ശബരിമല സ്ത്രീപ്രവേശനത്തിനായുള്ള പ്രക്ഷോഭങ്ങള്‍ വര്‍ഗീയ മുതലെടുപ്പിന് ; വിധിക്കെതിരെ എസ.എന്‍.ഡി.പി കോടതിയെ സമീപിക്കില്ല: വെള്ളാപ്പള്ളി

Tue,Oct 09,2018


ആലപ്പുഴ : ശബരിമല സ്ത്രീപ്രവേശനത്തിനായുള്ള പ്രക്ഷോഭങ്ങള്‍ വര്‍ഗീയ മുതലെടുപ്പ് ലക്ഷ്യം വെച്ചുള്ളതാണെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍.
തെരുവുയുദ്ധംകൊണ്ടല്ല കോടതിവിധിയെ മറികടക്കേണ്ടതെന്നും താല്‍പര്യമില്ലാത്തവര്‍ ശബരിമലയ്ക്കു പോകാതിരിക്കുകയാണ് വേണ്ടതെന്നും വെള്ളാപ്പള്ളി പറഞ്ഞു.
കോടതി വിധിക്കെതിരായ സമരത്തെ എസ്.എന്‍.ഡി.പി ഒരുതരത്തിലും പിന്തുണയ്ക്കില്ലെന്നും വെള്ളാപ്പള്ളി വ്യക്തമാക്കി.
ഹിന്ദുത്വം പറഞ്ഞു കലാപം നടത്തുന്നവരെ കരുതിയിരിക്കണം എന്ന വാക്കുകളോടെയാണ് വെള്ളാപ്പള്ളി നടേശന്‍ നിലപാട് തെളിച്ചുപറഞ്ഞത്.
എല്ലാ പ്രായത്തിലുള്ള സ്ത്രീകള്‍ക്കും പ്രവേശനം അനുവദിച്ചതിനെതിരേയുള്ള സമരത്തെ പിന്തുണയ്ക്കുന്നില്ല. ആ വിധി അംഗീകരിക്കാന്‍ കഴിയാത്തവര്‍ വിട്ടുനില്‍ക്കുകയാണ് വേണ്ടത്.
സമരംകൊണ്ടല്ല കര്‍മ്മംകൊണ്ടാണ് വിശ്വാസം തെളിയിക്കേണ്ടത്. തെരുവുയുദ്ധം ഒന്നിനും പരിഹാരമല്ല. വിഷയത്തില്‍ എന്‍.എസ്.എസ് തുടക്കം മുതല്‍ സ്വീകരിച്ചിരിക്കുന്ന നിലപാട് അംഗീകരിക്കാനാവില്ലെന്ന് വെള്ളാപ്പള്ളി പറഞ്ഞു.
കോണ്‍ഗ്രസ് കാര്യം മനസ്സിലാക്കി പ്രത്യക്ഷ സമരത്തില്‍ നിന്നു പിന്മാറിയെന്ന് പറഞ്ഞ വെള്ളാപ്പള്ളി ബിജെപി വോട്ട് കിട്ടാന്‍ രാഷ്ട്രീയം കളിക്കുകയാണെന്ന് ആരോപിച്ചു. ഇപ്പോള്‍ നടക്കുന്നത് സര്‍ക്കാരിന് എതിരായ ഗൂഢാലോചനയാണ്. ആവശ്യമെങ്കില്‍ സമരത്തിന് എതിരേ പ്രചാരണത്തിനും എസ്എന്‍ഡിപി യോഗം മുന്നിട്ടിറങ്ങുമെന്നും അദ്ദേഹം പറഞ്ഞു.
ദേവസ്വം ബോര്‍ഡ് പ്രസിഡന്റ് എ പത്മകുമാറിനെതിരെയും രൂക്ഷ വിമര്‍ശനമാണ് വെള്ളാപ്പള്ളി ഉയര്‍ത്തിയത്.
ദേവസ്വം ബോര്‍ഡ് പ്രസിഡന്റിന് നിലവാരവും നിലപാടുമില്ല. എരിതീയില്‍ എണ്ണയൊഴിച്ചത് ദേവസ്വം ബോര്‍ഡ് പ്രസിഡന്റാണ്. ആ സ്ഥാനത്ത് ഇരിക്കാന്‍ പത്മകുമാര്‍ യോഗ്യനല്ലെന്നും വെള്ളാപ്പള്ളി പറഞ്ഞു. പുന:പരിശോധനാ ഹര്‍ജി പരിഗണിക്കുന്നത് വരെ കാത്തിരിക്കുകയാണ് പ്രതിഷേധമുള്ളവര്‍ ചെയ്യേണ്ടതെന്നും വെള്ളാപ്പള്ളി പറഞ്ഞു.

