ദേശീയ ചലച്ചിത്ര അവാര്‍ഡില്‍ മലയാളിതിളക്കം: ഫഹദ് ഫാസില്‍ മികച്ച സഹനടൻ; ജയരാജ് സംവിധായകൻ,സജീവ് പാഴൂര്‍ മികച്ച തിരക്കഥാകൃത്ത്, ഗായകന്‍ യേശുദാസ്‌

Fri,Apr 13,2018


ന്യൂഡല്‍ഹി: 2017ലെ ദേശീയ ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. മികച്ച സംവിധായകനായി ജയരാജിനെയും സഹനടനായി ഫഹദ് ഫാസിലിനെയും തെരഞ്ഞെടുത്തു. ദിലീഷ് പോത്തൻ സംവിധാനം ചെയ്ത തൊണ്ടിമുതലും ദൃക്സാക്ഷിയും ആണ്‌ മികച്ച മലയാള ചിത്രം. ഈ ചിത്രത്തിന് തിരക്കഥ രചിച്ച സജീവ് പാഴൂരിന് മികച്ച തിരക്കഥക്കുള്ള പുരസ്കാരവും ലഭിച്ചു. പോയ് മറഞ്ഞകാലത്തിലെ ഗാനമാലപിച്ച കെ.ജെ യേശുദാസ് മികച്ച ഗായകനായി തെരഞ്ഞെടുക്കപ്പെട്ടു. അന്തരിച്ച നടി ശ്രീദേവി മികച്ച നടിയായും റിതി സെന്നിനെ മികച്ച നടനായും തെരഞ്ഞെടുത്തു. ടേക്ഒാഫിലെ നഴ്സായുള്ള മികച്ച പ്രകടനത്തിന് നടി പാർവതി പ്രത്യേക ജൂറി പരാമർശത്തിന് അർഹയായി. സന്തോഷ് രാജൻ (ടേക്ഒാഫ്) മികച്ച പ്രൊഡക്ഷൻ ഡിസൈനർ ആയും തെരഞ്ഞെടുത്തു.

മലയാളത്തിന് ലഭിച്ച പുരസ്കാരങ്ങൾ:
മികച്ച തിരക്കഥ: സജീവ് പാഴൂർ (തൊണ്ടിമുതലും ദൃക്സാക്ഷിയും)
മികച്ച അവലംബിത തിരക്കഥ: ജയരാജ് (ഭയാനകം)
മികച്ച ഛായാഗ്രഹണം: നിഖിൽ പ്രവീൺ (ഭയാനകം)
മികച്ച പ്രൊഡക്ഷൻ ഡിസൈനർ: സന്തോഷ് രാജൻ (ടേക്ഒാഫ്)
മറ്റ് ദേശീയ പുരസ്കാരങ്ങൾ:
മികച്ച നടി ശ്രീദേവി- മോം
മികച്ച സഹനടി- ദിവ്യ ദത്ത (ഹിരാത)
മികച്ച സഹനടന്‍- ഫഹദ് ഫാസില്‍
മികച്ച സംവിധായകന്‍- ജയരാജ് (ഭയാനകം)
മികച്ച സാമൂഹിക പ്രതിബദ്ധതയുള്ള ചിത്രം- ആളൊരുക്കം മികച്ച ദേശീയോദ്ഗ്രഥന ചിത്രം- ഠപേ
മികച്ച സിനിമ- വില്ലേജ് റോക്ക് സ്റ്റാര്‍ മികച്ച നോണ്‍ഫീച്ചര്‍ ഫിലിം- വാട്ടര്‍ ബേബി
കഥേതര വിഭാഗത്തിലെ മികച്ച ചിത്രത്തിനുള്ള പുരസ്‌കാരം മലയാളിയായ അനീസ് കെ.എം സംവിധാനം ചെയ്ത സ്ലേവ് ജെനസിസിന്‌. പണിയ സമുദായത്തെക്കുറിച്ചുള്ള ചിത്രമാണ് 'സ്ലേവ് ജെനസിസ്‌'.
മികച്ച നിരൂപകന്‍- ഗിരിര്‍ ഝാ
പ്രത്യേക ജൂറി പരാമര്‍ശം നേടിയ ചിത്രം- (മറാത്തി ചിത്രം) മോര്‍ഹിയ ഒഡീഷ ചിത്രം (മനേനി) പാര്‍വതി(ടേക്ക് ഓഫ്) യ്ക്കും പങ്കജ് ത്രിപാഠി(ന്യൂട്ടണ്‍)ക്കും പ്രത്യേക ജൂറി പരാമര്‍ശം
മികച്ച മലയാള സിനിമ- തൊണ്ടിമുതലും ദൃക്‌സാക്ഷിയും (ദിലീഷ് പോത്തന്‍)
മികച്ച ബംഗാളി ഫിലിം- മയൂരക്ഷി
മികച്ച ഹിന്ദി ചിത്രം- ന്യൂട്ടണ്‍
മികച്ച തമിഴ് ചിത്രം- ടു ലെറ്റ്
മികച്ച തെലുഗ് ചിത്രം- ഗാസി അറ്റാക്ക്‌
മികച്ച കൊറിയോഗ്രഫി- ഗണേഷ് ആചാര്യ
മികച്ച എഫക്ട്‌സ്- ബാഹുബലി 2
മികച്ച സംഗീത സംവിധായകന്‍- എ.ആര്‍ റഹ്മാന്‍ (കാട്ര് വെളിയിടൈ)
മികച്ച ഗാനരചയിതാവ്- ജയന്‍ പ്രദാന്‍
മികച്ച പശ്ചാത്തലസംഗീതം- എ.ആര്‍ റഹ്മാന്‍ (മോം)
മികച്ച പ്രൊഡക്ഷന്‍ ഡിസൈന്‍- സന്തോഷ് രാജ് (ടേക്ക് ഓഫ്)
എഡിറ്റിംഗ്- റിമ ദാസ് (വില്ലേജ് റോക്ക് സ്റ്റാര്‍)
മികച്ച തിരക്കഥ- സജീവ് പാഴൂര്‍ (തൊണ്ടിമുതലും ദൃക്‌സാക്ഷിയും)
മികച്ച അവലംബിത തിരക്കഥ- ജയരാജ് (ഭയാനകം)
മികച്ച ക്യാമറാമാന്‍- നിഖില്‍ എസ് പ്രവീണ്‍ (ഭയാനകം)
മികച്ച ഗായിക- സാക്ഷ ത്രിപതി
മികച്ച ഗായകന്‍- കെ.ജെ യേശുദാസ് (പോയ് മറഞ്ഞ കാലം)
ഡല്‍ഹി ശാസ്ത്രിഭവനില്‍ വെച്ച് പുരസ്കാര നിർണയ സമിതി അധ്യക്ഷൻ ശേഖര്‍ കപൂറാണ് ജേതാക്കളുടെ പേരുകൾ പ്രഖ്യാപിച്ചത്. 321 ഫീച്ചർ സിനിമകളും ഡോക്യുമെന്‍ററികളും ഹൃസ്വ സിനിമകളും അടക്കം 156 നോൺ ഫീച്ചർ സിനിമകളും ജൂറിയുടെ പരിഗണക്ക് വന്നു. 15 മലയാള സിനിമകളാണ് ദേശീയ പുരസ്കാര പട്ടികയിൽ ഇടംനേടിയത്. പ്രാദേശിക ജൂറി കണ്ട ശേഷമാണ് സിനിമകൾ ദേശീയ പുരസ്കാരത്തിനായി ശിപാർശ ചെയ്തത്. 11 അംഗ ജൂറിയില്‍ തിരക്കഥാകൃത്ത് ഇംതിയാസ് ഹുസൈന്‍ ഉള്‍പ്പെട്ട പാനലാണ് മലയാള ചിത്രങ്ങള്‍ തെരഞ്ഞെടുത്തത്.

