വ്യാജ ഏറ്റുമുട്ടലില്‍ കൊല്ലപ്പെട്ട പ്രാണേഷ്‌കുമാറിന്റെ അച്ഛന്‍ വാഹനാപകടത്തില്‍ മരിച്ച സംഭവത്തില്‍ അന്വേഷണം ആരംഭിച്ചു

Sun,Apr 15,2018


തുറവൂര്‍: വ്യാജ ഏറ്റുമുട്ടലില്‍ കൊല്ലപ്പെട്ട പ്രാണേഷ്‌കുമാറിന്റെ അച്ഛന്‍ ഗോപിനാഥപിള്ള (78) വാഹനാപകടത്തില്‍ മരിച്ച സംഭവത്തില്‍ പ്രത്യേക സംഘം അന്വേഷണം ആരംഭിച്ചു. ജില്ലാ പോലീസ് മേധാവി എസ്.സുരേന്ദ്രനൊപ്പം ഫൊറന്‍സിക് വിദഗ്ധരും ശനിയാഴ്ച സംഭവസ്ഥലത്തെത്തി പരിശോധന നടത്തി. അപകടവുമായി ബന്ധപ്പെട്ട് നാല് വാഹനങ്ങള്‍ പോലീസ് കസ്റ്റഡിയിലെടുത്തിട്ടുണ്ട്. മിനിലോറി, ടാങ്കര്‍ലോറി, കാര്‍, കെ.എസ്.ഡി.പി.യുടെ മിനിലോറി എന്നിവയാണ് കസ്റ്റഡിയിലെടുത്ത വാഹനങ്ങള്‍. അപകടത്തില്‍പ്പെട്ട കാറിന് പിന്നിലിടിച്ചതെന്ന് സംശയിക്കുന്ന ടാങ്കര്‍ലോറിയുടെ ഡ്രൈവര്‍ ചാലക്കുടി സ്വദേശി സിജീവ് പട്ടണക്കാട് പോലീസിന്റെ കസ്റ്റഡിയിലാണ്. പിന്നില്‍ മറ്റൊരു വാഹനമിടിച്ചതിനെത്തുടര്‍ന്നാണ് കാര്‍ എതിര്‍ട്രാക്കിലേക്ക് ഇടിച്ചുകയറാന്‍ കാരണം. പിന്നില്‍ മറ്റൊരു വാഹനത്തിന്റെ പെയിന്റ് പറ്റിപ്പിടിച്ചിരിക്കുന്നതായും ഫൊറന്‍സിക് പരിശോധനയില്‍ കണ്ടെത്തി. അപകടസമയത്ത് എട്ട് വാഹനങ്ങളാണ് കാര്‍ സഞ്ചരിച്ച പാതയിലൂടെ അടുത്തടുത്ത് കടന്നുപോയതെന്ന് സമീപത്തെ സി.സി.ടി.വി. ദൃശ്യങ്ങളില്‍നിന്ന് വ്യക്തമായി. ദൃശ്യങ്ങളില്‍ പതിഞ്ഞിട്ടുള്ള മറ്റു വാഹനങ്ങള്‍ക്കായി പോലീസ് അന്വേഷണം നടത്തിവരികയാണ്.

ചേര്‍ത്തല ഡിവൈ.എസ്.പി, സ്‌പെഷ്യല്‍ ബ്രാഞ്ച് ഡിവൈ.എസ്.പി, അര്‍ത്തുങ്കല്‍, മാരാരിക്കുളം, മണ്ണഞ്ചേരി, പട്ടണക്കാട് എന്നീ സ്റ്റേഷനുകളിലെ എസ്.ഐ.മാര്‍ എന്നിവര്‍ അന്വേഷണസംഘത്തിലുണ്ട്. ദേശീയപാതയില്‍ വയലാറിലുണ്ടായ അപകടത്തില്‍ പരിക്കേറ്റ് ചികിത്സയിലിരിക്കവേയാണ് വെള്ളിയാഴ്ച പുലര്‍ച്ചേ ചാരുംമൂട് താമരക്കുളം മണലാടി തെക്കേതില്‍ ഗോപിനാഥന്‍പിള്ള മരിക്കുന്നത്. 2004-ലെ വ്യാജ ഏറ്റുമുട്ടലില്‍ മകന്‍ കൊല്ലപ്പെട്ടതുമായി ബന്ധപ്പെട്ട് നിയമപോരാട്ടം നടത്തിവരുമ്പോഴാണ് ഇദ്ദേഹം മരിക്കുന്നത്.

Other News

  • രാഹുല്‍ ഗാന്ധി വയനാട്ടില്‍ മത്സരിക്കും; ടി. സിദ്ധിഖ് പിന്മാറി; അറിയിപ്പു ലഭിച്ചെന്ന് ഉമ്മന്‍ചാണ്ടി, മുല്ലപ്പള്ളി, ചെന്നിത്തല
  • തിരുവനന്തപുരത്ത് 13 കോടി രൂപയുടെ ഹാഷിഷ് ഓയില്‍ പിടികൂടി
  • കെ.എം. മാണിയെ കൊച്ചിയിലെ ആശുപത്രിയില്‍ പ്രവേശിപ്പിച്ചു
  • മൃതദേഹം മാറി അയച്ച സംഭവം: മലയാളി യുവാവിന്റെ ജഢം ശ്രീലങ്കയില്‍ ഉണ്ടെന്ന് വിവരം ലഭിച്ചു
  • സസ്‌പെന്‍ഷനില്‍ കഴിയുന്ന ഡിജിപി ജേക്കബ് തോമസ് ട്വന്റി -20 മുന്നണി സ്ഥാനാര്‍ത്ഥിയായി ചാലക്കുടിയില്‍ മത്സരിക്കും
  • കേരളത്തിലെ സ്ഥാനാര്‍ത്ഥി പട്ടിക പ്രഖ്യാപിക്കാന്‍ കഴിയാതെ ബിജെപി നേതൃത്വം
  • കേരളത്തില്‍ ബിജെപി 14 സീറ്റിലും ബിഡിജെഎസ് അഞ്ച് സീറ്റിലും മത്സരിക്കും; കോട്ടയത്ത് പിസി തോമസ്
  • ഓച്ചിറയില്‍ 13 കാരിയെ തട്ടിക്കൊണ്ടുപോയത് ബെംഗളുരുവിലേക്കെന്ന് പോലീസ് ; പ്രതിയെ സംരക്ഷിക്കില്ലെന്ന് പിതാവ്
  • ബാങ്ക് അക്കൗണ്ടില്‍ നിന്ന് പണം നഷ്ടപ്പെട്ടാല്‍ നഷ്ടപരിഹാരം നല്‍കാനുള്ള ബാധ്യത ബാങ്കിനുണ്ടെന്ന് ഹൈക്കോടതി
  • കലാഭവന്‍ മണിയുടെ മരണം: ഏഴു പേരെ നുണപരിശോധനയ്ക്ക് വിധേയരാക്കുന്നു
  • കേരളത്തില്‍ ഒമ്പത് സിറ്റിംഗ് എം.എല്‍.എ മാര്‍ മത്സരത്തിന്; സംസ്ഥാനത്തെ ലോക്‌സഭാ തെരഞ്ഞെടുപ്പു ചരിത്രം തിരുത്തിക്കുറിക്കുന്നു, കാത്തിരിക്കുന്നത് അധിക സാമ്പത്തിക ബാധ്യത
  • Write A Comment

     
    Reload Image
    Add code here