വീപ്പയ്ക്കുള്ളില്‍ സ്ത്രീയുടെ മൃതദേഹം കണ്ടെത്തിയ കേസ്; പ്രതി ആത്മഹത്യ ചെയ്ത സജിത്തെന്ന് പോലീസ്; കൊല്ലപ്പെട്ട ശകുന്തളയുടെ മകളും കുടുങ്ങിയേക്കും

Wed,Mar 14,2018


തൃപ്പൂണിത്തുറ: ഉദയംപേരൂര്‍ മാങ്കായി കവല തേരേയ്ക്കല്‍ കടവില്‍ തേരേയ്ക്കല്‍ വീട്ടില്‍ ദാമോദരന്റെ ഭാര്യ ശകുന്തള (50) യുടെ മൃതദേഹം പ്ലാസ്റ്റിക് വീപ്പയില്‍ കോണ്‍ക്രീറ്റ് ഇട്ട് നിറച്ച നിലയില്‍ കണ്ടെത്തിയ സംഭവത്തിന്റെ ദുരൂഹത നീങ്ങിയെന്ന് പോലീസ്.
ശകുന്തളയെ കൊന്നത് എരൂര്‍ സ്വദേശിയായ സജിത്താണെന്നും പൊലീസ് അന്വേഷണത്തില്‍ കണ്ടെത്തി. മാസങ്ങള്‍ക്കുമുമ്പ് വീപ്പയ്ക്കുള്ളില്‍ കണ്ടെത്തിയ മൃതദേഹം ശകുന്തളയുടേതെന്ന് കഴിഞ്ഞദിവസമാണ് കണ്ടെത്തിയത്. ശകുന്തളയുടെ മൃതദേഹം കണ്ടെത്തിയതിന് പിറ്റേന്ന് സജിത്തിനെ പൊട്ടാസ്യം സയനേഡ് കഴിച്ച് മരിച്ച നിലയില്‍ കണ്ടെത്തിയിരുന്നു. കഴിഞ്ഞ വര്‍ഷം ജനുവരി ഏഴിന് തലകീഴായി കൈകാലുകള്‍ മടക്കി വീപ്പയില്‍ കയറ്റിയ ശേഷം കോണ്‍ക്രീറ്റിട്ട് ഉറപ്പിച്ച നിലയിലാണ് കുമ്പളം കായലിനോട് ചേര്‍ന്ന ഒഴിഞ്ഞ പറമ്ബില്‍ ശകുന്തളയുടെ മൃതദേഹം കണ്ടെത്തിയത്.
ശകുന്തളയുടെ മകള്‍ അശ്വതിയുമായി സജിത്തിന് ബന്ധമുണ്ടായിരുന്നു. ഇതിനെ ശകുന്തള എതിര്‍ത്തിരുന്നു. ഇതാണ് ശകുന്തളയുടെ കൊലപാതകത്തിലേക്ക് നയിച്ചത്. ശകുന്തളയെ കൊലപ്പെടുത്തിയ ശേഷം സുഹൃത്തുക്കളുടെ സഹായത്തോടെയാണ് സജിത്ത് മൃതദേഹം വീപ്പയിലാക്കിയ ശേഷം കായലില്‍ എറിഞ്ഞത്.
സുഹൃത്തുക്കളെ കേന്ദ്രീകരിച്ച് നടത്തിയ അന്വേഷണത്തിലാണ് കൊലപാതകത്തിന്റെ ചുരളഴിഞ്ഞത്. ശകുന്തളയുടെ മകള്‍ അശ്വതിയുടെ ഡി.എന്‍.എ പരിശോധിച്ചതില്‍ നിന്നാണ് മരിച്ചത് ശകുന്തളയാണെന്ന് പൊലീസ് തിരിച്ചറിഞ്ഞത്.
ഉദയംപേരൂര്‍ വലിയകുളത്തിന് സമീപം പരേതയായ സരസയുടെ വളര്‍ത്തുമകളായിരുന്നു ശകുന്തള. ദാമോദരനെ പ്രണയിച്ചാണ് വിവാഹം കഴിച്ചത്. ദാമ്ബത്യം അധികം നീണ്ടില്ല.
തുടര്‍ന്ന് മകനും മകളുമൊത്ത് വാടകവീടുകളില്‍ മാറി മാറി താമസിച്ചു. ഇതിനിടെ മകന്‍ പ്രമോദ് ബൈക്ക് അപകടത്തില്‍പ്പെട്ട് കിടപ്പിലായ ശേഷം ആത്മഹത്യ ചെയ്തു. തുടര്‍ന്ന് മകളുമായി പിണങ്ങിയ ശകുന്തള ഒറ്റയ്ക്കായി താമസം. പിന്നീടാണ് ശകുന്തള കൊല്ലപ്പെട്ടത്. വീപ്പയിലെ മൃദേഹത്തില്‍ തിരിച്ചറിയാവുന്ന ഒരു സൂചനയുമില്ലായിരുന്നു.
കളമശേരി മെഡിക്കല്‍ കോളേജിലെ ഫോറന്‍സിക് വിഭാഗം അഡീഷണല്‍ പ്രൊഫസര്‍ എ.കെ. ഉന്മേഷ് ജഡത്തിലെ കണങ്കാലില്‍ ശസ്ത്രക്രിയ ചെയ്ത് ഘടിപ്പിച്ച അധികം പഴക്കമില്ലാത്ത പിരിയാണിയും അതില്‍ സൂക്ഷ്മമായി രേഖപ്പെടുത്തിയ ബാച്ച് നന്പറും കണ്ടെത്തിയതാണ് അന്വേഷണത്തില്‍ വഴിത്തിരിവായത്. ഇത്തരം സ്‌ക്രൂ ഒരു വര്‍ഷത്തിനുള്ളില്‍ എറണാകുളത്ത് ഉപയോഗിച്ച എല്ലാവര്‍ക്കും പിന്നാലെ പൊലീസ് പോയി. ഒടുവില്‍ തൃപ്പൂണിത്തുറ വിജയകുമാര മേനോന്‍ ആശുപത്രിയില്‍ ശസ്ത്രക്രിയ നടത്തിയ ആറ് പേരില്‍ അന്വേഷണം അവസാനിച്ചു. ഇതില്‍ അഞ്ചുപേരെയും പൊലീസ് കണ്ടെത്തി. ആറാമത്തെയാളായിരുന്നു ശകുന്തള. രണ്ട് വര്‍ഷം മുന്പ് ശകുന്തള സ്‌കൂട്ടര്‍ അപകടത്തില്‍ പരിക്കേറ്റ് ചികിത്സ തേടിയിരുന്നു. ഇതാണ് അന്വേഷണത്തില്‍ വഴിത്തിരിവായത്.

