ടിപി വധക്കേസ് പ്രതി കിര്‍മാണി മനോജ് വിവാഹം കഴിച്ചത് തന്റെ ഭാര്യയെ ആണെന്ന് അവകാശപ്പെട്ട് പ്രവാസി മലയാളി പോലീസിനെ സമീപിച്ചു

Thu,Sep 13,2018


കോഴിക്കോട്: ടി.പി.വധക്കേസില്‍ കണ്ണൂര്‍ സെന്‍ട്രല്‍ ജയിലില്‍ ശിക്ഷ അനുഭവിക്കുന്ന പ്രതി കിര്‍മാണി മനോജ് വിവാഹം കഴിച്ചത് തന്റെ ഭാര്യയെ ആണെന്ന് അവകാശപ്പെട്ട് പ്രവാസി മലയാളി പൊലീസില്‍ പരാതി നല്‍കി.
ബഹ്‌റിനില്‍ ജോലിചെയ്യുന്ന വടകര സ്വദേശിയാണ് കിര്‍മ്മാണിക്കെതിരെ പരാതിയുമായി വടകര ഡിവൈ.എസ്.പിക്കു മുന്നിലെത്തിയത്.
ബുധനാഴ്ചയായിരുന്നു കിര്‍മാണി മനോജിന്റെ വിവാഹം. ഭാര്യ മൂന്നുമാസം മുന്‍പ് വീടു വിട്ടിറങ്ങിയതാണെന്നും തന്റെ രണ്ടുമക്കളെയും അന്ന് അവര്‍ കൂട്ടിക്കൊണ്ടു പോയതായും പരാതിയില്‍ പറയുന്നു. തങ്ങളുടെ വിവാഹബന്ധം നിയമപരമായി വേര്‍പെടുത്താതെയാണ് കിര്‍മ്മാണിയുമായുള്ള വിവാഹമെന്നും ഇയാള്‍ ആരോപിക്കുന്നു.
മറ്റൊരാളെ വിവാഹം ചെയ്ത ഭാര്യയില്‍ നിന്നും നിയമപരമായ വിവാഹമോചനം വേണമെന്നും തന്റെ കുട്ടികളെ വിട്ടുകിട്ടണമെന്നും ഇയാള്‍ പൊലീസിനു നല്‍കിയ മൊഴിയില്‍ പറയുന്നു. ഭാര്യയ്ക്കൊപ്പം എട്ടും അഞ്ചും വയസുള്ള മക്കളുണ്ട്. അവരെ തനിക്കു വിട്ടു നല്‍കണമെന്നും ഇയാള്‍ വടകര പലീസിനു നല്‍കിയ മൊഴിയില്‍ ആവശ്യപ്പെട്ടു.
ടി.പി കൊലക്കേസിലെ പ്രിയായി വിയ്യൂര്‍ സെന്‍ട്രല്‍ ജയിലില്‍ ജീവപര്യന്തം തടവില്‍ കഴിയുന്ന മനോജ് 11 ദിവസത്തെ പരോളില്‍ ഇറങ്ങിയാണ് വിവാഹം കഴിച്ചത്. മാഹി പന്തലയ്ക്കല്‍ സ്വദേശിയാണ് മനോജ് കുമാര്‍ എന്ന കിര്‍മ്മാണി.
പുതുച്ചേരി സിന്ധാന്തന്‍ കോവിലായിരുന്നു കിമ്മാണിയുടെ വിവാഹം. വിവാദം ഭയന്ന് പാര്‍ട്ടി പ്രവര്‍ത്തകരെ ഒഴിവാക്കി അടുത്ത ബന്ധുക്കള്‍ മാത്രമാണ് കല്ല്യാണത്തില്‍ പങ്കെടുത്തിരുന്നത്.
അടുത്തിടെ കേസിലെ മറ്റൊരു പ്രതിയായ മുഹമ്മദ് ഷാഫിയുടെ വിവാഹത്തിന് തലശേരി എം.എല്‍.എ എ.എന്‍ ഷംസീര്‍ ഉള്‍പ്പെടെയുള്ള സി.പി.എം നേതാക്കള്‍ പങ്കെടുത്തിരുന്നു. ഇതു വന്‍വിവാദമുണ്ടാക്കിയ പശ്ചാത്തലത്തിലാണ് കിര്‍മ്മാണ് വിവാഹം പുതുച്ചേരിയിലേക്ക് മാറ്റിയതെന്നാണ് വിവരം. എതായാലും വിദേശ മലയാളിയുടെ പരാതി അന്വേഷിക്കാനാണ് പൊലീസിന്റെ തീരുമാനം.

Other News

  • മനുഷ്യക്കടത്ത് കേസ് : മുനമ്പത്ത് നിന്ന് സ്വിറ്റ്‌സര്‍ലാന്‍ഡിലേക്ക് പുറപ്പെട്ട ബോട്ടില്‍ മലയാളികളില്ലെന്ന് പൊലീസ്
  • ലോക്‌സഭാ തെരഞ്ഞെടുപ്പില്‍ യുഡിഎഫിനു സര്‍വനാശം സംഭവിക്കുമെന്ന് വെള്ളാപ്പള്ളി
  • ' ഞാന്‍ എഴുതുന്നത് എന്റെ പച്ചയായ ജീവിതം' : എച്ചുമുക്കുട്ടി; സാമൂഹിക മാധ്യമ വിചാരണകളോട് എഴുത്തുകാരി പ്രതികരിക്കുന്നു
  • കേരളത്തില്‍ കഴിഞ്ഞ വര്‍ഷം കാണാതായത് 12453 പേരെ; ഇവരില്‍ 11761 പേരെ കണ്ടെത്തി
  • കണ്ണൂർ വിമാനത്താവളത്തിൽനിന്ന് കൂടുതൽ അന്താരാഷ്ട്ര, ആഭ്യന്തര സർവീസ് ആരംഭിക്കും;എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി: വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി
  • അധോലോക നായകന്‍ രവി പൂജാര വീണ്ടും ഭീഷണിപ്പെടുത്തുന്നുവെന്ന് നടി ലീന മരിയ പോള്‍
  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • Write A Comment

     
    Reload Image
    Add code here