വിരമിക്കുന്ന ചീഫ് ജസ്റ്റിസ് ദീപക് മിശ്രയ്ക്ക് ആശംസാഗാനവുമായി കോടതിക്കുള്ളില്‍ അഭിഭാഷകന്‍, നിര്‍ത്താനാവശ്യപ്പെട്ട് ദീപക് മിശ്ര

Tue,Oct 02,2018


ന്യൂഡല്‍ഹി:വിരമിക്കുന്ന സുപ്രീം കോടതി ചീഫ് ജസ്റ്റിസ് ദീപക് മിശ്രയ്ക്ക് വിടനല്‍കാന്‍ കോടതിക്കുള്ളില്‍ ഗാനം ആലപിച്ച് അഭിഭാഷകന്‍. സുപ്രീം കോടതിയില്‍ ചീഫ് ജസ്റ്റിസിന്‍റെ അവസാന പ്രവൃത്തിദിവസമായ തിങ്കളാഴ്ച കോടതി നടപടികള്‍ അവസാനിക്കുന്നതിനിടെയാണ് ഒരു അഭിഭാഷകന്‍ വികാരാധീനനായി ഗാനം ആലപിച്ചത്. എന്നാല്‍ ഉടന്‍തന്നെ ചീഫ് ജസ്റ്റിസ് ഇടപെടുകയും പാട്ട് നിര്‍ത്താന്‍ ആവശ്യപ്പെടുകയും ചെയ്തു.

'തും ജിയോ ഹസാരോം സാല്‍' (നിങ്ങള്‍ ആയിരം വര്‍ഷങ്ങള്‍ ജീവിക്കട്ടെ) എന്ന ചലച്ചിത്ര ഗാനമാണ് അഭിഭാഷകന്‍ ആലപിച്ചത്. എന്നാല്‍ കോടതിയില്‍ ഗാനം ആലപിക്കുന്നതിലെ അനൗചിത്യത്തിന്‍റെ പേരില്‍ ചീഫ് ജസ്റ്റിസ് ഇടപെടുകയായിരുന്നു. ഇപ്പോള്‍ താന്‍ ഹൃദയത്തില്‍ നിന്നുമാണ് സംസാരിക്കുന്നതെന്നും വൈകുന്നേരം കാണുമ്പോള്‍ മനസ്സിന്‍ നിന്നും സംസാരിക്കാമെന്നും അഭിഭാഷകനെ തടഞ്ഞുകൊണ്ട് ദീപക് മിശ്ര പറഞ്ഞു. പുതിയ ചീഫ് ജസ്റ്റിസ് ആയി നിയമിതനാകുന്ന രഞ്ജന്‍ ഗോഗോയ്, ജസ്റ്റിസ് എ എം ഖാന്‍വില്‍ക്കര്‍ എന്നിവരും ബെഞ്ചില്‍ ഉണ്ടായിരുന്നു.

ചരിത്രമായി മാറിയ വിധി പ്രഖ്യാപനങ്ങള്‍ക്കു ശേഷം സര്‍വീസില്‍നിന്നു വിരമിക്കുന്ന ചീഫ് ജസ്റ്റിസ് ദീപക് മിശ്രയുടെ കാലാവധി ചൊവ്വാഴ്ച വരെയാണ്. ചൊവ്വാഴ്ച അവധി ആയതിനാല്‍ അദ്ദേഹത്തിന്‍റെ അവസാന പ്രവൃത്തി ദിവസമാണ് തിങ്കളാഴ്ച്ച. ആധാര്‍ കാര്‍ഡ്, വിവാഹേതര ലൈംഗിക ബന്ധം, ശബരിമലയിലെ സ്ത്രീ പ്രവേശനം തുടങ്ങിയ വിഷയങ്ങളില്‍ സുപ്രധാന വിധികള്‍ പുറപ്പെടുവിച്ച ശേഷമാണ് ചീഫ് ജസ്റ്റിസ് ദീപക് മിശ്ര സുപ്രീം കോടതിയില്‍നിന്ന് വിരമിക്കുന്നത്.

