ശ്രീ റെഡ്ഡിക്ക് മുന്‍പില്‍ മുട്ടുക്കുത്തി തെലുഗു സിനിമ; പ്രശംസകൊണ്ടു മൂടി ആര്‍ജിവി

Thu,Apr 12,2018


തെലുഗ് സിനിമയിലെ പ്രമുഖര്‍ക്കെതിരെ ലൈംഗികാരോപണം ഉന്നയിക്കുകയും പ്രതിഷേധസൂചകമായി പൊതുസ്ഥലത്ത് നഗ്നയാവുകയും ചെയ്ത നടി ശ്രീ റെഡ്ഡിക്ക് മുന്നില്‍ മുട്ടുമടക്കുകയാണ് തെലുഗു സിനിമ, നടിയ്ക്ക് അംഗത്വം നല്‍കാനുള്ള നടപടികള്‍ കൈകൊള്ളുമെന്ന് താരസംഘടന മാ (മൂവി ആര്‍ട്ടിസ്റ്റ് അസോസിയേഷന്‍) അറിയിച്ചു. അര്‍ധ നഗ്‌നയായി ഹൈദരാബാദ് ഫിലിം ചേമ്പറിന് മുന്‍പില്‍ പ്രതിഷേധിച്ച നടിയെ സിനിമയില്‍ നിന്ന് വിലക്കി കൊണ്ടുള്ള ഉത്തരവാണ് മാ ആദ്യം പുറപ്പെടുവിച്ചത്. എന്നാല്‍ ശ്രീ റെഡ്ഡി തന്റെ പ്രതിഷേധത്തില്‍ നിന്ന് പിന്‍മാറാന്‍ തയ്യാറായില്ല. തുടര്‍ന്നാണ് മാ വീട്ടുവീഴ്ച ചെയ്തത്.

തെലുഗു സിനിമയില്‍ പുതുമുഖങ്ങളെ ലൈംഗിക ചൂഷണത്തിന് വിധേയമാക്കുന്നുവെന്ന ആരോപണവുമായാണ് ശ്രീ ആദ്യം രംഗത്തെത്തുന്നത്. നടനും സംവിധായകനുമായ ശേഖര്‍ കമ്മൂല, നടന്‍ റാണാ ദഗ്ഗുബാട്ടിയുടെ സഹോദരന്‍ അഭിറാം ദഗ്ഗുബാട്ടി, ഗായകന്‍ ശ്രീറാം, സംവിധായകന്‍ കൊരട്ടല ശിവ തുടങ്ങിയവര്‍ക്കെതിരെ ശ്രീ രംഗത്തെത്തി. ശ്രീയ്ക്ക് അംഗത്വം നല്‍കുന്നതിനെ സംബന്ധിച്ചുള്ള അപേക്ഷ പരിഗണിക്കുന്നതിന് പുറമേ ലൈംഗിക ചുഷണം അവസാനിപ്പിക്കാനും നടിമാരുടെ പ്രശ്‌നങ്ങള്‍ കേള്‍ക്കാനും പ്രത്യേക ഫോറം രൂപീകരിക്കുമെന്നും മാ ഉറപ്പ് നല്‍കി. ശ്രീയുടെ പോരാട്ടത്തെ അഭിനന്ദിച്ച് സംവിധായകന് രാം ഗോപാല്‍ വര്‍മ രംഗത്തെത്തി.

'സിനിമയുടെ ചരിത്രത്തോളം പഴക്കമുണ്ട് കാസ്റ്റിംങ് കൗച്ചിന്. എന്നാല്‍ സധൈര്യം നടിമാര്‍ രംഗത്ത് വന്ന് ഇതിനെതിരെ ഒറ്റയ്ക്ക് പോരാടുന്നത് അപൂര്‍വ്വമാണ്. ശ്രീ റെഡ്ഡി അതിലേക്ക് ജനശ്രദ്ധ കൊണ്ടുവന്നിരിക്കുകയാണ്. ചങ്കൂറ്റത്തോടെയുള്ള തീരുമാനത്തിനും അതിഗംഭീരമായ വിജയത്തിനും അഭിനന്ദനങ്ങള്‍. ശ്രീ റെഡ്ഡിയെ ഝാന്‍സി റാണിയോട് ഉപമിക്കുകയാണ്. സ്വന്തം രാജ്യത്തിന് വേണ്ടി ലക്ഷ്മി ഭായ് പടവെട്ടിയപ്പോള്‍ ശ്രീ റെഡ്ഡി സ്വന്തം ശരീരമാണ് ആയുധമാക്കിയത്' രാം ഗോപാല്‍ വര്‍മ ട്വിറ്ററില്‍ കുറിച്ചു.

Other News

  • 96ന്റെ കന്നഡ റിമേക്ക് ഒരുങ്ങുന്നു: ജാനുവാവാന്‍ ഭാവന
  • അശ്ലീല സന്ദേശവും അതയച്ചയാളുടെ പ്രൊഫൈലും പരസ്യമാക്കി നടി ഗായത്രി അരുണ്‍
  • ഒടിയന്‍ റിലീസ് ചെയ്യുന്നതിന് മുമ്പ് തന്നെ നൂറുകോടി വരുമാനം നേടിയെന്ന് സംവിധായകന്‍
  • ജൂറി ചെയര്‍മാനെ അപമാനിക്കുന്നു'; മജീദിയുടെ ചിത്രം പ്രദര്‍ശിപ്പിക്കാത്തതില്‍ പ്രതിഷേധം
  • ജയറാമിന്റെ 'ലോനപ്പന്റെ മാമോദീസ'യുടെ പോസ്റ്റര്‍ പുറത്ത്
  • വിരുഷ്‌ക വിവാഹത്തിന്റെ ആദ്യ വാര്‍ഷികം
  • നിര്‍മാതാക്കളെ അവഗണിക്കുന്നു; ചലച്ചിത്രമേളയില്‍ പ്രതിഷേധം
  • കേരളത്തിന്റെ ആദ്യ ആഡംബരക്കപ്പൽ കന്നിയാത്രയ്ക്കൊരുങ്ങി
  • ഇരുപത്തിയൊന്നാം നൂറ്റാണ്ടിന്റെ ഫസ്റ്റ് ലുക്ക് എത്തി
  • ലൗജിഹാദ് പ്രോത്സാഹിപ്പിക്കുന്നുവെന്ന് ആരോപണം; ഉത്തരാഖണ്ഡിലെ ഏഴു ജില്ലകളില്‍ 'കേദാര്‍നാഥിന്' വിലക്ക്
  • 500 കോടി കളക്ഷന്‍ പിന്നിട്ട് 2.0; ചൈനയില്‍ മെഗാ റിലീസിനൊരുങ്ങുന്നു
  • Write A Comment

     
    Reload Image
    Add code here