സോഷ്യല്‍ മീഡിയയിലൂടെ ആരോ ആഹ്വാനം ചെയ്ത ഹര്‍ത്താല്‍ വിജയിപ്പിക്കാന്‍ ജനം തെരുവിലിറങ്ങി; വഴിതടഞ്ഞ് സംഘര്‍ഷം സൃഷ്ടിച്ച അമ്പതോളം പേര്‍ കസ്റ്റഡിയില്‍

Mon,Apr 16,2018


കോഴിക്കോട്: സോഷ്യല്‍ മീഡിയയിലൂടെ ആരെല്ലാമോ ചേര്‍ന്ന് പ്രചരിപ്പിച്ച വ്യാജ ഹര്‍ത്താല്‍ വിജയിപ്പിക്കാന്‍ സംസ്ഥാനത്തിന്റെ വിവിധ ഭാഗങ്ങളില്‍ യുവാക്കള്‍ രംഗത്ത് എത്തിയത് ജനങ്ങള്‍ക്കും പോലീസിനും തലവേദനയായി.
ഒരു സംഘടനയുടെയും പിന്‍ ബലമോ ദിവസങ്ങള്‍ക്കു മുമ്പുള്ള അറിയിപ്പോ ഒന്നും കൂടാതെ ആരെല്ലാമോ ഞായറാഴ്ച വാട്ട്‌സ് അപ്പിലൂടെ പ്രചരിപ്പിച്ച ഹര്‍ത്താല്‍ ആഹ്വാനമാണ് സംസ്ഥാനത്തിന്റെ വിവിധ ഭാഗങ്ങളില്‍ യുവാക്കള്‍ ഏറ്റെടുത്ത് യാഥാര്‍ഥ്യമാക്കാന്‍ ശ്രമിച്ചത്. കേരളത്തിന്റെ വിവിധ ഭാഗങ്ങളില്‍ ഹര്‍ത്താല്‍ അനുകൂലികള്‍ വഴിതടയുകയും കടകള്‍ അടപ്പിക്കുകയും ചെയ്തു.
സോഷ്യല്‍ മീഡിയയിലൂടെ സംഘടിച്ച ജനകീയസമിതി എന്ന് സ്വയം വിശേഷിപ്പിച്ചാണ് പലയിടത്തും ആളുകള്‍ ദേശിയ പാതകളിലടക്കം ഗതാഗതം തടസപ്പെടുത്താന്‍ എത്തിയത്.
മലബാറിലായിരുന്നു വ്യാജഹര്‍ത്താല്‍ കൂടുതല്‍ പ്രശ്നങ്ങള്‍ സൃഷ്ടിച്ചത്. ടയറിന് തീയിട്ടും കല്ലും തടികളും റോഡിനു നടുവിലിട്ടും വഴി തടയാന്‍ ശ്രമം നടന്നു. വ്യാപാരികളും ബസ്ജീവനക്കാരും ചോദ്യം ചെയ്തതോടെ പലയിടത്തും സംഘര്‍ഷാവസ്ഥയുണ്ടായി. ആരാണ് ഹര്‍ത്താല്‍ നടത്തുന്നതെന്ന ചോദ്യത്തിന് വാട്സ്ആപ്പ് കണ്ടിരുന്നില്ലേ എന്നായിരുന്നു ഹര്‍ത്താല്‍ അനുകൂലികളുടെ മറുപടി.
കണ്ണൂരില്‍ ഹര്‍ത്താല്‍ അനുകൂലികളും പോലീസും തമ്മില്‍ ഏറ്റുമുട്ടി. പ്രതിഷേധക്കാര്‍ക്ക് നേരെ പോലീസ് ലാത്തി വീശി.
മലപ്പുറം തിരൂരിലും പോലീസ് ലാത്തി വീശി. ഇവിടെ മിക്ക കടകളും അടഞ്ഞ് കിടക്കുകയാണ്. കാസര്‍കോഡ് കെഎസ്ആര്‍ടിസി ബസിന് നേരെയുണ്ടായ കല്ലേറില്‍ ഡ്രൈവര്‍ക്ക് പരുക്കേറ്റു. ബാലരാമപുരത്ത് ഹര്‍ത്താല്‍ അനുകൂലികള്‍ വാഹനങ്ങള്‍ തല്ലിത്തകര്‍ത്തു.
ഹര്‍ത്താലിന്റെ പേരില്‍ സംഘര്‍ഷാവസ്ഥ സൃഷ്ടിച്ച അന്‍പതോളം പേരെ സംസ്ഥാനത്തിന്റെ വിവിധ ഭാഗങ്ങളില്‍ നിന്നായി പോലീസ് കസ്റ്റഡിയിലെടുത്തിട്ടുണ്ട്.
തിരുവനന്തുരം ജില്ലയില്‍ ചിലയിടങ്ങളിലും, നെടുമങ്ങാടും, മുവ്വാറ്റുപുഴയിലും കടകള്‍ അടപ്പിക്കാന്‍ ശ്രമം നടന്നിരുന്നു.

Other News

  • മനുഷ്യക്കടത്ത് കേസ് : മുനമ്പത്ത് നിന്ന് സ്വിറ്റ്‌സര്‍ലാന്‍ഡിലേക്ക് പുറപ്പെട്ട ബോട്ടില്‍ മലയാളികളില്ലെന്ന് പൊലീസ്
  • ലോക് തെരഞ്ഞെടുപ്പില്‍ യുഡിഎഫിനു സര്‍വനാശം സംഭവിക്കുമെന്ന് വെള്ളാപ്പള്ളി
  • ' ഞാന്‍ എഴുതുന്നത് എന്റെ പച്ചയായ ജീവിതം' : എച്ചുമുക്കുട്ടി; സാമൂഹിക മാധ്യമ വിചാരണകളോട് എഴുത്തുകാരി പ്രതികരിക്കുന്നു
  • കേരളത്തില്‍ കഴിഞ്ഞ വര്‍ഷം കാണാതായത് 12453 പേരെ; ഇവരില്‍ 11761 പേരെ കണ്ടെത്തി
  • കണ്ണൂർ വിമാനത്താവളത്തിൽനിന്ന് കൂടുതൽ അന്താരാഷ്ട്ര, ആഭ്യന്തര സർവീസ് ആരംഭിക്കും;എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി: വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി
  • അധോലോക നായകന്‍ രവി പൂജാര വീണ്ടും ഭീഷണിപ്പെടുത്തുന്നുവെന്ന് നടി ലീന മരിയ പോള്‍
  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • Write A Comment

     
    Reload Image
    Add code here