2000 രൂപയുടെ കള്ളനോട്ടുകളുമായി സഹോദരന്മാര്‍ പിടിയില്‍

Sat,Mar 10,2018


കുമളി: തേക്കടിയിലെ ഹോട്ടലില്‍ 2000 രൂപയുടെ കള്ളനോട്ട് നല്‍കിയ സഹോദരന്മാരെ കുമളി പോലീസ് അറസ്റ്റ് ചെയ്തു. ഒറ്റപ്പാലം സ്വദേശികളാണ് പിടിയിലായത്. ഒറ്റപ്പാലം കല്ലേപറമ്പില്‍ സുകേശന്‍ (47), ഗിരീശന്‍ (43) എന്നിവരാണ് അറസ്റ്റിലായത്. ഇവരില്‍നിന്ന് 2000 രൂപയുടെ അഞ്ച് കള്ളനോട്ടുകള്‍ പോലീസ് പിടികൂടി. തേക്കടിയിലെ ഹോട്ടലില്‍ ഭക്ഷണം കഴിച്ച ശേഷം 2000 രൂപയുടെ നോട്ട് നല്‍കിയവരെപ്പറ്റി സംശയം തോന്നി ഹോട്ടല്‍ ഉടമ പോലീസില്‍ വിവരം അറിയിക്കുകയായിരുന്നു. കുമളി സര്‍ക്കിള്‍ ഇന്‍െസ്​പക്ടര്‍ വി.കെ.ജയപ്രകാശ്, എസ്.ഐ.മാരായ ചാര്‍ളി തോമസ്, പ്രദീപ് കുമാര്‍ എന്നിവര്‍ ചോദ്യംചെയ്യുകയും ഇവരുടെ കാര്‍ പരിശോധിക്കുകയും ചെയ്തു. fake കാറില്‍നിന്ന് 2000 രൂപയുടെ നാല് കള്ളനോട്ടുകള്‍ കണ്ടെടുത്തു. ഇവ കുമളിയിലെ ബാങ്കില്‍ എത്തിച്ച് പരിശോധിച്ചപ്പോള്‍ കള്ളനോട്ടുകളാണെന്ന് ബോധ്യമായി.പോലീസ് ഒറ്റപ്പാലത്ത് നടത്തിയ അന്വേഷണത്തില്‍ നറുക്ക് വീണ ലോട്ടറി ടിക്കറ്റുകള്‍ കൃത്രിമമായി നിര്‍മിച്ച് പണം തട്ടിയതിന് ജനുവരിയില്‍ ഇരുവരും പിടിയിലായതായും ജാമ്യത്തിലിറങ്ങിയതാണെന്നും വിവരം ലഭിച്ചു. കംപ്യൂട്ടറും കളര്‍ പ്രിന്ററും ഉപയോഗിച്ച് വീട്ടില്‍ കള്ളനോട്ടടിച്ച് ഉപയോഗിച്ചുവരുകയായിരുന്നു. പ്രതികളെ പീരുമേട് കോടതിയില്‍ ഹാജരാക്കും.

Other News

  • വരാപ്പുഴ കസ്റ്റഡി മരണ കേസില്‍ ആലൂവ മുന്‍ റൂറല്‍ എസ്പി എവി ജേര്‍ജ്ജിനെ പ്രതി ചേര്‍ക്കില്ല; വകുപ്പുതല നടപടി മാത്രം
  • മരട് സ്‌കൂള്‍ ബസ് ദുരന്തത്തില്‍ ഉള്‍പ്പെട്ടു ചികിത്സയിലായിരുന്ന ഒരു കുട്ടി കൂടി മരിച്ചു; മരണസംഖ്യ നാലായി
  • കട്ടിപ്പാറ ഉരുള്‍പൊട്ടലില്‍ കാണാതായ ഒരാളുടെ മൃതദേഹം കൂടി കണ്ടെടുത്തു; ദുരന്തത്തില്‍ മരിച്ചവരുടെ എണ്ണം 13 ആയി
  • എ ഡി ജി പിയുടെ മകള്‍ പോലീസുകാരനെ മര്‍ദിച്ച സംഭവത്തില്‍ നടപടിയെടുക്കുമെന്ന് ഡി ജി പി
  • കൊച്ചിക്കാരായ ദമ്പതിമാരെയും സുഖമില്ലാത്ത കുഞ്ഞിനെയും വിമാനത്തില്‍ നിന്ന് പൈലറ്റ് ഇറക്കി വിട്ടു
  • മഴ കടുത്തു; മലബാര്‍ മേഖലയില്‍ വെളളപ്പൊക്കവും ഉരുള്‍ പൊട്ടലും. മൂന്നു കുട്ടികള്‍ ഉള്‍പ്പെടെ ആറു പേര്‍ മരിച്ചു. 12 പേരെ കാണാതായി
  • നവജാത ശിശുക്കളുടെ ജന്മനായുള്ള വൈകല്യങ്ങള്‍ കണ്ടെത്താന്‍ കേരളത്തില്‍ പരിശോധനാ സംവിധാനം
  • 'തരിവളയിട്ട കൈകള്‍' നിയന്ത്രിക്കുന്ന ഷോപ്പിംഗ് മാള്‍ കോഴിക്കോട്ട് ഒരുങ്ങുന്നു
  • പാര്‍ട്ടി നേതാക്കള്‍ക്കെതിരെ കത്തെഴുതി വെച്ച് സിപിഎം മുന്‍ പഞ്ചായത്ത് പ്രസിഡന്റ് കായലില്‍ ചാടി
  • വിലക്ക് ലംഘിച്ച് വീണ്ടും സുധീരന്‍; താന്‍ കെ.പി.സി.സി പ്രസിഡന്റ് ആയത് ഉമ്മന്‍ചാണ്ടിക്ക് ഇഷ്ടപ്പെട്ടില്ല; വീട്ടില്‍ ചെന്നിട്ടും അവഗണിച്ചു
  • ഉമ്മന്‍ചാണ്ടിയുടേയും ചെന്നിത്തലയുടേയും പേരില്‍ ശവപ്പെട്ടി വെച്ച് റീത്ത് സമര്‍പ്പിച്ച കെ.എസ്.യു നേതാക്കള്‍ അറസ്റ്റില്‍
  • Write A Comment

     
    Reload Image
    Add code here