പിണറായി മന്ത്രി സഭ അഴിച്ചുപണി ഉടന്‍; കെ.ടി ജലീലിനെയും കെ.കെ ശൈലജയേയും ഒഴിവാക്കിയേക്കും; ജയരാജന്‍ തിരികെയെത്തും; വി.കെ.സി മമ്മദ് കോയ വ്യവസായ വകുപ്പിന്റെ ചുമതലയിലേക്ക് ?

Sun,Mar 11,2018


കൊച്ചി: സംസ്ഥാന മന്ത്രിസഭാ പുന: സംഘടനയ്ക്ക് നീക്കം.
ഇ.പി ജയരാജനെ മന്ത്രി സഭയിലേക്ക് തിരികെ കൊണ്ടുവാരാനും നിലവില്‍ മന്ത്രി സഭാംഗമായ കെ.ടി ജലീലിനെ ഒഴിവാക്കി കോഴിക്കോട് എംഎല്‍എയായ വി.കെ.സി മമ്മദ് കോയയെ പുതുതായി ഉള്‍പ്പെടുത്തിയുമാണ് മന്ത്രിസഭാ പുനസംഘടനയെന്നാണ് സൂചന.
ആരോഗ്യമന്ത്രി കെ.കെ ശൈലജ, വ്യവസായ മന്ത്രി എ.സി മൊയ്തീന്‍ എന്നിവര്‍ക്കും സ്ഥാന ചലനം സംഭവിച്ചേക്കുമെന്ന് സൂചനയുണ്ട്. മന്ത്രിമാരുടെ പ്രവര്‍ത്തനം സംബന്ധിച്ച് സി.പിഎം സമ്മേളനങ്ങളില്‍ ഉയര്‍ന്ന ചര്‍ച്ചകളില്‍ തദ്ദേശ സ്വയംഭരണ വകുപ്പ് മന്ത്രി കെ.ടി ജലീലിനെയും, കെ.കെ ശൈലജയെയും കുറിച്ച് പ്രതിനിധികള്‍ അതൃപ്തിയും പരാതികളും ഉന്നയിച്ചിരുന്നു.
ആരോപണ വിധേനായതിന്റെ പേരില്‍ രാജിവച്ചൊഴിഞ്ഞ ഘടക കക്ഷി മന്ത്രി ശശീന്ദ്രനെ മന്ത്രിസഭയിലേക്ക് തിരികെ പ്രവേശിപ്പിച്ചിട്ടും ബന്ധുനിയമനത്തിന്റെ പേരില്‍ മന്ത്രിസഭയില്‍ നിന്ന് ആആദ്യം രാജിവെച്ചൊഴിഞ്ഞ സിപിഎം കേന്ദ്രക്കമ്മിറ്റി അംഗം ഇ.പി ജയരാജനെ തിരികെ എടുക്കാത്തതിലും ജില്ലാ സമ്മേളനങ്ങളിലും സംസ്ഥാന സമ്മേളനത്തിലും വലിയ വിമര്‍ശനത്തിനു വഴിവെച്ചിരുന്നു.
മലബാറില്‍ നിന്ന് സിപിഎം സ്വതന്ത്രനായി മത്സരിച്ച് മന്ത്രി സഭയിലെത്തിയ കെ.ടി ജലീല്‍ മന്ത്രിയെന്ന നിലയില്‍ പ്രതീക്ഷയ്ക്കനുസരിച്ച് ഉയര്‍ന്ന് പ്രവര്‍ത്തിക്കാത്തതും സിപിഎം നേതൃത്വത്തിനിടയില്‍ അസംതൃപ്തിയുണ്ടാക്കിയിരുന്നു.
ആരോഗ്യവകുപ്പിനെക്കുറിച്ചും വ്യാപകമായ പരാതികളുയര്‍ന്നതും സിപിഎം നേതൃത്വം ഗൗരവമായാണ് കാണുന്നത്. മലബാറില്‍ നിന്നുള്ള സിപിഎം സ്വതന്ത്ര എംഎല്‍എ പിവി അന്‍വറിന്റെ ഭൂമിക്കേസുമായി ബന്ധപ്പെട്ടു് ഉയര്‍ന്ന വിവാദങ്ങളും പാര്‍ട്ടിക്ക് ക്ഷീണമുണ്ടാക്കിയെന്ന് വിലയിരുത്തപ്പെട്ടിരുന്നു. എല്ലാം ശരിയാക്കുമെന്ന വാഗ്ദാനവുമായി മാറ്റങ്ങള്‍ക്കുവേണ്ടി വന്ന ഇടതു മന്ത്രിസഭയില്‍ ചിലമന്ത്രിമാര്‍ നടത്തുന്ന മോശം പ്രകടനം മന്ത്രിസഭയുടെ പ്രതിച്ഛായയ്ക്ക് തന്നെ കളങ്കമുണ്ടാക്കി എന്ന വിലയിരുത്തല്‍ ജനങ്ങളിലുണ്ടാക്കിയെന്ന് സിപിഎം നേതൃത്വം തിരിച്ചറിഞ്ഞിട്ടുണ്ട്. ഈ സാഹചര്യത്തിലാണ് പ്രതിച്ഛായ മെച്ചപ്പെടുത്തുന്നതിന്റെ ഭാഗമായി മന്ത്രിസഭ പുനസംഘടനയ്ക്ക് നീക്കം തുടങ്ങിയതെന്നാണ് ഭരണതലപ്പത്തുനിന്ന് ലഭിക്കുന്ന സൂചന.
മന്ത്രിമാരെ മാറ്റുന്നതിന ും വരുപ്പ് പുന സംഘടന നടത്തിന്നതും സംബന്ധിച്ച വിവരങ്ങള്‍ മുഖ്യമന്ത്രി ചീഫ് സെക്രട്ടറി തലത്തില്‍ ചര്‍ച്ച ചെയ്തതായു അറിയുന്നു. ജലീനെ നീക്കം ചെയ്ത് പകരം മലബാറില്‍ നിന്നു തന്നെയുള്ള എംഎല്‍എ വികെസി മമ്മദുകോയയെ പരിഗണിക്കുകയാണ്.
മ്ന്ത്രിസഭയുടെ ഭാഗമായി വികെസി വരുന്നതിന് മുഖ്യമന്ത്രി പിണറായി വിജയനാണ് പ്രത്യേകം താല്‍പര്യമെടുക്കുന്നത്. വ്യവസായ വകുപ്പ് വികെസിക്ക് നല്‍ക്ാനും ആലോചനയുണ്ട്. വ്യവസായ മന്ത്രിയായിരിക്കെ വകുപ്പുനിയമനങ്ങളുമായി ബന്ധപ്പെട്ട് ആരോപണ വിധേയനായതിനെ തുടര്‍ന്ന് രാജിവെക്കേണ്ടി വന്നതിനാല്‍ തിരികെ എത്തുന്ന ഇ.പി ജയരാജന് വ്യവസായം നല്‍കേണ്ടതില്ലെന്നാണ് നേതൃത്ത്വത്തിനിടയിലെ പൊതു വികാരം.
ഇപ്പോള്‍ വ്യവസായം കൈകാര്യം ചെയ്യുന്ന എ.സി. മൊയ്തീന് തദ്ദേശ സ്വയംഭരണ വകുപ്പ് നല്‍കിയേക്കും. ശൈലജയെ ഒഴിവാക്കുമോ എന്നത് തീര്‍ച്ചയില്ലെങ്കിലും ജയരാജന്റെ തിരിച്ചുവരവ് ഏറെക്കുറെ ഉറപ്പായിരിക്കുകയാണ്. അഴിച്ചുപണി അധികം വൈകാതെ നടത്തുമെന്നുതന്നെയാണ് ഇത് സംബന്ധമായി ലഭിക്കുന്ന വിവരം.
അതിനിടയില്‍ സ്പീക്കര്‍ ശ്രീരാമ കൃഷ്ണനെ മന്ത്രി സഭയിലേക്ക് പരിഗണിക്കുന്നതായും റിപ്പോര്‍ട്ടുണ്ട്.

