മാറിക്കയറിയ വിമാനത്തില്‍ നിന്നും ചാടിയിറങ്ങി, യാത്രക്കാരന്‍ അറസ്റ്റില്‍

Sun,Mar 11,2018


ന്യൂയോര്‍ക്ക്:വിമാനത്തില്‍ മാറിക്കയറിയ യാത്രക്കാരന്‍ പാര്‍ക്കിംഗ് ബേയില്‍ സൃഷ്ടിച്ചത് വലിയ പ്രതിസന്ധി. ന്യൂജേഴ്‌സി ന്യൂവാര്‍ക്ക് ലിബര്‍ട്ടി ഇന്റര്‍നാഷണല്‍ എയര്‍പോര്‍ട്ടിലാണു സംഭവം. മൈക്രോനേഷ്യക്കാരനായ (പസഫിക്ക് സമുദ്രത്തിലെ ഒരു ദ്വീപസമൂഹം) ട്രോയ് ജി. ഫട്ട്യൂന്‍ എന്ന ഇരുപത്തഞ്ചുകാരനാണ് കഥയിലെ നായകന്‍. യുണൈറ്റഡ് എയര്‍ലൈന്‍സ് ഫ്‌ളൈറ്റ് 1640-ലാണ് ഇയാള്‍ തെറ്റായി കയറിയത്. അബദ്ധം മനസ്സിലാക്കിയ ഉടന്‍ തന്നെ എമര്‍ജന്‍സി വാതില്‍ ബലമായി തുറക്കുകയും അതിലൂടെ താഴേയ്ക്ക് നിരങ്ങി ഇറങ്ങി രക്ഷപ്പെടാനും ശ്രമിച്ചു. എമര്‍ജന്‍സി വാതില്‍ ശബ്ദത്തോടെ തുറക്കുകയും പുറത്തേക്കു ചാടാനുള്ള ബഹളവുമൊക്കെ കേട്ട സഹയാത്രക്കാര്‍ വിമാനം പൊട്ടിത്തെറിക്കുകയാണ് എന്നു കരുതി ഭയചകിതരായി നിലവിളിച്ചതോടെ കാബിന്‍ ക്രൂവും അങ്കലാപ്പിലായി. എന്തായാലും താഴെ എത്തിയ ഉടന്‍ തന്നെ കഥാനായകന്‍ പോലീസ് വലയിലായി. അതിക്രമിച്ചു കടക്കല്‍, ക്രിമിനില്‍ ട്രാന്‍സ്‌പോര്‍ട്ടേഷന്‍ തുടങ്ങിയ വകുപ്പുകളും ചാര്‍ത്തിയിട്ടുണ്ടെന്നു പോര്‍ട്ട് അഥോറിറ്റി വക്താവ് അറിയിച്ചു. ടാമ്പയിലേക്കു വിമാനമായിരുന്നു ഇത്. സംഭവത്തെത്തുടര്‍ന്ന് വിമാനം താമസിച്ചത് അഞ്ചു മണിക്കൂറോളമാണ്. വിമാനത്തിലുണ്ടായിരുന്ന യാത്രക്കാരെ പുറത്തിറക്കി മറ്റൊരു വിമാനത്തില്‍ കയറ്റി വിടേണ്ടിയും വന്നു. ട്രോയിയുടെ അസ്വാഭാവിക പെരുമാറ്റത്തെക്കുറിച്ചും പോലീസ് അന്വേഷിക്കുന്നുണ്ട്. എമര്‍ജന്‍സി വാതില്‍ ബലമായി തുറന്നു പുറത്തു ചാടിയതിനെക്കുറിച്ച് ഇയാള്‍ നല്‍കുന്ന വിശദീകരണത്തില്‍ അന്വേഷണ ഏജന്‍സികള്‍ തൃപ്തരല്ലെന്നാണ് റിപ്പോര്‍ട്ടുകള്‍.
ജോര്‍ജ് തുമ്പയില്‍

Other News

  • 552 കാരറ്റ്, മഞ്ഞനിറം, വലിപ്പമേറിയ പുതിയ വജ്രം കണ്ടെത്തി
  • ലക്‌സംബര്‍ഗില്‍ പൊതുഗതാഗതം സൗജന്യം
  • അതിവേഗം വളരുന്ന 20 നഗരങ്ങളില്‍ പതിനേഴും ഇന്ത്യയിലെന്ന് റിപ്പോര്‍ട്ട്
  • 5 കിലോമീറ്റര്‍ നീളം, ഇന്ത്യയിലെ ഏറ്റവും നീളമുള്ള റെയില്‍ റോഡ് പാലം ഡിസംബര്‍ 25ന് തുറന്നുകൊടുക്കും
  • ഇമറാത്തി ബാലികയുടെ ദു:ഖം മാറ്റാന്‍ ഭരണാധികാരി നേരിട്ടെത്തി
  • തിരൂരില്‍ 'ടിക് ടോക് ചലഞ്ച്' കാര്യമായി; സംഘര്‍ഷത്തില്‍ എട്ടുപേര്‍ക്ക് പരിക്ക്
  • അംബാനിയുടെ മകളുടെ വിവാഹ ചടങ്ങുകൾക്കായി ഉദയ്പുരിലെത്തുന്നത് 50 ചാര്‍ട്ടേര്‍ഡ് വിമാനങ്ങള്‍
  • ഇന്ത്യന്‍ തൊഴിലാളിക്ക് സൗദി കുടുംബത്തിന്റെ രാജകീയ യാത്രയയപ്പ്
  • നൈജീരിയന്‍ പ്രസിഡന്റ് മരിച്ചെന്നും ഡ്യൂപ്പാണ് ഭരണത്തിലെന്നും അഭ്യൂഹം; മരിച്ചിട്ടില്ലെന്ന് പ്രസിഡന്റ്
  • ചന്ദ്രനിലെ പാറക്കഷണങ്ങള്‍ വിറ്റത് എട്ടര ലക്ഷം ഡോളറിന്‌
  • കാട്ടുതീയില്‍ കത്തിയ സ്‌കൂളിലെ 980 കുട്ടികള്‍ക്ക് 1000 ഡോളര്‍ വീതം നല്‍കി തൊണ്ണൂറുകാരന്‍
  • Write A Comment

     
    Reload Image
    Add code here