ബിഷപ് ഫ്രാങ്കോ മുളക്കലിനോട് സെപ്റ്റംബര്‍ 19 ന് അന്വേഷണ സംഘത്തിനു മുമ്പാകെ ഹാജരാകാന്‍ ആവശ്യപ്പെട്ടു

Wed,Sep 12,2018


കൊച്ചി: കന്യാസ്ത്രീയെ ലൈംഗികമായി പീഢിപ്പിച്ചുവെന്ന കേസില്‍ ആരോപണ വിധേയനായ ജലന്തര്‍ ബിഷപ് ഫ്രാങ്കോ മുളക്കലിനോട് സെപ്റ്റംബര്‍ 19 ന് അന്വേഷണ സംഘത്തിന്റെ മുമ്പാകെ ഹാജരാകാന്‍ ആവശ്യപ്പെട്ടു. ബിഷപ്പിനെതിരേ നടപടി വേണമെന്ന മുറവളി ശക്തി പ്രാപിക്കുകയും, കൊച്ചിയില്‍ കന്യാസ്ത്രീകള്‍ പ്രതിഷേധ സമരം നടത്തുകയും ചെയ്യുന്ന പശ്ചാത്തലത്തിലാണ് കേരള പോലീസിന്റെ നടപടി ഉണ്ടായിരിക്കുന്നത്. കേസിന്റെ പുരോഗതി വിലയിരുത്താന്‍ ചേര്‍ന്ന യോഗത്തിനു ശേഷം ഐജി വിജയ് സാഖറെ ആണ് ബിഷപ്പിനോട് ഹാജരാകാന്‍ ആവശ്യപ്പെട്ട കാര്യം വെളിപ്പെടുത്തിയത്.
പരാതിക്കാരിയുടെയും, ആരോപണ വിധേയന്റെയും, സക്ഷികളുടെയും മൊഴികളില്‍ വൈരുദ്ധ്യങ്ങളുണ്ടെന്നും, ഇവ പരിഹരിക്കുന്നതിനുള്ള പോംവഴികള്‍ കണ്ടെത്തിയതായും ഐജി പറഞ്ഞു. ഏറ്റുമാനൂരില്‍ ഹൈടെക് സംവിധാനമുള്ള കേന്ദ്രത്തില്‍ വച്ചാവും ബിഷപ്പിനെ ചോദ്യം ചെയ്യുകയെന്ന് സൂചനയുണ്ട്.
അന്വേഷണം മന്ദഗതിയാലാണ് നീങ്ങുന്നതെന്ന ആരോപണം ഐജി തള്ളിക്കളഞ്ഞു. അന്വേഷണം ഓരോ ദിവസവും പുരോഗമിച്ചു വരികയാണ്. ഇതുവരെയുള്ള അന്വേഷണ പുരോഗതിയെപ്പറ്റി വ്യാഴാഴ്ച കോടതിയില്‍ സത്യവാങ്മൂലം സമര്‍പ്പിക്കുന്നതാണെന്നും അദ്ദേഹം കൂട്ടിച്ചേര്‍ത്തു.
കേസിനാസ്പദമായ സംഭവം നടന്നിട്ട് കാലമേറെയായതു കൊണ്ട് ശാസ്ത്രീയ - സാങ്കേതിക തെളിവുകള്‍ കണ്ടെത്താന്‍ ഈ കേസില്‍ ബുദ്ധിമുട്ടുണ്ട്. വായ് മൊഴിയായുള്ള കാര്യങ്ങള്‍ ആസ്പദമാക്കിയാണ് ഇപ്പോള്‍ മുന്നോട്ടു പോകുന്നത്. മൊഴികളിലെ വൈരുദ്ധ്യങ്ങള്‍ പരിഹരിച്ചു പോയില്ലെങ്കില്‍ ശക്തമായ ചാര്‍ജ് ഷീറ്റ് ഫയല്‍ ചെയ്യാന്‍ പറ്റാത്ത സാഹചര്യമുണ്ടാകും. ഈ പ്രതിസന്ധി പരിഹരിക്കാനാണ് ഇപ്പോള്‍ പരിശ്രമിക്കുന്നതെന്ന് ഐജി പറഞ്ഞു. അന്വേഷണ സംഘം ഓഗസ്റ്റില്‍ ജലന്തറിലെത്തി ബിഷപ്പിനെ ചോദ്യം ചെയ്തിരുന്നു.

Other News

  • മനുഷ്യക്കടത്ത് കേസ് : മുനമ്പത്ത് നിന്ന് സ്വിറ്റ്‌സര്‍ലാന്‍ഡിലേക്ക് പുറപ്പെട്ട ബോട്ടില്‍ മലയാളികളില്ലെന്ന് പൊലീസ്
  • ലോക്‌സഭാ തെരഞ്ഞെടുപ്പില്‍ യുഡിഎഫിനു സര്‍വനാശം സംഭവിക്കുമെന്ന് വെള്ളാപ്പള്ളി
  • ' ഞാന്‍ എഴുതുന്നത് എന്റെ പച്ചയായ ജീവിതം' : എച്ചുമുക്കുട്ടി; സാമൂഹിക മാധ്യമ വിചാരണകളോട് എഴുത്തുകാരി പ്രതികരിക്കുന്നു
  • കേരളത്തില്‍ കഴിഞ്ഞ വര്‍ഷം കാണാതായത് 12453 പേരെ; ഇവരില്‍ 11761 പേരെ കണ്ടെത്തി
  • കണ്ണൂർ വിമാനത്താവളത്തിൽനിന്ന് കൂടുതൽ അന്താരാഷ്ട്ര, ആഭ്യന്തര സർവീസ് ആരംഭിക്കും;എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി: വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി
  • അധോലോക നായകന്‍ രവി പൂജാര വീണ്ടും ഭീഷണിപ്പെടുത്തുന്നുവെന്ന് നടി ലീന മരിയ പോള്‍
  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • Write A Comment

     
    Reload Image
    Add code here