പ്രസംഗത്തില്‍ സ്ത്രീകളുടെ കാലു വലിച്ചു കീറാന്‍ പറഞ്ഞു; പിന്നീട് കാലുപിടിച്ചു മാപ്പപേക്ഷിച്ചു; സ്ത്രീവിരുദ്ധ പ്രസംഗം നടത്തിയ നടന്‍ കൊല്ലം തുളസിക്ക് മുന്‍കൂര്‍ ജാമ്യമില്ല

Thu,Jan 10,2019


കൊച്ചി: ശബരിമലയിലെ യുവതീപ്രവേശ വിഷയത്തില്‍ സ്ത്രീകളെ അപമാനിക്കുന്ന രീതിയില്‍ പ്രസംഗിച്ച നടന്‍ കൊല്ലം തുളസിയുടെമുന്‍കൂര്‍ ജാമ്യാപേക്ഷ ഹൈക്കോടതി തള്ളി.
നടന്‍ അന്വേഷണ ഉദ്യോഗസ്ഥനുമുന്നില്‍ ഹാജരാകണമെന്നും കോടതി നിര്‍ദ്ദേശിച്ചു.
ശബരിമല പ്രവേശനം സംബന്ധിച്ച് സുപ്രീം കോടതി വിധിയെത്തുടര്‍ന്നു കൊല്ലം തുളസി നടത്തിയ സ്ത്രീവിരുദ്ധ പരാമര്‍ശം രാഷ്ട്രീയ പ്രസംഗം മാത്രമായി കാണാനാവില്ലെന്ന് ഹൈക്കോടതി വിലയിരുത്തി. വിധിക്കെതിരെ ജനങ്ങളെ സംഘടിപ്പിക്കാന്‍ ലക്ഷ്യമിട്ടുള്ള പരാമര്‍ശമായിരുന്നു നടന്റേത്.
ഡിവൈഎഫ്‌ഐ ചവറ ബ്ലോക്ക് കമ്മിറ്റിയുടെ പരാതിയെ തുടര്‍ന്ന് ചവറ പൊലീസാണ് മതസ്പര്‍ധ വളര്‍ത്തല്‍, മതവികാരം വ്രണപ്പെടുത്തല്‍, സ്ത്രീകളെ പൊതുസ്ഥലത്ത് അവഹേളിക്കല്‍ തുടങ്ങിയ വകുപ്പുകള്‍ ചുമത്തി കൊല്ലം തുളസിക്കെതിരെ കേസെടുത്തത്.
ഒക്ടോബര്‍ 12നു ചവറയില്‍ നടന്ന വിശ്വാസ സംരക്ഷണ ജാഥയുടെ ആമുഖ പ്രസംഗത്തില്‍ നടത്തിയ പരാമര്‍ശമാണു പരാതിക്ക് ആധാരം. അന്നത്തെ സാഹചര്യത്തില്‍ വികാരപരമായി പ്രസംഗിച്ചതാണെന്നും ഉടന്‍ മാപ്പു പറഞ്ഞെന്നും ആരെയും അവഹേളിക്കാന്‍ ഉദ്ദേശിച്ചിട്ടില്ലെന്നും കൊല്ലം തുളസി പിന്നീട് പറഞ്ഞിരുന്നു.
വനിതാ കമ്മിഷന്‍ നടപടിയെടുത്തതിനെത്തുടര്‍ന്ന് നടന്‍ കമ്മിഷനിലെത്തി മാപ്പപേക്ഷ നല്‍കിയിരുന്നു. തുടര്‍ന്നാണു നേരിട്ടെത്തി മാപ്പപേക്ഷ നല്‍കിയത്. പ്രസ്താവനയില്‍ ഖേദിക്കുന്നതായി കൊല്ലം തുളസി പിന്നീട് പറഞ്ഞു.
മാപ്പപേക്ഷ നല്‍കിയെങ്കിലും നടപടികളുമായി മുന്നോട്ടു പോകാനായിരുന്നു കമ്മിഷന്റെ തീരുമാനം. ശബരിമലയില്‍ ദര്‍ശനത്തിനെത്തുന്ന യുവതികളുടെ കാലില്‍ പിടിച്ചു വലിച്ചുകീറി ഒരു ഭാഗം മുഖ്യമന്ത്രി പിണറായി വിജയനും മറുഭാഗം വിധി പറഞ്ഞ ജഡ്ജിക്കും അയച്ചുകൊടുക്കണമെന്നായിരുന്നു നടന്റെ പ്രസ്താവന.

Other News

  • കെ.എം. മാണിയെ കൊച്ചിയിലെ ആശുപത്രിയില്‍ പ്രവേശിപ്പിച്ചു
  • മൃതദേഹം മാറി അയച്ച സംഭവം: മലയാളി യുവാവിന്റെ ജഢം ശ്രീലങ്കയില്‍ ഉണ്ടെന്ന് വിവരം ലഭിച്ചു
  • സസ്‌പെന്‍ഷനില്‍ കഴിയുന്ന ഡിജിപി ജേക്കബ് തോമസ് ട്വന്റി -20 മുന്നണി സ്ഥാനാര്‍ത്ഥിയായി ചാലക്കുടിയില്‍ മത്സരിക്കും
  • കേരളത്തിലെ സ്ഥാനാര്‍ത്ഥി പട്ടിക പ്രഖ്യാപിക്കാന്‍ കഴിയാതെ ബിജെപി നേതൃത്വം
  • കേരളത്തില്‍ ബിജെപി 14 സീറ്റിലും ബിഡിജെഎസ് അഞ്ച് സീറ്റിലും മത്സരിക്കും; കോട്ടയത്ത് പിസി തോമസ്
  • ഓച്ചിറയില്‍ 13 കാരിയെ തട്ടിക്കൊണ്ടുപോയത് ബെംഗളുരുവിലേക്കെന്ന് പോലീസ് ; പ്രതിയെ സംരക്ഷിക്കില്ലെന്ന് പിതാവ്
  • ബാങ്ക് അക്കൗണ്ടില്‍ നിന്ന് പണം നഷ്ടപ്പെട്ടാല്‍ നഷ്ടപരിഹാരം നല്‍കാനുള്ള ബാധ്യത ബാങ്കിനുണ്ടെന്ന് ഹൈക്കോടതി
  • കലാഭവന്‍ മണിയുടെ മരണം: ഏഴു പേരെ നുണപരിശോധനയ്ക്ക് വിധേയരാക്കുന്നു
  • കേരളത്തില്‍ ഒമ്പത് സിറ്റിംഗ് എം.എല്‍.എ മാര്‍ മത്സരത്തിന്; സംസ്ഥാനത്തെ ലോക്‌സഭാ തെരഞ്ഞെടുപ്പു ചരിത്രം തിരുത്തിക്കുറിക്കുന്നു, കാത്തിരിക്കുന്നത് അധിക സാമ്പത്തിക ബാധ്യത
  • മഹാരാഷ്ട്രയില്‍ പ്രതിപക്ഷ നേതാവും മുതിര്‍ന്ന കോണ്‍ഗ്രസ് നേതാവുമായ രാധാകൃഷ്ണ വിഖേ പാട്ടീല്‍ രാജിവെച്ചു; മകനു പിന്നാലെ ബിജെപിയിലേക്കെന്ന് സൂചന
  • വടകരയില്‍ കെ മുരളീധരന്‍ യുഡിഎഫ് സ്ഥാനാര്‍ത്ഥി; പോരാട്ടം പൊടിപാറും
  • Write A Comment

     
    Reload Image
    Add code here