അമേരിക്കയില്‍ നിന്ന് ഇന്ത്യയിലേക്കുള്ള ആയുധ ഇറക്കുമതിയില്‍ 550 ശതമാനം വളര്‍ച്ച ഉണ്ടായതായി റിപ്പോര്‍ട്ട്

Mon,Mar 12,2018


വാഷിംഗ്ടണ്‍: ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യ, ലോകത്തിലെ ഏറ്റവും വലിയ ആയുധ ഉറക്കുമതി രാജ്യമെന്ന ഖ്യാതിയും നേടുന്നു. 2013 - 17 കാലഘട്ടത്തില്‍ മേജര്‍ ആയുധങ്ങളുടെ ഇറക്കുമതിയില്‍ ലോകത്ത് ഒന്നാമതെത്തിയത് ഇന്ത്യയാണെന്ന് സ്റ്റോക്ക്‌ഹോം ഇന്റര്‍നാഷണല്‍ പീസ് റിസര്‍ച്ച് ഇന്‍സ്റ്റിറ്റ്യൂട്ടിന്റെ ഏറ്റവുമൊടുവിലത്തെ റിപ്പോര്‍ട്ടില്‍ പറയുന്നു. ഈ കാലഘട്ടത്തില്‍ അമേരിക്കയില്‍ നിന്നുള്ള ആയുധ ഇറക്കമുതി തൊട്ടു മുമ്പുള്ള അഞ്ചു വര്‍ഷത്തെ അപേക്ഷിച്ച് 550 ശതമാനം വളര്‍ച്ച രേഖപ്പെടുത്തിയെന്നും റിപ്പോര്‍ട്ടില്‍ പറയുന്നു.
അതേസമയം, 2013 - 17 കാലഘട്ടത്തില്‍ അമേരിക്കയില്‍ നിന്ന് പാക്കിസ്ഥാനിലേക്കുള്ള ആയുധ കയറ്റുമതിയില്‍ , 2008 - 12 കാലഘട്ടത്തെ അപേക്ഷിച്ച് 76 ശതമാനം കുറവുണ്ടായി. എന്നാല്‍, ചൈനയില്‍ നിന്ന് ഏറ്റവുമധികം ആയുധങ്ങള്‍ ലഭിക്കുന്ന രാജ്യമെന്ന ഖ്യാതി ഈ കാലഘട്ടത്തില്‍ പാക്കിസ്ഥാന്‍ നേടുകയും ചെയ്തു.
2013 - 17 കാലഘട്ടത്തില്‍ ഇന്ത്യയിലേക്ക് ഏറ്റവും വലിയ ആയുധ ഇറക്കുമതി നടത്തിയത് റഷ്യയാണ്. ഇന്ത്യയുടെ മൊത്തമുള്ള ആയുധ ഇറക്കുമതിയില്‍ 62 ശതമാനവും അവിടെ നിന്നായിരുന്നു. ആഗോള തലത്തിലുള്ള ആയുധ ഇറക്കുമതിയില്‍ 12 ശതമാനം ഇന്ത്യയിലേക്കായിരുന്നുവെന്നും റിപ്പോര്‍ട്ടില്‍ പറയുന്നു. ഒരു വശത്ത് പാക്കിസ്താനും, മറുവശത്ത് ചൈനയും വളര്‍ത്തുന്ന സംഘര്‍ഷാവസ്ഥയാണ് ഇന്ത്യയെ വലിയ തോതില്‍ ആയുധങ്ങള്‍ വാങ്ങാന്‍ പ്രേരിപ്പിക്കുന്നതെന്ന് റിപ്പോര്‍ട്ടില്‍ ചൂണ്ടിക്കാട്ടി.

Other News

  • അനധികൃത കുടിയേറ്റക്കാരില്‍ നിന്ന് കുട്ടികളെ മാറ്റി പാര്‍പ്പിക്കുന്ന നയം അവസാനിപ്പിക്കണമെന്ന് മെലാനിയ ട്രമ്പ്
  • വ്യാപാര യുദ്ധത്തിനു കാഹളമുയര്‍ത്തി ചൈനീസ് ഉത്പന്നങ്ങള്‍ക്ക് 25 ശതമാനം തീരുവ ചുമത്തി അമേരിക്ക; അതേ നാണയത്തില്‍ ചൈന തിരിച്ചടിക്കുന്നു
  • എച്ച് 1 ബി വിസക്കാരുടെ ജീവിതപങ്കാളിക്ക് ജോലി ചെയ്യാന്‍ അനുമതി നല്‍കുന്ന എച്ച് 4 വിസ നിയമത്തില്‍ നിയന്ത്രണം വരുത്തുമെന്ന് ട്രമ്പ് ഭരണകൂടം വീണ്ടും
  • പ്രവീണ്‍ വര്‍ഗീസ് വധക്കേസില്‍ പ്രതി ഗേജ് ബഥൂണ്‍ കുറ്റക്കാരനെന്ന് ജൂറി; 60 വര്‍ഷം വരെ തടവുശിക്ഷ ലഭിച്ചേക്കാം
  • ആ​ണ​വ​നി​രാ​യു​ധീ​ക​ര​ണം വ​രെ ഉത്തര കൊ​റി​യ​ക്ക്​ ​ഇ​ള​വി​ല്ലെ​ന്ന്​ യു.​എ​സ്​
  • നവജാതശിശുവിനെ തട്ടിക്കൊണ്ടുപോയി സ്വന്തം മകളാക്കിയ സ്ത്രീക്ക് 18 വര്‍ഷം തടവ്
  • കേരളാ അസോസിയേഷന്‍ ഓഫ് ഷിക്കാഗോയ്ക്ക് പുതിയ ഭരണസമിതി
  • 2020 ഓടെ പ്രധാന ആണവ നിരായുധീകരണങ്ങള്‍ ഉത്തര കൊറിയ നടപ്പാക്കുമെന്ന് കരുതുന്നുവെന്ന് അമേരിക്ക
  • ഷിക്കാഗോ ഡൗണ്‍ ടൗണ്‍ ടു ഒ ഹയര്‍ വിമാനത്താവളം; മസ്‌കിന്റെ ഭൂഗര്‍ഭ ട്രെയിന്‍ സര്‍വീസ് വരുന്നു
  • ദക്ഷിണ കൊറിയയുമായി ചേര്‍ന്നുള്ള സൈനികാഭ്യാസങ്ങള്‍ അമേരിക്ക റദ്ദാക്കി; സുരക്ഷയുടെ കാര്യത്തില്‍ പ്രതിജ്ഞാബദ്ധമെന്ന് പെന്റഗണ്‍
  • ഫോമാ കണ്‍വന്‍ഷന് ഷിക്കാഗോയില്‍ ഒരുക്കങ്ങള്‍ പൂര്‍ത്തിയായി
  • Write A Comment

     
    Reload Image
    Add code here