രചയിതാവ് ഇംതിയാസ് ഹുസൈൻ, തമിഴ് നടി ഗൗതമി, ഗാനരചയിതാവ് മെഹ്ബൂബ, സംവിധായകൻ രാഹുൽ റാവൈൽ, കന്നഡ സംവിധായകൻ പി. ശേഷാദ്രി, ബംഗാളി സംവിധായകൻ അനിരുദ്ധ റോയ് ചൗധരി, നാടകകൃത്ത് ത്രിപുരാരി ശർമ, തിരക്കഥാകൃത്ത് റൂമി ജാഫ്റി, സംവിധായകൻ രഞ്ജിത് ദാസ്, നിർമാതാവ് രാജേഷ് മാപുസ്കാർ എന്നിവരാണ് ജൂറി അംഗങ്ങൾ.

Other News

  • 96ന്റെ കന്നഡ റിമേക്ക് ഒരുങ്ങുന്നു: ജാനുവാവാന്‍ ഭാവന
  • അശ്ലീല സന്ദേശവും അതയച്ചയാളുടെ പ്രൊഫൈലും പരസ്യമാക്കി നടി ഗായത്രി അരുണ്‍
  • ഒടിയന്‍ റിലീസ് ചെയ്യുന്നതിന് മുമ്പ് തന്നെ നൂറുകോടി വരുമാനം നേടിയെന്ന് സംവിധായകന്‍
  • ജൂറി ചെയര്‍മാനെ അപമാനിക്കുന്നു'; മജീദിയുടെ ചിത്രം പ്രദര്‍ശിപ്പിക്കാത്തതില്‍ പ്രതിഷേധം
  • ജയറാമിന്റെ 'ലോനപ്പന്റെ മാമോദീസ'യുടെ പോസ്റ്റര്‍ പുറത്ത്
  • വിരുഷ്‌ക വിവാഹത്തിന്റെ ആദ്യ വാര്‍ഷികം
  • നിര്‍മാതാക്കളെ അവഗണിക്കുന്നു; ചലച്ചിത്രമേളയില്‍ പ്രതിഷേധം
  • കേരളത്തിന്റെ ആദ്യ ആഡംബരക്കപ്പൽ കന്നിയാത്രയ്ക്കൊരുങ്ങി
  • ഇരുപത്തിയൊന്നാം നൂറ്റാണ്ടിന്റെ ഫസ്റ്റ് ലുക്ക് എത്തി
  • ലൗജിഹാദ് പ്രോത്സാഹിപ്പിക്കുന്നുവെന്ന് ആരോപണം; ഉത്തരാഖണ്ഡിലെ ഏഴു ജില്ലകളില്‍ 'കേദാര്‍നാഥിന്' വിലക്ക്
  • 500 കോടി കളക്ഷന്‍ പിന്നിട്ട് 2.0; ചൈനയില്‍ മെഗാ റിലീസിനൊരുങ്ങുന്നു
  • Write A Comment

     
    Reload Image
    Add code here