും നിശ്ചയിക്കപ്പെട്ടിട്ടില്ല. കാലാകാലങ്ങളില്‍ വിവിധ ബെഞ്ചുകള്‍ പരിഗണിക്കുന്ന കേസുകള്‍ക്ക് കാലാകാലങ്ങളില്‍ മാറ്റമുണ്ടാകാറുണ്ട്. അതിന്റെ ഭാഗമായാണ് ഇതെന്നാണ് ഹൈക്കോടതിയുടെ വിശദീകരണം. ഷുഹൈബ് വധം, സീറോമലബാര്‍ സഭാ ഭൂമി വിവാദം തുടങ്ങിയ കേസുകളില്‍ കോടതി അതിന്റെ നിലപാട് വ്യക്തമാക്കിയിട്ടുള്ളതാണ്. അതിനാല്‍ സ്ഥാനമാറ്റത്തില്‍ അസ്വഭാവികതയൊന്നുമില്ലെന്നാണ് വിശദീകരണം. അതേസമയം സ്ഥാനമാറ്റം ജനങ്ങളില്‍ സംശയങ്ങള്‍ക്ക് ഇടനല്‍കുമെന്ന് അഡ്വ. ജയശങ്കര്‍ മാതൃഭൂമി ന്യൂസിനോട് പ്രതികരിച്ചു. ഹൈക്കോടതിയില്‍ ജഡ്ജിമാരുടെ സ്ഥാനമാറ്റം മുന്നുതവണയായാണ് നടക്കുന്നത്. ഓണം കഴിഞ്ഞ് തുറക്കുമ്പോള്‍ ആദ്യം, പിന്നീട് ക്രിസ്മസ് അവധിക്ക് ശേഷം, അതു കഴിഞ്ഞ് വേനലവധികഴിഞ്ഞ് മൂന്നാമത് എന്നിങ്ങനെയാണ് ജഡ്ജിമാരുടെ പരിഗണനാ വിഷയങ്ങള്‍ മാറുന്നത്. ഒരു ടേമിന്റെ പകുതിക്ക് വെച്ചോ അതിന്റെ അവസാന സമയത്തോ ഈ മാറ്റം പതിവില്ലാത്തതാണ്. കോടതി അടയ്ക്കാന്‍ വളരെ കുറച്ച് ദിവസങ്ങള്‍ മാത്രം ശേഷിക്കെ പെട്ടന്നുള്ള മാറ്റം സംശയങ്ങള്‍ക്കും ഊഹാപോഹങ്ങള്‍ക്കും വഴിവെക്കുമെന്നും അദ്ദേഹം പറഞ്ഞു.

Other News

  • മുല്ലപ്പെരിയാറില്‍ കേരളത്തിനു പുതിയ അണക്കെട്ടാനുള്ള വിവര ശേഖരണത്തിന് തമിഴ്നാടിന്റെ അനുമതി ആവശ്യമില്ലെന്ന് കേന്ദ്രം
  • പിഎസ് സി വഴി 500 കണ്ടക്ടര്‍മാരെ നിയമിക്കാന്‍ കെഎസ്ആര്‍ടിസി അഡൈ്വസ് മെമ്മോ അയച്ചു; 250 പേര്‍ക്ക് ഉടന്‍ നിയമനം: എംഡി ടോമിന്‍ ജെ തച്ചങ്കരി
  • കെഎസ്ആര്‍ടിസിയിലെ കൂട്ടപ്പിരിച്ചുവിടല്‍: 980 ഓളം സര്‍വീസുകള്‍ മുടങ്ങി; യാത്രാദുരിതം വ്യാപകം
  • ബ്യൂട്ടി പാര്‍ലറിലെ വെടിവയ്പ്പ് : ഉടമയും നടിയുമായ ലീന മരിയ പോള്‍ പോലീസ് സംരംക്ഷണം ആവശ്യപ്പെട്ട് ഹോക്കോടതിയെ സമീപിച്ചു
  • വനിതാ മതില്‍ സംഘടിപ്പിക്കുന്നതില്‍ എന്താണ് കുഴപ്പമെന്ന് ഹൈക്കോടതി
  • തടസങ്ങള്‍ നീങ്ങി; ട്രാന്‍സ്‌ജെന്‍ഡറുകള്‍ ശബരിമല ദര്‍ശനം നടത്തി
  • ലോക്‌സഭ തെരഞ്ഞെടുപ്പില്‍ വേണ്ടിവന്നാല്‍ എന്‍.എസ്.എസ് സമദൂര സിദ്ധാന്തം ഉപേക്ഷിക്കുമെന്ന് ജി. സുകുമാരന്‍ നായര്‍
  • കോടതി പിടിമുറുക്കി: മുഴുവന്‍ എംപാലല്‍ ജീവനക്കാരെയും കെഎസ്ആര്‍ടിസി പിരിച്ചു വിട്ടു; 4071 ജീവനക്കാര്‍ പെരുവഴിയിലായി
  • ജാമ്യവ്യവസ്ഥകള്‍ ലംഘിച്ചു; രാഹുല്‍ ഈശ്വര്‍ വീണ്ടും അറസ്റ്റില്‍
  • മഞ്ജുവാര്യരെ കണ്ടല്ല വനിത മതില്‍ സംഘടിപ്പിക്കുന്നതെന്ന് എം എം മണിയും മെഴ്‌സിക്കുട്ടിയമ്മയും
  • കൊച്ചി ബ്യൂട്ടി പാര്‍ലറിലെ വെടിവെപ്പ്; ലീന മരിയ പോളിനെ നാളെ പോലീസ് ചോദ്യം ചെയ്യും; അക്രമികള്‍ ഉപയോഗിച്ചത് പക്ഷികളെ വെടിവയ്ക്കാന്‍ ഉപയോഗിക്കുന്ന എയര്‍ പിസ്റ്റല്‍
  • Write A Comment

     
    Reload Image
    Add code here