പ്രളയക്കെടുതി; കേരളത്തിന് 3048 കോടി രൂപയുടെ കേന്ദ്ര സഹായം അനുവദിച്ചു, നേരത്തെ അനുവദിച്ച 600 കോടി രൂപയ്ക്കു പുറമേയുള്ള കൈത്താങ്ങ്

Thu,Dec 06,2018


ന്യൂഡല്‍ഹി: പ്രളയ ദുരിതാശ്വാസത്തിന് കേന്ദ്രം കേരളത്തിന് 3048. 39 കോടി രൂപയുടെ സഹായം കൂടി അനുവദിച്ചു. ദേശീയ ദുരന്ത നിവാരണ ഫണ്ടില്‍ നിന്നാണ് തുക അനുവദിച്ചത്. നേരെത്തെ അനുവദിച്ച അടിയന്തിര സഹായമായ 600 കോടിക്ക് പുറമെയാണിത്.
കേന്ദ്ര ആഭ്യന്തര മന്ത്രി രാജ്‌നാഥ് സിംഗിന്റെ അധ്യക്ഷതയില്‍ ചേര്‍ന്ന യോഗത്തിലാണ് കേരളത്തിന് കൂടുതല്‍ സഹായം അനുവദിക്കാന്‍ തീരുമാനമായത്. പുനരധിവാസത്തിനും പുനര്‍നിര്‍മാണത്തിനുമായാണ് തുക അനുവദിച്ചിരിക്കുന്നത്. കേരളം 4700 കോടി രൂപയായിരുന്നു കേന്ദ്രത്തോട് ആവശ്യപ്പെട്ടിരുന്നത്.
കേരളത്തിലെ പ്രളയാനന്തര പുനര്‍നിര്‍മാണത്തിനും പുനരധിവാസത്തിനും മുപ്പത്തിയൊന്നായിരം കോടിയിലധികം രൂപ വേണ്ടിവരുമെന്നാണ് സംസ്ഥാന സര്‍ക്കാരിന്റെ കണക്ക്. കേന്ദ്ര സര്‍ക്കാര്‍ ഇപ്പോള്‍ അനുവദിച്ച തുകയും കേരളം സമാഹരിച്ച തുകയും ചേര്‍ത്താല്‍ ഏതാണ്ട് പതിനായിരം കോടി രൂപയ്ക്കടുത്ത് മാത്രമാണ് ഇതുവരെ ലഭിച്ചത്. ബാക്കി തുക ഇനിയും കണ്ടെത്തണം.
വിഭവ സമാഹരണത്തിന് സംസ്ഥാന മന്ത്രിമാര്‍ക്ക് വിദേശ രാജ്യങ്ങളില്‍ പോകാന്‍ കേന്ദ്ര സര്‍ക്കാര്‍ അനുമതി നല്‍കുന്നില്ലെന്ന വിമര്‍ശനം മുഖ്യമന്ത്രി പിണറായി വിജയന്‍ വീണ്ടും ഉന്നയിച്ചിട്ടുണ്ട്. കേന്ദ്ര സഹായത്തിന് പുറമെ വിഭവ സമാഹരണത്തിന് വേണ്ട സഹകരണം കൂടി ലഭിച്ചാലെ കേരളത്തിന്റെ പുനര്‍നിര്‍മാണം പൂര്‍ത്തിയാക്കാനാകുവെന്നാണ് നിഗമനം.

Other News

  • ഫലപ്രഖ്യാപനം: കേരളത്തില്‍ അക്രമ സാധ്യതയെന്ന് ഇന്റലിജെന്‍സ് റിപ്പോര്‍ട്ട് ; കനത്ത സുരക്ഷ ഏര്‍പ്പെടുത്തി
  • ആളുമാറി ശസ്ത്രക്രിയ: ആരോപണ വിധേയനായ ഡോക്ടര്‍ക്ക് സസ്‌പെന്‍ഷന്‍; സംഭവത്തെക്കുറിച്ച് അന്വേഷിക്കും
  • വോട്ടെണ്ണല്‍ ഒരുക്കങ്ങള്‍ പൂര്‍ത്തിയായി; വോട്ടെണ്ണല്‍ കേന്ദ്രങ്ങളില്‍ കേരള പൊലീസിനെ പ്രവേശിപ്പിക്കില്ല: മുഖ്യതെരഞ്ഞെടുപ്പ് ഓഫീസര്‍ ടിക്കാറാം മീണ
  • തിരുവനന്തപുരം നഗരത്തിലെ വ്യാപാര സ്ഥാപനത്തില്‍ വന്‍ അഗ്നി ബാധ
  • തിരുവനന്തപുരം -കാസര്‍കോട് അതിവേഗ റെയില്‍ പാതയുടെ നിര്‍മ്മാണം 2020ല്‍ ആരംഭിക്കും
  • സംസ്ഥാനത്ത് പ്രളയ പുനരധിവാസത്തിന് നെതര്‍ലാന്‍ഡ് മാതൃക പരിഗണിക്കുമെന്ന് മുഖ്യമന്ത്രി പിണറായി വിജയന്‍
  • വടകരയിലെ സ്വതന്ത്ര സ്ഥാനാര്‍ത്ഥിക്ക് വെട്ടേറ്റ സംഭവം: അക്രമി സംഘത്തില്‍ മൂന്നുപേരെന്ന് മൊഴി
  • സീറോ മലബാര്‍ ഭൂമി വിവാദം: കര്‍ദ്ദിനാളിനെതിരെ വ്യാജരേഖയുണ്ടാക്കിയത് വൈദികന്റെ നിര്‍ദ്ദേശ പ്രകാരമെന്ന് അറസ്റ്റിലായ ആദിത്യന്‍
  • തെരഞ്ഞെടുപ്പ് ഫലത്തിന്റെ ഔദ്യോഗിക പ്രഖ്യാപനം പത്തുമണിക്കൂറെങ്കിലും വൈകും
  • ബൂത്തില്‍ വോട്ടുപിടിത്തം: ചട്ടം ലംഘിച്ച രാജ് മോഹന്‍ ഉണ്ണിത്താനെതിരെ എല്‍ഡിഎഫ് പരാതി നല്‍കി
  • കള്ളവോട്ട് നടന്ന കേരളത്തിലെ ഏഴു ബൂത്തുകളില്‍ വോട്ടിംഗ് പുരോഗമിക്കുന്നു
  • Write A Comment

     
    Reload Image
    Add code here