തെലങ്കാനയിലും ആന്ധ്രയിലും ഗാന്ധിജിക്കായി ക്ഷേത്രങ്ങള്‍; പ്രാര്‍ത്ഥനയ്ക്ക് അദ്ഭുതഫലസിദ്ധിയെന്നും വിശ്വാസികള്‍

Tue,Oct 02,2018


ന്യൂഡല്‍ഹി: രാഷ്ടപിതാവായി രാജ്യം മഹാത്മജിക്ക് ആദരബഹുമാനങ്ങള്‍ നല്‍കുമ്പോള്‍ തെലങ്കാനയില്‍ മഹാത്മജിയെ ദൈവമായിത്തന്നെ കരുതി ക്ഷേത്രം നിര്‍മിച്ച് പൂജിക്കുകയാണ് നാട്ടുകാര്‍.
മഹാത്മാഗാന്ധിയുടെ പ്രതിഷ്ഠയുള്ള ഈ അമ്പലത്തിലേക്ക് ദിനംപ്രതി നിരവധി ഭക്തരാണ് എത്തുന്നത്.
ഗാന്ധിജിയുടെ മാര്‍ബിള്‍ പ്രതിമയ്ക്ക് സമീപത്ത് വലതുഭാഗത്തായി ധ്യാനിക്കാനുള്ള ഇടമുണ്ട്. അദ്ദേഹത്തിന്റെ തത്വചിന്തകള്‍ക്കായി ഒരു ലൈബ്രറിയുമുണ്ട്. 2014ല്‍ സ്ഥാപിതമായ ക്ഷേത്രം വര്‍ഷങ്ങള്‍ക്കുള്ളില്‍ തന്നെ ഗാന്ധിജിയുടെ പേരിലുള്ള അദ്ഭുതസിദ്ധികള്‍ക്ക് പ്രസിദ്ധമായി.
ഗാന്ധിജിക്ക് അദ്ഭുതകരമായ സിദ്ധികളുണ്ടെന്നാണ് ഇവിടെയെത്തുന്നവര്‍ വിശ്വസിക്കുന്നതെന്ന് ക്ഷേത്രത്തിലെ മുഖ്യപൂജാരി കുറെല്ല നാരായണ ചാരി പറഞ്ഞു. മകളുടെ വിവാഹം നടക്കാത്തതില്‍ വിഷമിച്ചു നടന്നിരുന്ന രാജസ്ഥാന്‍ സ്വദേശിയായ വ്യവസായി ക്ഷേത്രത്തില്‍ സന്ദര്‍ശനം നടത്തി.
ഇവിടെ വന്നുപോയി കുറച്ചുദിവസങ്ങള്‍ക്കുള്ളില്‍ തന്നെ മകളുടെ വിവാഹം ശരിയായതായും ചാരി പറഞ്ഞു. ക്ഷേത്രത്തില്‍ എത്തുന്നവര്‍ അവരുടെ ആഗ്രഹങ്ങള്‍ പൂര്‍ത്തീകരിക്കുന്നതിന് ക്ഷേത്രമുറ്റത്തെ പേരാലില്‍ കാവിനിറമുള്ള നൂല് കെട്ടുകയാണ് പതിവെന്നും അദ്ദേഹം പറഞ്ഞു.
ഗാന്ധിജിക്കായി ആന്ധ്രയിലും ഒക്ടോബര്‍ രണ്ടിന് രണ്ടാമതൊരു ക്ഷേത്രം കൂടി ഉദ്ഘാടനം ചെയ്യപ്പെട്ടു. ആന്ധ്രാപ്രദേശിലെ വിജയവാരയിലെ സയിദ് അപ്പാലസ്വാമി കോളേജില്‍ ഗാന്ധിജിയുടെ ജന്മദിനമായ ഒക്ടോബര്‍ രണ്ടാം തിയതി മുഖ്യമന്ത്രി എന്‍ ചന്ദ്രബാബു നായിഡുവാണ് ഉദ്ഘാടനം നിര്‍വഹിച്ചത്.
ഗാന്ധിജിയുടെ ദര്‍ശനങ്ങളും മൂല്യങ്ങളും പ്രചരിപ്പിക്കുന്നതിന്റെ ഭാഗമായാണ് സ്വാതന്ത്ര്യ സമരസേനാനികളായ രാംപിള്ള സയിദ് അപ്പാളസ്വാമിയുടെയും ഗൊല്ല നാരായണ റാവുവിന്റെയും കൊച്ചുമക്കള്‍ ക്ഷേത്രം പണിതത്.

Other News

  • ഫേസ്ബുക്ക് ലൈവിനിടെ പാക് പ്രവിശ്യ മന്ത്രിക്ക് പൂച്ചച്ചെവി!
  • പ്രസവിച്ച് അരമണിക്കൂറിനുള്ളില്‍ പരീക്ഷ എഴുതി എത്യോപ്യ സ്വദേശിനി!
  • 108 വയസ്സുള്ള പിയാനോ വാദക!
  • വിവാഹമോചനം നേടിയശേഷം വിവാഹവസ്ത്രങ്ങള്‍ ധരിച്ച് ആഘോഷം!
  • ദ നണ്ണിനെ ഉമ്മവയ്ക്കാന്‍ ഇഷ്ടപ്പെടുന്ന മൂന്നുവയസ്സുകാരി!
  • ഇന്ത്യ-ഓസ്‌ട്രേലിയ മത്സരം കാണാനെത്തിയ വിജയ് മല്ല്യക്കെതിരെ ഇന്ത്യന്‍ വംശജരുടെ പ്രതിഷേധം, ആണാണെങ്കില്‍ മാപ്പുപറയാന്‍ ആക്രോശം
  • യാത്രക്കാരന്‍ ഡബിള്‍ ബെല്ലടിച്ചു: കണ്ടക്ടര്‍ ഇല്ലാതെ കെഎസ്ആര്‍ടിസി ബസ് 18 കിലോമീറ്റര്‍ ഓടി
  • ഭര്‍ത്താവിന്റെ ഓര്‍മയ്ക്കായി വീട്ടമ്മ നട്ടുപിടിപ്പിച്ചത് 73,000 മരങ്ങള്‍
  • ഉറങ്ങിക്കിടക്കുമ്പോള്‍ പീഡിപ്പിക്കാന്‍ ശ്രമിച്ചയാളുടെ നാവ് വനിത ഡോക്ടര്‍ കടിച്ചുമുറിച്ചു
  • കുടി വെള്ളത്തിന് സ്വര്‍ണത്തെക്കാള്‍ മൂല്യം; കണ്ണ് തെറ്റിയാല്‍ കള്ളന്‍ കൊണ്ടുപോകും; പൂട്ടിവെച്ച് കാവലിരിക്കുന്നു, നാട്ടുകാര്‍
  • മറ്റൊരാളുമായി വിവാഹമുറപ്പിച്ച കാമുകിയെ സ്വന്തമാക്കാന്‍ കാമുകന്‍ നടത്തിയ നിരാഹാരസമരത്തിന് ശുഭപര്യവസാനം!
  • Write A Comment

     
    Reload Image
    Add code here