Other News

  • മുല്ലപ്പെരിയാറില്‍ കേരളത്തിനു പുതിയ അണക്കെട്ടാനുള്ള വിവര ശേഖരണത്തിന് തമിഴ്നാടിന്റെ അനുമതി ആവശ്യമില്ലെന്ന് കേന്ദ്രം
  • പിഎസ് സി വഴി 500 കണ്ടക്ടര്‍മാരെ നിയമിക്കാന്‍ കെഎസ്ആര്‍ടിസി അഡൈ്വസ് മെമ്മോ അയച്ചു; 250 പേര്‍ക്ക് ഉടന്‍ നിയമനം: എംഡി ടോമിന്‍ ജെ തച്ചങ്കരി
  • കെഎസ്ആര്‍ടിസിയിലെ കൂട്ടപ്പിരിച്ചുവിടല്‍: 980 ഓളം സര്‍വീസുകള്‍ മുടങ്ങി; യാത്രാദുരിതം വ്യാപകം
  • ബ്യൂട്ടി പാര്‍ലറിലെ വെടിവയ്പ്പ് : ഉടമയും നടിയുമായ ലീന മരിയ പോള്‍ പോലീസ് സംരംക്ഷണം ആവശ്യപ്പെട്ട് ഹൈക്കോടതിയെ സമീപിച്ചു
  • വനിതാ മതില്‍ സംഘടിപ്പിക്കുന്നതില്‍ എന്താണ് കുഴപ്പമെന്ന് ഹൈക്കോടതി
  • തടസങ്ങള്‍ നീങ്ങി; ട്രാന്‍സ്‌ജെന്‍ഡറുകള്‍ ശബരിമല ദര്‍ശനം നടത്തി
  • ലോക്‌സഭ തെരഞ്ഞെടുപ്പില്‍ വേണ്ടിവന്നാല്‍ എന്‍.എസ്.എസ് സമദൂര സിദ്ധാന്തം ഉപേക്ഷിക്കുമെന്ന് ജി. സുകുമാരന്‍ നായര്‍
  • കോടതി പിടിമുറുക്കി: മുഴുവന്‍ എംപാലല്‍ ജീവനക്കാരെയും കെഎസ്ആര്‍ടിസി പിരിച്ചു വിട്ടു; 4071 ജീവനക്കാര്‍ പെരുവഴിയിലായി
  • ജാമ്യവ്യവസ്ഥകള്‍ ലംഘിച്ചു; രാഹുല്‍ ഈശ്വര്‍ വീണ്ടും അറസ്റ്റില്‍
  • മഞ്ജുവാര്യരെ കണ്ടല്ല വനിത മതില്‍ സംഘടിപ്പിക്കുന്നതെന്ന് എം എം മണിയും മെഴ്‌സിക്കുട്ടിയമ്മയും
  • കൊച്ചി ബ്യൂട്ടി പാര്‍ലറിലെ വെടിവെപ്പ്; ലീന മരിയ പോളിനെ നാളെ പോലീസ് ചോദ്യം ചെയ്യും; അക്രമികള്‍ ഉപയോഗിച്ചത് പക്ഷികളെ വെടിവയ്ക്കാന്‍ ഉപയോഗിക്കുന്ന എയര്‍ പിസ്റ്റല്‍
  • Write A Comment

     
    Reload Image
    Add code here