അക്കൗണ്ട് മിനിമം ബാലന്‍സ്: എസ്ബിഐ പിഴ 75 ശതമാനം കുറച്ചു; ഏപ്രില്‍ ഒന്നുമുതല്‍ പ്രാബല്യം; 25 കോടി ഉപഭോക്താക്കള്‍ക്ക് ഗുണം ലഭിക്കും

Tue,Mar 13,2018


മുംബൈ: സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) മിനിമം ബാലന്‍സിനുള്ള പിഴ വെട്ടിക്കുറച്ചു.
നേരത്തെ ഈടാക്കിയതില്‍ നിന്ന് 75 ശതമാനത്തിന്റെ കുറവാണു വരുത്തിയിരിക്കുന്നത്. മാറ്റം വരുത്തിയ നിരക്കുകള്‍ ഏപ്രില്‍ ഒന്നുമുതല്‍ പ്രാബല്യത്തില്‍ വരും. പുതിയ തീരുമാനം 25 കോടി ഉപഭോക്താക്കള്‍ക്ക് പ്രയോജനകരമാകും.
മിനിമം ബാലന്‍സ് ഇല്ലാത്തതിന്റെ പേരില്‍ വന്‍തോതില്‍ ബാങ്ക് ഉപഭോക്താക്കളില്‍നിന്ന് പണം ഈടാക്കിയത് വന്‍തോതില്‍ പ്രതിഷേധത്തിനിടയാക്കിയിരുന്നു. ഈ പ്രതിഷേധങ്ങള്‍ കണക്കിലെടുത്തും വിവിധ തുറകളില്‍ നിന്ന് അഭിപ്രായങ്ങള്‍ സ്വരൂപിച്ചുമാണ് ചാര്‍ജുകള്‍ വെട്ടിക്കുറക്കാന്‍ ബാങ്ക് തീരുമാനിച്ചത്.
മെട്രോകളിലും നഗരങ്ങളിലും പിഴ 50 രൂപയില്‍നിന്ന് 15 ആയാണു കുറച്ചിരിക്കുന്നത്. അര്‍ധ നഗരങ്ങളിലും ഗ്രാമങ്ങളിലും പിഴ 40ല്‍നിന്ന് 12 രൂപയായും കുറച്ചിട്ടുണ്ട്. പിഴയ്ക്കു പത്തു രൂപ ജിഎസ്ടി ഈടാക്കും.
മിനിമം ബാലന്‍സ് ഇല്ലെന്നതിന്റെ പേരില്‍ എട്ടുമാസം കൊണ്ട് 1,771 കോടി രൂപ ബാങ്കുകള്‍ ഈടാക്കിയതായുള്ള റിപ്പോര്‍ട്ടുകള്‍ നേരത്തെ പുറത്തുവന്നിരുന്നു. ഇതിനുപിന്നാലെ വലിയ തോതിലുള്ള വിമര്‍ശനവും ഉയര്‍ന്നു.
തങ്ങളുടെ ഉപഭോക്താക്കളില്‍ നിന്നുള്ള അഭിപ്രായങ്ങളും അവരുടെ വികാരങ്ങളും മാനിച്ചാണ് തങ്ങള്‍ നിരക്കുകളില്‍ കുറവു വരുത്തിയതെന്ന് എസ്ബിഐയുടെ റീട്ടെയില്‍ ആന്‍ഡ് ഡിജിറ്റല്‍ ബാങ്കിങ് മാനേജിങ് ഡയറക്ടര്‍ പി.കെ. ഗുപത പറഞ്ഞു.
ബാങ്കിന് 41 കോടി സേവിങ്‌സ് അക്കൗണ്ടുകളോടെ ശക്തമായ അടിത്തറയാണുള്ളത്. ഇതില്‍ 16 കോടി അക്കൗണ്ടുകള്‍ പിഎംജെഡിവൈ, ബിഎസ്ബിഡി വിഭാഗങ്ങളിലുള്ളവയും പെന്‍ഷന്‍കാര്‍, പ്രായപൂര്‍ത്തിയാകാത്തവര്‍, സാമൂഹ്യ സുരക്ഷാ പദ്ധതികളുടെ ഗുണഭോക്താക്കള്‍ തുടങ്ങിയവരുടേതാണ്. ഇതിനു പുറമേ 21 വയസു വരെയുള്ള വിദ്യാര്‍ഥികള്‍ക്കും ഇളവ് അനുവദിച്ചിട്ടുണ്ട്.

