അക്രമത്തിന്റെ പേരില്‍ കേന്ദ്രം ആദ്യം പിരിച്ചുവിടേണ്ടത് യുപിയിലെ സര്‍ക്കാരിനെയെന്ന് കോടിയേരി

Mon,Jan 07,2019


തിരുവനന്തപുരം: കേരളത്തിന്റെ ക്രമസമാധാനം തകര്‍ന്നുവെന്ന് ആരോപിച്ച് സര്‍ക്കാരിന് പിരിച്ചുവിട്ട് രാഷ്ട്രപതി ഭരണം ഏര്‍പ്പെടുത്തണമെന്ന് ആവശ്യപ്പെടുന്നവര്‍ ആദ്യം പിരിച്ചുവിടേണ്ടത് ഉത്തര്‍പ്രദേശിലെ യോഗി ആദിത്യനാഥിന്റെ സര്‍ക്കാരിനെയാണെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്‍.
ഇന്ത്യയില്‍ ഏറ്റവും മധികം സര്‍ക്കാര്‍ സ്‌പോണ്‍സേര്‍ഡ് കൊലപതകങ്ങളും വര്‍ഗീയ ലഹളകളും നടക്കുന്ന സംസ്ഥാനം ബിജെപി ഭരിക്കുന്ന ഉത്തര്‍പ്രദേശാണെന്നും കോടിയേരി ചൂണ്ടിക്കാട്ടി. ശബരിമലയെ ചൊല്ലി ഹര്‍ത്താല്‍ നടത്തിയ സംഘപരിവാര്‍ അക്രമങ്ങളുടെ ഉത്തരവാദിത്തം ആരോപിച്ച് പിണറായി സര്‍ക്കാരിനെ പിരിച്ച് വിട്ട് രാഷ്ട്രപതി ഭരണം ഏര്‍പ്പെടുത്തണമെന്ന് ബിജെപി എംപി നിഷികാന്ദ് ഡുബെ ലോക് സഭയില്‍ ആവശ്യമുന്നയിച്ചതിനെക്കുറിച്ച് പ്രതികരിക്കുകയായിരുന്നു കോടിയേരി.
കേരളത്തില്‍ അക്രമങ്ങള്‍ തുടങ്ങുന്നതും തുടരുന്നതും ആര്‍എസ്എസ് ആണ്. ഇവിടെ അക്രമവും കൊലപാതകവും നടത്തിയതിനുശേഷം ക്രമസമാധാനം തകര്‍ന്നുവെന്ന് വരുത്തി തീര്‍ക്കാന്‍ ബിജെപിയും ആര്‍എസ്എസും നടത്തുന്ന നാടകമാണ് നടക്കുന്നത്.
ഇത് കേരളത്തിലെ ജനങ്ങള്‍ അംഗീകരിക്കില്ല. അക്രമങ്ങളിലൂടെ ബിജെപി ഓരോ ദിവസവും ഒറ്റപ്പെട്ടുകൊണ്ടിരിക്കുകയാണ്. കോടിയേരി പറഞ്ഞു. കേന്ദ്ര സര്‍ക്കാര്‍ തിങ്കളാഴ്ച തീരുമാനിച്ച മുന്നോക്ക സംവരണ തീരുമാനം വര്‍ഷങ്ങള്‍ക്കുമുമ്പേ സിപിഎം മുന്നോട്ടുവെച്ച ആവശ്യമാണ്.
മുന്നോക്കക്കാര്‍ക്കിടയിലെ പിന്നോക്കക്കാര്‍ക്ക് സംവരണം വേണമെന്നാണ് സിപിഎം ആവശ്യം . ഇത് പുതിയ കാര്യമല്ല. എന്നാല്‍ ഇങ്ങനെ സംവരണം നടപ്പാക്കുമ്പോള്‍ നിലവില്‍ പിന്നോക്ക വിഭാഗങ്ങള്‍ക്കു ലഭിച്ചുകൊണ്ടിരിക്കുന്ന സംവരണത്തില്‍ ഒരു കുറവും വരാന്‍ പാടില്ല എന്നാണ് സിപിഎം നയം.
ഇപ്പോള്‍ കേന്ദ്രം നടപ്പാക്കുമെന്നു പറയുന്ന സംവരണം ഏതു രീതിയിലുള്ളതാണെന്ന് വ്യക്തമല്ല. ഇത് തെരഞ്ഞെടുപ്പ് മുന്നില്‍ കണ്ടുള്ള പ്രഖ്യാപനമായി മാറുമെന്നും കോടിയേരി പറഞ്ഞു.

Other News

  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • ആലപ്പാട്ടെ കരിമണല്‍ ഖനനത്തിനെതിരെ വിഎസ് അച്യുതാനന്ദന്‍
  • ജീവന് ഭീഷണി: സുരക്ഷ വേണമെന്നാവശ്യപ്പെട്ട് കനകദുര്‍ഗയും ബിന്ദുവും സുപ്രീം കോടതിയെ സമീപിച്ചു
  • കെപിസിസി സെക്രട്ടറി എംകെ അബ്ദുല്‍ഗഫൂര്‍ ഹാജി അന്തരിച്ചു
  • മുന്‍കൂര്‍ നോട്ടീസ് സമരം നടത്താനുള്ള അവകാശമല്ല; കെ.എസ്.ആര്‍.ടി.സി ജീവനക്കാര്‍ നടത്താനിരുന്ന അനിശ്ചിതകാല പണിമുടക്ക് ഹൈക്കോടതി തടഞ്ഞു
  • ശബരിമലയില്‍ ദര്‍ശനത്തിനെത്തുന്ന യുവതികളെതടയുന്നത് ഗുണ്ടായിസം : മന്ത്രി കടകംപള്ളി സുരേന്ദ്രന്‍
  • ശബരിമല സന്നിധാനത്തേക്കു പോയ രണ്ട് യുവതികളെ പോലീസ് ബലം പ്രയോഗിച്ച് തിരിച്ചിറക്കി
  • Write A Comment

     
    Reload Image
    Add code here