വരാപ്പുഴയില്‍ യുവാവിന്റെ കസ്റ്റഡി മരണം; മൂന്ന് പോലീസുകാരെ സസ്പെന്റ് ചെയ്തു

Wed,Apr 11,2018


കൊച്ചി: വരാപ്പുഴയില്‍ യുവാവ് പോലീസ് കസ്റ്റഡിയിലിരിക്കെ മരിച്ച സംഭവത്തില്‍ മൂന്ന് പോലീസുകാരെ സസ്പെന്റ് ചെയ്തു.
കളമശ്ശേരി എആര്‍ ക്യാംപിലെ ഉദ്യോഗസ്ഥരായ ജിതിന്‍ രാജ്, സന്തോഷ് കുമാര്‍, സുമേഷ് എന്നീ ഉദ്യോഗസ്ഥര്‍ക്കെതിരെയാണ് നടപടി.
ശ്രീജിത്തിനെ കസ്റ്റഡിയില്‍ എടുത്തത് ഇവരായിരുന്നു. ശീജിത്തിന്റെ അമ്മ നല്‍കിയ മൊഴിയുടെ അടിസ്ഥാനത്തിലാണ് നടപടിയെന്ന് ആലുവ റൂറല്‍ എസ്.പി. അറിയിച്ചു.
ശ്രീജിത്തിന്റെ മരണത്തെക്കുറിച്ച് അന്വേഷിക്കാന്‍ ഐജി എസ് ശ്രീജിത്തിന്റെ നേതൃത്വത്തില്‍ പ്രത്യേക അന്വേഷണ സംഘത്തെ നിയോഗിച്ചതായി ചൊവ്വാഴ്ച സംസ്ഥാന പോലീസ് മേധാവി അറിയിച്ചിരുന്നു.
ഉത്തരവാദികളായ പോലീസുകാര്‍ക്കെതിരെ നടപടിയാവശ്യപ്പെട്ട് ബിജെപി ചൊവ്വാഴ്ച രാത്രി ദേശീയപാത ഉപരോധിച്ചിരുന്നു. ഒടുവില്‍ ജില്ലാകളക്ടര്‍ സ്ഥലത്തെത്തി പോലീസുകാരെ സസ്പെന്‍ഡ് ചെയ്ത വിവരം അറിയിച്ചതോടെയാണ് പ്രതിഷേധം അവസാനിച്ചത്.
ഇതിനിടെ ആളുമാറിയാണ് ശ്രീജിത്തിനെ പൊലീസ് കസ്റ്റഡിയിലെടുത്തതെന്ന ആരോപണവുമായി മരിച്ച വാസുദേവന്റെ മകന്‍ വീനീഷ് രംഗത്തെത്തിയിരുന്നു. എന്നാല്‍ ഇയാളുടെ വാദം കളവാണെന്നും ശ്രീജിത്തിനേയും സഹോദരന്‍ സജിത്തിനേയും പൊലീസ് സ്റ്റേഷനില്‍ വെച്ച് തിരിച്ചറഞ്ഞതായി വിനീഷ് മൊഴി തന്നിരുന്നെന്നും എറണാകുളം റൂറല്‍ പൊലീസ് അറിയിച്ചു.
അടിവയറ്റിലേറ്റ മര്‍ദനമാണ് മരണകാരണമെന്ന് വ്യക്തമായതോടെയാണ് വിശദമായ അന്വേഷണത്തിന് ഡി.ജി.പി ഉത്തരവിട്ടത്.
ഐ ജി എസ് ശ്രീജിത്തിനൊപ്പം ക്രൈംബ്രാഞ്ച് എസ് പി മാരെയും സംഘത്തില്‍ ഉള്‍പ്പെടുത്തിയിട്ടുണ്ട്.
വരാപ്പുഴയില്‍ വീട് ആക്രമിച്ചതിനെ തുടര്‍ന്ന് ഗൃഹനാഥന്‍ തൂങ്ങി മരിച്ച സംഭവത്തിലാണ് ശ്രീജിത്ത് അടക്കം പത്ത് പേരെ പോലീസ് കസ്റ്റഡിയില്‍ എടുത്തത്.
തുടര്‍ന്നായിരുന്നു ശ്രീജിത്തിന്റെ മരണം. മര്‍ദ്ദനമേറ്റ ശ്രീജിത്തിനെ പോലീസ് കസ്റ്റഡിയിലിരിക്കെ ശസ്ത്രക്രിയയ്ക്ക് വിധേയമാക്കിയിരുന്നു.
ആന്തരികാവയവങ്ങള്‍ക്കേറ്റ ക്ഷതമാണ് മരണ കാരണമായത്. എന്നാല്‍ ഈ ക്ഷതം ആത്മഹത്യ ചെയ്ത വാസുദേവന്റെ വീട്ടില്‍ വെട്ടുണ്ടായ അടിപിടിക്കിടെ ഉണ്ടായതാണെന്നാണ് പോലീസ് ഭാഷ്യം.