Other News

  • രാജ്യത്തിന്​ ഭീഷണിയായ തീവ്രവാദത്തിനെതിരെ ഒറ്റകെട്ടായി പോരാടുമെന്ന്​ സർവകക്ഷിയോഗം
  • പുല്‍വാമ സംഭവത്തില്‍ പാക്കിസ്ഥാന് അനുകൂലമായി സിദ്ദു; ട്വിറ്ററിൽ ട്രെൻഡിങ്ങായി ബോയ്​കോട്ട്​ കപിൽ ശർമ ഷോ
  • പുൽവാമ: സൈനികരുടെ ജീവത്യാഗം വെറുതെയാകില്ലെന്ന്​ ​പ്രധാനമന്ത്രി നരേന്ദ്രമോഡി
  • പുല്‍വാമ ഭീകരാക്രമണം; ഇന്ത്യയ്ക്ക് ഐക്യദാര്‍ഢ്യം പ്രകടിപ്പിച്ച് അന്താരാഷ്ട്ര സമൂഹം, ജയ്‌ഷെ ഇ മുഹമ്മദ് ഉള്‍പ്പെടെയുള്ള ഭീകര സംഘടനകള്‍ക്കെതിരേ ശക്തമായ നടപടി സ്വീകരിക്കണമെന്ന് പാക്കിസ്ഥാനോട് അമേരിക്ക
  • പാക്കിസ്ഥാനെ പൂര്‍ണമായും ഒറ്റപ്പെടുത്താനുറച്ച് ഇന്ത്യ; കശ്മീരില്‍ നിരോധനാജ്ഞ പുറപ്പെടുവിച്ചു; പാകിസ്ഥാന്‍ നയതന്ത്രജ്ഞനെ ഇന്ത്യ വിളിച്ചു വരുത്തി ശാസിച്ചു
  • ' പുല്‍വാമാ ഭീകരാക്രമണം ഞെട്ടിക്കുന്നത്' ; ആക്രമണത്തെ അപലപിച്ച് ചൈനയും
  • സി.ആര്‍.പി.എഫ് വാഹനവ്യൂഹത്തിലേക്ക് ചാവേറായി എത്തിയത് പുല്‍വാമ ജില്ലക്കാരനായ യുവാവ്; താലിബാന്റെ വിജയവാദം പ്രചോദനം പകര്‍ന്നു
  • കാഷ്മീരില്‍ ഭീകരാക്രമണം; 40 സി.ആര്‍.പി.എഫ് ജവാന്മാര്‍ക്ക് വീരമൃത്യു
  • ബിജെപി എംഎല്‍എയുടെ ജന്മദിനത്തില്‍ ഭാര്യയും പെണ്‍സുഹൃത്തും പൊതുസ്ഥലത്ത് ഏറ്റുമുട്ടി; സംഘര്‍ഷം ഒഴിവാക്കാന്‍ പോലീസ് ലാത്തി വീശി
  • സൗദി അറേബ്യയുടെ കിരീടാവകാശി മുഹമ്മദ് ബിൻ സൽമാൻ രാജകുമാരൻ അടുത്തയാഴ്ച ഇന്ത്യ സന്ദർശിക്കും
  • നരേന്ദ്രമോദി വീണ്ടും പ്രധാനമന്ത്രിയാകണമെന്ന് ആഗ്രഹം പ്രകടിപ്പിച്ച് മുലായം; ഉത്തര്‍പ്രദേശ് രാഷ്ട്രീയം കലങ്ങി മറിയാന്‍ സാധ്യത
  • Write A Comment

     
    Reload Image
    Add code here