സംവിധായകനും നിർമാതാവുമായ വികാസ്​ ബഹൽ ലൈംഗിക ചൂഷണത്തിനു ശ്രമിച്ചതായി കങ്കണ

Mon,Oct 08,2018


മുംബൈ: ബോളിവുഡ്​ സംവിധായകനും നിർമാതാവും തിരക്കഥാകൃത്തുമായ വികാസ്​ ബഹൽ ലൈംഗിക ചൂഷണത്തിനു ശ്രമിച്ചതായി പ്രമുഖ നടി കങ്കണ റാവത്ത് വെളിപെടുത്തി. ബഹൽ ലൈംഗികാതിക്രമം കാണിച്ചെന്ന്‌ ​ പരാതിപ്പെട്ട, ബഹലിന്റെ സ്​ഥാപനത്തിലെ ജീവനക്കാരിക്ക്​ പിന്തുണ നൽകു​ന്നതായും കങ്കണ പറഞ്ഞു. 2015ൽ ഗോവയിലെ ഒരു പാർട്ടിയിൽ വെച്ച്​ ബഹൽ തന്നോട്​ അതിക്രമം കാണിച്ചെന്ന്‌ ​, ബഹൽ പാർട്​ണർ ആയ ഫാൻറം ഫിലിംസിലെ ജീവനക്കാരി കഴിഞ്ഞദിവസം ആരോപണമുന്നയിച്ചതിനു പിന്നാലെയാണ്​ കങ്കണയുടെ പുതിയ വെളിപ്പെടുത്തൽ. ബഹലി​ന്റെ പാർട്​ണറായ അനുരാഗ്​ കശ്യപ്​ അടക്കമുള്ളവരോടു പരാതിപ്പെട്ടിട്ടും നടപടി ഉണ്ടായില്ലെന്നും അവർ ചൂണ്ടിക്കാട്ടുന്നു. യുവതിയെ പിന്തുണച്ചതിനു പിന്നാലെ, താനുമായി ചർച്ചചെയ്​തുകൊണ്ടിരുന്ന സിനിമയിൽനിന്ന്​ ബഹൽ പിന്മാറിയെന്നും കങ്കണ ആരോപിച്ചു.

‌ ക്വീന്‍ സിനിമയുടെ ചിത്രീകരണത്തിനിടെ തന്നെ കാണുമ്പോൾ വികാസ് ബഹൽ ആലിംഗനത്തിലൂടെ അഭിവാദ്യം ചെയ്യാറുണ്ടായിരുന്നു. ഇതിനിടെ കഴുത്തിലും മുടിയിലും മുഖം അമര്‍ത്തുക പതിവായി. ആ ആലിംഗനത്തില്‍ നിന്ന് രക്ഷപ്പെടാന്‍ ബലം പ്രയോഗിക്കേണ്ടിവന്നു. ശേഷം ഞാൻ കൂടുതല്‍ അടുപ്പം കാണിക്കാത്തതിനും വികാസ് വിമര്‍ശിക്കാറുണ്ടായിരുന്നു. വിവാഹം കഴിഞ്ഞിട്ടും ഓരോ ദിവസവും പുതിയ സ്ത്രീകളുമൊത്ത് ലൈംഗികബന്ധത്തില്‍ ഏര്‍പ്പെടാറുണ്ടായിരുന്നുവെന്ന് അയാള്‍ പറയുമായിരുന്നു.

ഇത്തരം കാര്യങ്ങളില്‍ വ്യക്തിയെയോ അയാളുടെ വിവാഹ ജീവിതത്തെയോ അളക്കാറില്ല. പക്ഷേ ആസക്തി രോഗമായി മാറുമ്പോള്‍ അക്കാര്യം എനിക്ക് തിരിച്ചറിയാനാകും. എന്‍റെ അനുഭവത്തിന്റെ പശ്ചാത്തലത്തില്‍ വികാസിനെതിരെ യുവതി ഉന്നയിച്ച ആരോപണം പൂര്‍ണമായി വിശ്വസിക്കുന്നു. നേരത്തെയും യുവതിയെ പിന്തുണച്ചിരുന്നു. അതിന്റെ പേരില്‍ എനിക്ക് സിനിമയില്‍ അവസരങ്ങള്‍ നഷ്ടമായിട്ടുണ്ട്. അന്ന് അയാള്‍ക്കെതിരെ ഒരു നടപടിയുമുണ്ടായില്ല. കങ്കണ ആരോപിച്ചു.

Other News

  • മീറ്റൂ ആരോപണത്തില്‍ നടന്‍ വിനായകനെ അറസ്റ്റ് ചെയ്‌തേക്കും
  • 'സത്യം പറഞ്ഞാല്‍ വിശ്വസിക്കുമോ'; സംവൃതാ സുനില്‍ തിരിച്ചെത്തുന്നു
  • കല്ല്യാണ്‍ ജ്വല്ലേഴ്‌സിനെതിരെ പ്രചാരണം; മാത്യു സാമുവലിനും ശ്രീകുമാര്‍ മേനോനുമെതിരെ കേസ്
  • മണിരത്‌നത്തിന് ദേഹാസ്വാസ്ഥ്യം
  • ഷര്‍ട്ട് ഇടാത്ത ഫോട്ടോയുമായി അര്‍ജുന്‍ കപൂര്‍
  • പൃഥ്വിരാജിന്റെ യാത്ര ഇനി പുത്തന്‍ പുതിയ റേഞ്ച് റോവറില്‍
  • നടന്‍ സത്യനായി ജയസൂര്യ, ഫാന്‍ മെയ്ഡ് പോസ്റ്റര്‍ പുറത്തുവിട്ടു
  • അഭിനന്ദിനെ അപമാനിച്ച പാക്കിസ്ഥാന്‍ ചാനലിന് ബ്രാ ഊരിനല്‍കി പുനം പാണ്ഡെയുടെ പ്രതിഷേധം
  • വിശാലിനെതിരെ പൊട്ടിത്തെറിച്ച് ആദ്യകാമുകി വരലക്ഷ്മി ശരത് കുമാര്‍
  • അമിതാഭ് ബച്ചന്റെ ട്വിറ്റര്‍ അക്കൗണ്ട് ഹാക്ക് ചെയ്തു
  • ഇഷാ ഡിയോളിന് പെണ്‍കുഞ്ഞ്‌
  • Write A Comment

     
    Reload Image
    Add code here