റഷ്യയുടെ മുന്‍ കെജിബി ചാരന്‍ സെര്‍ജി സ്‌ക്രിപാലിനെയും മകളെയും ലണ്ടനില്‍ കൊലപ്പെടുത്താന്‍ ശ്രമിച്ചതില്‍ റഷ്യയ്ക്ക പങ്കുണ്ടെന്ന് ബ്രിട്ടീഷ് പ്രധാനമന്ത്രി തെരേസ മേ

Tue,Mar 13,2018


ലണ്ടന്‍: ബ്രിട്ടനിലുള്ള റഷ്യയുടെ മുന്‍ കെജിബി ചാരന്‍ സെര്‍ജി സ്‌ക്രിപാലിനെയും(66) പുത്രി യൂലിയയെയും (33) വിഷബാധയേല്‍പ്പിച്ച് കൊലപ്പെടുത്താന്‍ ശ്രമിച്ചതില്‍ റഷ്യന്‍ ഭരണകൂടത്തിനു പങ്കുണ്ടെന്നു കരുതുന്നതായി ബ്രിട്ടീഷ് പ്രധാനമന്ത്രി തെരേസ മേ.
കൊലപാതകശ്രമത്തിന് പിന്നില്‍ റഷ്യയാകാനുള്ള സാധ്യത ഏറെയാണെന്നും പ്രധാനമന്ത്രി വ്യക്തമാക്കി.
റഷ്യ വികസിപ്പിച്ചതിനു സമാനമായ രാസ വിഷവസ്തുക്കള്‍ ഉപയോഗിച്ചാണ് സര്‍ജി സ്‌ക്രിപാലിനെയും പുത്രി യൂലിയയെയും കൊലപ്പെടുത്താന്‍ ശ്രമം നടന്നത്.
കടുത്ത വിഷബാധയേല്‍പ്പിക്കുന്ന രാസവസ്തുക്കളായ നോവിചോക്കാണ് സ്‌ക്രീപലിനും പുത്രിക്കും നേരേ പ്രയോഗിച്ചത്.
റഷ്യന്‍ ഭരണകൂടം നേരിട്ടു നടത്തിയതാണോ മാരകകരായ രാസായുധം മറ്റു കൈകളാല്‍ പ്രയോഗിക്കപ്പെട്ടതാണോ എന്നു വ്യക്തമാക്കണം. റഷ്യന്‍ സ്ഥാനപതിയോട് ഇതുസംബന്ധിച്ച വിശദീകരണം നല്‍കണമെന്ന് വിദേശകാര്യ സെക്രട്ടറി ബോറിസ് ജോണ്‍സണ്‍ ആവശ്യപ്പെട്ടിട്ടുണ്ടെന്നും തെരേസ മേ വ്യക്തമാക്കി.
മാര്‍ച്ച് നാലിനാണ് സ്‌ക്രിപാലിനെയും പുത്രിയെയും വിഷബാധയേറ്റു അബോധാവസ്ഥയില്‍ സാലിസ്ബറിയിലെ ഷോപ്പിംഗ് മാളിലെ ബഞ്ചില്‍ കണ്ടെത്തിയത്.
ഇരുവരും അവശനിലയില്‍ ബ്രിട്ടനിലെ ആശുപത്രിയില്‍ കഴിയുകയാണ്. എന്നാല്‍ തങ്ങളെ കുടുക്കാനായി ബ്രിട്ടന്‍ തന്നെ ആസൂത്രണം ചെയ്ത കൊലപാതക പദ്ധതിയാണിതെന്നാണ് റഷ്യ ആരോപിക്കുന്നത്.

Other News

  • ഇന്ധന വില വര്‍ധനവിനെതിരേ ഫ്രാന്‍സില്‍ ലക്ഷങ്ങള്‍ പങ്കെടുത്ത പ്രതിഷേധ പ്രകടനം; ഒരാള്‍ കൊല്ലപ്പെട്ടു, ഇരുനൂറിലധികം പേര്‍ക്ക് പരിക്ക്
  • ഖഷോഗിയെ കൊലപ്പെടുത്തിയ സംഭവത്തില്‍ അഞ്ച് സൗദി ഉദ്യോഗസ്ഥര്‍ വധശിക്ഷ നേരിടുന്നു
  • ഇന്ത്യ ഉള്‍പ്പടെയുള്ള കോമണ്‍വെല്‍ത്ത് രാഷ്ട്രങ്ങളിലെ പൗരന്മാര്‍ക്ക്‌ ഇനി മുതല്‍ ബ്രിട്ടീഷ് സൈന്യത്തില്‍ ചേരാം
  • ഖഷോഗി വധം; നിര്‍ണായക ടേപ്പുകള്‍ അമേരിക്ക, സൗദി, ബ്രിട്ടന്‍ തുടങ്ങിയ രാജ്യങ്ങള്‍ക്ക് ടര്‍ക്കി കൈമാറി, സൗദിക്ക് എല്ലാം അറിയാമെന്ന് എര്‍ദോഗന്‍
  • ബ്രക്​സിറ്റ്​: ബ്രിട്ടീഷ്​ മന്ത്രി രാജിവെച്ചു
  • ശ്രീലങ്കന്‍ പാര്‍ലമെന്റ് പിരിച്ചുവിട്ടു; തിരഞ്ഞെടുപ്പ് ജനുവരി അഞ്ചിന്
  • തായ്‌ലന്‍ഡിൽ എച്ച്‌ഐവി ബാധിതനായ സൈനികൻ എഴുപതിലേറെ ആണ്‍കുട്ടികളെ പീഡിപ്പിച്ചതായി പരാതി
  • ഫ്രഞ്ച് പ്രസിഡന്റ് മക്രോണിനെ ആക്രമിക്കുവാന്‍ പദ്ധതി തയാറാക്കിയ ആറംഗ സംഘത്തെ അറസ്റ്റ് ചെയ്തു
  • ഒരു വര്‍ഷമായി കസ്റ്റഡിയിലായിരുന്ന സൗദി രാജകുമാരന്‍ ഖാലിദ് ബിന്‍ വലീദിനെ മോചിപ്പിച്ചു
  • ഖഷോഗിയുടെ മൃതദേഹം കഷണങ്ങളാക്കി ആസിഡില്‍ ലയിപ്പിച്ച് 'അപ്രത്യക്ഷമാക്കിയെന്ന്' ടര്‍ക്കി
  • സര്‍ക്കാരുമായി ഏറ്റുമുട്ടലിനു വരരുത്; അസിയ ബീബിയെ വെറുതെ വിട്ട കോടതി നടപടിക്കെതിരേ പ്രക്ഷോഭം നടത്തുന്നവര്‍ക്ക് ഇമ്രാന്‍ ഖാന്റെ മുന്നറിയിപ്പ്
  • Write A Comment

     
    Reload Image
    Add code here