കണ്ണിറുക്കല്‍ ഇസ്ലാംവിരുദ്ധം; 'മാണിക്യമലരായ പൂവി' ഗാനരംഗം നീക്കണമെന്നാവശ്യപ്പെട്ട് സുപ്രീംകോടതിയില്‍ പരാതി

Sun,Apr 08,2018


ന്യൂഡല്‍ഹി: 'ഒരു അഡാര്‍ ലവ്' എന്ന ചിത്രത്തില്‍നിന്ന് 'മാണിക്യമലരായ പൂവി' എന്ന ഗാനരംഗം നീക്കണമെന്നാവശ്യപ്പെട്ട് ഹൈദരാബാദ് സ്വദേശികളായ മുഖീത് ഖാന്‍, സഹീറുദ്ദീന്‍ അലിഖാന്‍ എന്നിവര്‍ സുപ്രീംകോടതിയില്‍. നേരത്തേ പാട്ടിനെതിരേ ഹൈദരാബാദില്‍ പരാതി നല്‍കിയയാളാണ് മുഖീത് ഖാന്‍. യൂട്യൂബില്‍ വൈറലായിക്കഴിഞ്ഞ ഗാനം മതവികാരം വ്രണപ്പെടുത്തിയെന്ന പരാതികളിലെ അന്വേഷണം സുപ്രീംകോടതി നേരത്തേ സ്റ്റേ ചെയ്തിരുന്നു. കേസില്‍ കക്ഷിചേരാന്‍ അനുവദിക്കണമെന്നാവശ്യപ്പെട്ടുള്ള ഹര്‍ജിയിലാണ് ഇവര്‍ ചിത്രത്തില്‍നിന്ന് ഗാനരംഗം നീക്കണമെന്നാവശ്യപ്പെട്ടത്. രംഗങ്ങള്‍ മുസ്ലിങ്ങളെ അപകീര്‍ത്തിപ്പെടുത്തുന്നതാണ്. കണ്ണിറുക്കല്‍തന്നെ ഇസ്ലാം വിരുദ്ധമാണ്. അതിനാല്‍ ഗാനം യൂട്യൂബില്‍ നിന്നും സമൂഹമാധ്യമങ്ങളിലില്‍നിന്നും നീക്കണം - ഹര്‍ജിയില്‍ ആവശ്യപ്പെട്ടു. മുസ്ലിങ്ങളുടെ സംസ്‌കാരവും മൂല്യങ്ങളും സംരക്ഷിക്കുന്ന പ്രവര്‍ത്തനങ്ങളില്‍ മുഴുകിയിരിക്കുന്ന വ്യക്തിയാണ് താനെന്ന് സഹീറുദ്ദീന്‍ അലിഖാന്‍ അവകാശപ്പെടുന്നു.

ഫെബ്രുവരി 14-ന് തെലങ്കാന പോലീസ് രജിസ്റ്റര്‍ ചെയ്ത കേസിലെ അന്വേഷണമാണ് സുപ്രീംകോടതി സ്റ്റേ ചെയ്തിരുന്നത്. ചിത്രത്തിനെതിരേ കേസെടുക്കുന്നതില്‍നിന്ന് എല്ലാ സംസ്ഥാനങ്ങളെയും കോടതി വിലക്കിയിരുന്നു. സംവിധായകന്‍ ഒമര്‍ ലുലു, നിര്‍മാതാവ് ഔസേപ്പച്ചന്‍ വാളക്കുഴി, നടി പ്രിയ പ്രകാശ് വാരിയര്‍ എന്നിവരുടെ ഹര്‍ജിയിലായിരുന്നു നടപടി.

Other News

  • സിമ്പുവിനെതിരേ മീ ടൂ എന്നാരോപണം'; നടിയെ ആക്രമിച്ച് നടന്റെ ആരാധകര്‍
  • എ.എം.എം.എ ആവശ്യപ്പെട്ടതു കൊണ്ടല്ല സ്വയം രാജിവച്ചതാണെന്ന് ദിലീപ്‌
  • അരിസ്‌റ്റോ സുരേഷിന്റെ നായികയായി നിത്യാ മേനോന്‍
  • മക്കളുടെ പ്രായമുള്ള പെണ്‍കുട്ടികളെ അനുമാലിക്ക് പീഡിപ്പിച്ചിരുന്നുവെന്ന് ആരോപണം
  • ദിലീപിനെ പുറത്താക്കാന്‍ ആവശ്യപ്പെട്ടു, ലാലിന്റെ സമീപനത്തെ നല്ല ഉദ്ദേശ്യത്തോടെ കാണണം- എ.കെ.ബാലന്‍
  • വൈക്കം വിജയലക്ഷ്മി വിവാഹിതയായി
  • ഹരിശ്രീ അശോകന്റെ മകന്‍ അര്‍ജുന്‍ അശോകന്റെ വിവാഹനിശ്ചയം കഴിഞ്ഞു
  • പ്രശ്ന പരിഹാര സെല്‍ വേണമെന്ന് ആവശ്യപ്പെട്ട് ഡബ്ലിയുസിസി വീണ്ടും ഹൈക്കോടതിയില്‍
  • യുപിയിലെ 850 കര്‍ഷകരുടെ ബാങ്ക് ലോണ്‍ അമിതാഭ് ബച്ചന്‍ തിരിച്ചടക്കും
  • എന്നെ ദൃഢമായി അദ്ദേഹത്തിന്റെ ശരീരത്തോട് ചേര്‍ത്ത് പിടിച്ചു; അര്‍ജുനെതിരേ മലയാളി നടി
  • അമ്മ ദിലീപിനെ പുറത്താക്കിയെന്നു പ്രസിഡന്റ് മോഹന്‍ലാല്‍; രാജിവെച്ച നടികള്‍ അപേക്ഷിച്ചാല്‍ തിരിച്ചെടുക്കും
  • Write A Comment

     
    Reload Image
    Add code here