Other News

  • കന്യാസ്ത്രീയെ പീഡിപ്പിച്ച കേസില്‍ ബിഷപ്പ് ഫ്രാങ്കോ മുളയ്ക്കലിന്റെ മുന്‍കൂര്‍ ജാമ്യാപേക്ഷ പരിഗണിക്കുന്നത് മാറ്റി
  • മറ്റുപാര്‍ട്ടികളിലെ മുന്‍നിര നേതാക്കള്‍ ബിജെപിയിലേക്ക്‌വരുമെന്ന് പി.എസ് ശ്രീധരന്‍പിള്ള
  • ഫ്രാങ്കോ മുളയ്ക്കലിനെ അറസ്റ്റ് ചെയ്യാന്‍ പര്യാപ്തമായ തെളിവുകള്‍ അന്വേഷണ സംഘത്തിന് കൈമാറിയിട്ടുണ്ടെന്ന് കന്യാസ്ത്രീകള്‍
  • ബാര്‍ കോഴ : മാണിക്ക് കോടതിയില്‍ തിരിച്ചടി; കുറ്റവിമുക്തനമാക്കിയ വിജിലന്‍സ് റിപ്പോര്‍ട്ട് തള്ളി
  • കന്യാസ്ത്രീകളുടെ സമരത്തിനിടയില്‍ ബിഷപ്പിന്റെ ആളുകള്‍ നുഴഞ്ഞുകയറിയെന്ന് കന്യാസ്ത്രീയുടെ സഹോദരി
  • നിര്‍ബന്ധിത ശമ്പള പിരിവ് സര്‍ക്കാര്‍ നയമല്ല; താല്‍പര്യമില്ലാത്തവര്‍ എഴുതി നല്‍കിയാല്‍ മതി: ധനമന്ത്രി
  • ബിഷപ്പ് ഫ്രാങ്കോയുടെ അറസ്റ്റ് ഒഴിവാക്കാന്‍ ഉന്നതര്‍ രംഗത്ത്; മുന്‍കൂര്‍ ജാമ്യം തേടാനും നീക്കം
  • കരുണാകരനെ ചതിച്ചത് കേരളത്തിലെ നേതാക്കളല്ല; ചാരക്കേസ് ചര്‍ച്ച അവസാനിപ്പിക്കണം; കെ. മുരളീധരന്‍
  • കന്യാസ്ത്രീകളുടെ സമരം ശക്തിയാര്‍ജ്ജിക്കുന്നു; ഒമ്പതാം ദിനം കടന്നു; നീതി ലഭിക്കും വരെ പോരാട്ടമെന്ന് സമരക്കാര്‍
  • യുവാവിലെ മദ്യത്തില്‍ മയക്കുമരുന്നു കലക്കി നല്‍കി കൊലപ്പെടുത്തി തമിഴ്‌നാട്ടില്‍ കൊണ്ടുപോയി കത്തിച്ച കേസില്‍ മുഖ്യപ്രതിയുടെ അമ്മയും ഭാര്യയും പിടിയില്‍
  • പെട്രോള്‍ വില ഞായറാഴ്ച കേരളത്തില്‍ 85 കടന്നു; തുടര്‍ച്ചയായ വിലക്കയറ്റത്തിന്റെ 45-ാം ദിനം
  • Write A Comment

     
    Reload Image
    Add code here