Other News

  • കബനി പുഴയില്‍ തോണി മറിഞ്ഞ് അച്ഛനും മക്കളും മരിച്ചു; കൂടുതല്‍ പേര്‍ക്കായി തിരച്ചില്‍
  • മനുഷ്യാവകാശ കമ്മീഷന്‍ ചെയ്യുന്നത് ഏറ്റെടുത്ത ഉത്തരവാദിത്തം തന്നെ; മുഖ്യമന്ത്രിക്കു മറുപടിയുമായി ചെയര്‍മാന്‍ പി മോഹനദാസ്
  • കാമുകന്മാര്‍ക്കു പങ്കില്ല; പിണറായിയിലെ കൊലപാതകങ്ങള്‍ സൗമ്യ തനിച്ചു ചെയ്തതെന്നു പൊലീസ്
  • ലിഗ മരിച്ചത് ശ്വാസം മുട്ടിയാകാമെന്ന് പോലീസ്; കൊലപാതക സാധ്യതയിലൂന്നി അന്വേഷണം
  • മാതാപിതാക്കളെയും മകളെയും എലി വിഷം നല്‍കി കൊന്ന യുവതി അറസ്റ്റില്‍; നടുക്കത്തോടെ കേരളം
  • ചങ്ക് ബസിനെ തിരികെ നാട്ടിലെത്തിച്ച കോളേജ് വിദ്യാർത്ഥിനി തച്ചങ്കരിക്കു മുന്നിലെത്തി
  • വരാപ്പുഴ കസ്റ്റഡി മരണം: സിബിഐ അന്വേഷണം ആവശ്യപ്പെട്ട് ശ്രീജിത്തിന്റെ ഭാര്യ ഹൈക്കോടതിയിൽ
  • സ്വകാര്യ ആശുപത്രി നഴ്സുമാരുടെ അടിസ്ഥാന ശമ്പളം 20000 രൂപയാക്കി
  • വിദേശ വനിതയുടെ ദുരൂഹ മരണം; പരാതി പറയാനെത്തിയ സഹോദരിയെ മുഖ്യമന്ത്രി കാണാന്‍ കൂട്ടാക്കിയില്ല; ഡിജിപി ഭീഷണിപ്പെടുത്തിയെന്നും സാമൂഹിക പ്രവര്‍ത്തക
  • വരാപ്പുഴ കസ്റ്റഡി മരണം: ആലുവ റൂറല്‍ എസ് പി ആയിരുന്ന എ വി ജോര്‍ജിനെ കൊലക്കുറ്റം ചുമത്തി അറസ്റ്റ് ചെയ്യണമെന്ന് പ്രതിപക്ഷ നേതാവ് രമേശ് ചെന്നിത്തല
  • 'ലിഗയുടെ മരണം കൊലപാതകം; പൊലീസ് ജാഗ്രത കാണിച്ചില്ല; മലയാളികളുടെ പിന്തുണയ്ക്ക് നന്ദി'; ലിഗയുടെ ബന്ധുക്കള്‍
  • Write A Comment

     
    Reload Image
    Add code here