പേമാരിയും ഉരുള്‍പൊട്ടലും ; രണ്ട് കുടുംബത്തിലെ 10 പേരടക്കം 19 മരണം

Wed,Aug 08,2018


കോഴിക്കോട്: വീണ്ടും ശക്തമായി പെയ്യുന്ന മഴയ്‌ക്കൊപ്പം പാലക്കാട്, വയനാട്, ഇടുക്കി, മലപ്പുറം, കോഴിക്കോട് ജില്ലകളില്‍ ഉരുള്‍പൊട്ടിയുണ്ടായ അപകടങ്ങളില്‍ രണ്ട് കുടുംബങ്ങളിലെ പത്ത് പേരടക്കം 19 പേര്‍ മരിച്ചു.
ഇടുക്കി ജില്ലയില്‍ ഒരു കുടുംബത്തിലെ അഞ്ചു പേരടക്കം 10 മരണം റിപ്പോര്‍ട്ട് ചെയ്തു. മലപ്പുറത്ത് ഒരു കുടുംബത്തിലെ അഞ്ചുപേരും വയനാട്ടില്‍ ഒരാളും മരിച്ചു. മാനന്തവാടി തലപ്പുഴ മക്കിമലയില്‍ ഉരുള്‍പൊട്ടി ഒരു കുടുംബം മണ്ണിനടിയില്‍ കുടുങ്ങി.
രക്ഷാ പ്രവര്‍ത്തനം തുടരുകയാണ്. പെരിയാര്‍വാലിയില്‍ രണ്ടുപേരെ കാണാനില്ലെന്ന് പ്രദേശവാസികള്‍. മലപ്പുറം നിലമ്പൂര്‍ എരുമമുണ്ട ചെട്ട്യാംപാറ മലയിലുണ്ടായ ഉരുള്‍പൊട്ടലില്‍ കാണാതായ കുടുംബത്തിലെ അഞ്ചു പേരുടെ മൃതദേഹം കണ്ടെത്തി.
പറമ്പില്‍ സുഹ്രഹ്മണ്യന്‍ എന്ന കുട്ടന്റെ കുടുംബമാണ് അപകടത്തില്‍ പെട്ടത്. സുബ്രഹ്മണ്യന്റെ മാതാവ് കുഞ്ഞി (50), ഭാര്യ ഗീത (24), മക്കളായ നവനീത് (ഒന്‍പത്), നിവേദ് (മൂന്ന്) ബന്ധു മിഥുന്‍ (16) എന്നിവരുടെ മൃതദേഹങ്ങളാണു കിട്ടിയത്. സുബ്രഹ്മണ്യനായി തിരച്ചില്‍ നടക്കുന്നു.
ഉരുള്‍പൊട്ടലിലില്‍ ഇവരുടെ വീട് പൂര്‍ണമായി ഒലിച്ചു പോയി. വീടു നിന്ന സ്ഥലം മണ്ണുമൂടി കിടക്കുകയാണ്. ഇതിന്റെ താഴെ ഭാഗത്ത് മണ്ണില്‍ പുതഞ്ഞ നിലയിലായിരുന്നു മൃതദേഹങ്ങള്‍. മലയില്‍ മുക്കാല്‍ കിലോമീറ്ററോളം ദൂരത്തില്‍ ഉരുള്‍പൊട്ടിയിട്ടുണ്ട്. മണ്ണും പാറയും വെള്ളവും കുത്തിയൊലിച്ചതിനാല്‍ മലമുകളിലേക്ക് എത്താന്‍ രക്ഷാപ്രവര്‍ത്തകര്‍ പ്രയാസപ്പെടുകയാണ്. ഇവിടേക്കുള്ള വഴികളും മണ്ണുവീണു മൂടിയിട്ടുണ്ട്.
മലപ്പുറം ജില്ലയില്‍ അഞ്ചിടത്തും കോഴിക്കോട് മൂന്നിടത്തുമാണ് ഉരുള്‍പൊട്ടിയത്. താമരശേരിയില്‍ ഒരാളെ കാണാതായി. കൊച്ചിധനുഷ്‌കോടി ദേശീയപാതയിലും വയനാട് ചുരത്തിലും ഗതാഗതം തടസ്സപ്പെട്ടു. മലമ്പുഴ അണക്കെട്ടിനു സമീപം ഉരുള്‍പൊട്ടിയതിനു പിന്നാലെ കുടുംബങ്ങളെ മാറ്റിപ്പാര്‍പ്പിച്ചു.
ഇടുക്കി, വയനാട്, കോഴിക്കോട് ജില്ലകളില്‍ സൈന്യത്തിന്റെ സേവനം തേടി. ദേശീയ ദുരന്തനിവാരണസേന കോഴിക്കോട്ടേക്കു തിരിച്ചു. റവന്യുമന്ത്രി അടിയന്തര യോഗം വിളിച്ചു.