1996 ജനുവരി 17ന് ഒറീസാ ഹൈക്കോടതി അഡീഷണല്‍ ജഡ്ജിയായാണ് ദീപക് മിശ്ര നിയമിതനാകുന്നത്. പിന്നീട് മധ്യപ്രദേശ് ഹൈക്കോടതിലെത്തി. അടുത്ത വര്‍ഷം ഡിസംബര്‍ മുതല്‍ അദ്ദേഹം സ്ഥിരം ജഡ്ജിയായി. 2009ല്‍ പാറ്റ്നാ ഹൈക്കോടതിയില്‍ ഓഫീസ് ഇന്‍ ചാര്‍ജായി. പിന്നീട് ഡല്‍ഹി ഹൈക്കോടതിയില്‍ ചീഫ് ജസ്റ്റിസായിരിക്കുമ്പോഴാണ് 2011 ഒക്ടോബറില്‍ അദ്ദേഹം സുപ്രീം കോടതി ജഡ്ജിയാകുന്നത്. 2017 ഓഗസ്റ്റില്‍ സുപ്രീം കോടതി ചീഫ് ജസ്റ്റിസായി ചുമതലയേറ്റു.

Other News

  • ബ്രിട്ടീഷ് രാജകുമാരന്‍ ഹാരിയുടെ പ്രിയപത്‌നി മേഗന്‍ മാര്‍കിള്‍ ന്യൂയോര്‍ക്കില്‍ നടത്തിയ രഹസ്യ സന്ദര്‍ശനത്തിന്റെ ചിത്രങ്ങള്‍ പുറത്ത്
  • അധ്യാപിക ക്ലാസെടുക്കുന്നതിനിടയില്‍ ശീതള പാനിയത്തില്‍ മദ്യം കലര്‍ത്തി കുടിച്ച വിദ്യാര്‍ത്ഥിനികളെ സ്‌കൂളില്‍ നിന്ന് പുറത്താക്കി
  • ശസ്ത്രക്രിയയ്ക്കിടെ രോഗിയുടെ വയറ്റില്‍ ഡോക്ടര്‍ ചവണ മറന്നുവെച്ചു
  • മുടി ഐസാക്കും മത്സരം!
  • കളിച്ചത് ദോത്തിയും കുര്‍ത്തയും ധരിച്ച്, കമന്ററി സംസ്‌കൃതത്തില്‍
  • 'ജാതിയും ഇല്ല മതവും ഇല്ല' ; ആദ്യമായി ഔദ്യോഗിക സര്‍ട്ടിഫിക്കറ്റ് നേടി, തമിഴ്‌നാട്ടിലെ അഭിഭാഷക
  • എലന്‍ മസ്‌ക്കിന്റെ ചെറിയ വീട് വില്‍പനക്ക് , വില 31 കോടി !
  • എംകോം ബിരുദധാരിയുടെ ജോലി ഭക്ഷണവിതരണം
  • ''തിരിച്ചുകിട്ടിയില്ലെങ്കിലും സാരമില്ല, ഞങ്ങളുടെ ഷിംപാകു ജൂനിപെറിനെ നല്ലപോലെ നോക്കിയാല്‍ മതി'',മോഷണം പോയ ചെടികളെ ഓര്‍ത്ത് ഒരു കുറിപ്പ്‌
  • വിദ്യാര്‍ത്ഥികള്‍ക്ക് ഭക്ഷണം വിളമ്പിക്കൊടുത്ത് പ്രധാനമന്ത്രി
  • വിവാദമായ വാഹനാപകടത്തിനുപിന്നാലെ ബ്രിട്ടനിലെ ഫിലിപ്പ് രാജകുമാരൻ ഡ്രൈവിങ് ലൈസൻസ് സറണ്ടർ ചെയ്തു
  • Write A Comment

     
    Reload Image
    Add code here