Other News

  • ആലുവ കൂട്ടക്കൊല കേസില്‍ പ്രതി ആന്റണിക്ക് ഹൈക്കോടതി വിധിച്ച വധശിക്ഷ, സുപ്രീംകോടതി ജീവപര്യന്തമാക്കി ഇളവ് ചെയതു
  • ബിജെപി മാര്‍ച്ചില്‍ സംഘര്‍ഷം; പോലീസിനെ കല്ലെറിഞ്ഞ പ്രവര്‍ത്തകര്‍ക്ക് ലാത്തിയടി; ചൊവ്വാഴ്ച തിരുവനന്തപുരത്ത് ഹര്‍ത്താല്‍
  • ശബരിമലയില്‍ ഇപ്പോള്‍ സമാധാന അന്തരീക്ഷമാണെന്ന് ഹൈക്കോടതി; ആര്‍ക്കുംപോയി ദര്‍ശനം നടത്താവുന്ന സാഹചര്യം
  • മുഖ്യമന്ത്രിയുടേയും സിപിഎം നേതാക്കളുടേയും വിമാനയാത്ര വിവാദത്തിലേക്ക്; വിമാനക്കൂലിക്കായി സര്‍ക്കാര്‍ ഏജന്‍സിയായ ഒഡാപെക് ചെലവിട്ടത് 2.28 ലക്ഷം രൂപ
  • കണ്ണൂരില്‍ നിന്ന് ദിവസവും നിരവധി രാജ്യാന്തര സര്‍വീസുകള്‍; റിയാദിലേക്കും ഷാര്‍ജയിലേക്കും ദോഹയിലേക്കുമാണ് അന്താരാഷ്ട്ര സര്‍വ്വീസുകള്‍
  • പളളിത്തര്‍ക്കത്തെ തുടര്‍ന്ന് പിറവത്ത് സംഘടിച്ചവരെ നീക്കാന്‍ പൊലീസ് ശ്രമം; വിശ്വാസികള്‍ ആത്മഹത്യാ ഭീഷണി മുഴക്കി
  • ദീപാ നിശാന്ത് മാര്‍ക്കിട്ട സംസ്ഥാന സ്‌കൂള്‍ കലോത്സവ മത്സര വിധി റദ്ദാക്കി
  • കൊച്ചി വാട്ടര്‍ മെട്രോ പദ്ധതിക്ക് 940 കോടിയുടെ ജര്‍മന്‍ സഹായം
  • ചരിത്രം രചിച്ച് കണ്ണൂര്‍ വിമാനത്താവളത്തില്‍ നിന്ന് ആദ്യ വിമാന സര്‍വീസ് ആരംഭിച്ചു; അബുദാബിയിലേക്ക് ആദ്യ സര്‍വീസ്
  • മെഡിക്കല്‍ ഷോപ്പുകളിലേക്ക് വാട്ട്‌സ് ആപ്പ് വഴി മരുന്നു വിവരം അയക്കാന്‍ ഡോക്ടര്‍മാര്‍ക്ക് അനുമതി
  • മുന്‍മുഖ്യമന്ത്രിമാര്‍ക്കു ക്ഷണമില്ല; കണ്ണൂര്‍ വിമാനത്താവളത്തിന്റെ ഉത്ഘാടന ചടങ്ങ് ബഹിഷ്‌ക്കരിക്കുമെന്ന് പ്രതിപക്ഷം
  • Write A Comment

     
    Reload Image
    Add code here