Other News

  • കാസര്‍കോട്ട് രണ്ട് യൂത്ത് കോണ്‍ഗ്രസ് പ്രവര്‍ത്തകരെ വെട്ടിക്കൊന്നു; തിങ്കളാഴ്ച കേരളത്തില്‍ ഹര്‍ത്താല്‍
  • പുല്‍വാമയില്‍ വീരചരമമടഞ്ഞ മലയാളി സൈനികന്‍ വി.വി വസന്തകുമാറിന്റെ വീട്ടില്‍ മുഖ്യമന്ത്രി പിണറായി വിജയന്‍ ബുധനാഴ്ച സന്ദര്‍ശനം നടത്തും
  • കൊട്ടിയൂർ പീഡനം: ഫാ. റോബിൻ വടക്കുംചേരിക്ക്​ 20 വർഷം കഠിന തടവ്​
  • ആലുവയിൽ ഡോക്​ടറെ ബന്ദിയാക്കി വൻ കവർച്ച
  • കൊട്ടിയൂർ പീഡനം: കോടതി വിധി സ്വാഗതം ചെയ്ത് മാനന്തവാടി രൂപത
  • ഭീകരാക്രമണത്തില്‍ വീരമൃത്യു വരിച്ച ജവന്മാരില്‍ വയനാട് സ്വദേശിയായ മലയാളിയും
  • അമ്പതു കോടി രൂപ നഷ്ടപരിഹാരം ആവശ്യപ്പെട്ട് നടന്‍ മോഹന്‍ലാല്‍ കേരള ഖാദി ബോര്‍ഡിന് വക്കീല്‍ നോട്ടീസ് അയച്ചു
  • പെണ്‍കുട്ടിയ പീഡിപ്പിച്ച് മുങ്ങിയ ഇമാം മുന്‍കൂര്‍ ജാമ്യം തേടി ഹൈക്കോടതിയെ സമീപിച്ചു; കള്ളക്കേസില്‍ കുടുക്കിയതാണെന്ന് വിശദീകരണം
  • എസ് രാജേന്ദ്രന്‍ എംഎല്‍എയെ സിപിഎം ജില്ലാ കമ്മിറ്റി ശാസിച്ചു
  • ലോക്‌സഭാ തെരഞ്ഞെടുപ്പ്; കുമ്മനം, സുരേഷ് ഗോപി, കെ .സുരേന്ദ്രന്‍ തുടങ്ങിയവരെ രംഗത്തിറക്കാന്‍ ബി.ജെ.പി നീക്കം
  • മൂന്നാറിലെ വിവാദ നിര്‍മാണത്തിന് ഹൈക്കോടതിയുടെ സ്റ്റേ; എംഎല്‍എ അടക്കമുള്ളവരെ എതിര്‍കക്ഷികളാക്കി ഹര്‍ജി
  • Write A Comment

     
    Reload Image
    Add code here