സ്ത്രീകളെ വെറും ഇറച്ചികഷണമായി കാണുന്ന ട്രമ്പിന് പ്രസിഡന്റ് പദവിയിലിരിക്കാന്‍ ധാര്‍മിക അവകാശമില്ലെന്ന് മുന്‍ എഫ്ബിഐ ഡയറക്ടര്‍ ജെയിംസ് കോമി

Mon,Apr 16,2018


വാഷിംഗ്ടണ്‍: യുഎസ് പ്രസിഡന്റായിരിക്കാന്‍ ഡോണള്‍ഡ് ട്രമ്പിന് ധാര്‍മികമായ ഒരര്‍ഹതയുമില്ലെന്ന് മുന്‍ എഫ്ബിഐ ഡയറക്ടര്‍ ജെയിംസ് കോമി.
സ്ത്രീകളെ വെറും ഇറച്ചികഷണമായാണ് ട്രമ്പ് പരിഗണിക്കുന്നതെന്നും കോമി ആരോപിച്ചു. കഴിഞ്ഞ വര്‍ഷം ഡയറക്ടര്‍ പദവിയില്‍ നിന്ന് ട്രമ്പ് പുറത്താക്കിയതിനു ശേഷം ഇതാദ്യമായാണ് ടെലിവിഷന്‍ അഭിമുഖത്തിലൂട ജെയിംസ് കോമി ഇത്ര ഗുരുതരമായ ആരോപണങ്ങള്‍ ഉന്നയിക്കുന്നത്.
നിരന്തരമായി നുണ പറയുന്ന ട്രമ്പ് രാജ്യത്തിലെ നീതി നിര്‍വഹണത്തെ തടസപ്പെടുത്തുകയാണെന്നും എ.ബി.സി ന്യൂസിനു നല്‍കിയ അഭിമുഖത്തില്‍ ജെയിംസ് കോമി കുറ്റപ്പെടുത്തി.
കോമിയുടെ അഭിമുഖത്തിനു മണിക്കൂറുകള്‍ മുമ്പ് ജെയിംസ് കോമി വലിയ നുണയനാണെന്ന് പ്രസിഡന്റ് ട്രമ്പ് മറ്റൊരു അഭിമുഖത്തില്‍ കുറ്റപ്പെടുത്തിയിരുന്നു.
ഞായറാഴ്ച രാത്രി എബിസി ന്യൂസ് സംപ്രേഷണം ചെയ്ത 20/20 എന്ന അഭിമുഖപരിപാടിയിലാണ് ട്രമ്പിന്റെ ആരോപണങ്ങള്‍ക്ക് ശക്തമായ പ്രതികരണവുമായി മുന്‍ എഫ്ബിഐ ഡയറക്ടര്‍ പ്രതികരിച്ചത്.
ട്രമ്പ് നുണയനാണെന്ന ആരോപണം വിലകൊടുത്തുവാങ്ങേണ്ട കാര്യമില്ലെന്നും മാനസികമായി പൂര്‍ണ വളര്‍ച്ചെയെത്താത്തതും മതിഭ്രമത്തിന്റെ ആരംഭ ദശയിലുള്ളതുമായ ഒരാളുടെ വാക്കുകളായി മാത്രമേ തനിക്കെതിരായ ആരോപണങ്ങളെ പരിഗണിക്കുന്നുള്ളു എന്നും ജെയിംസ് കോമി വ്യക്തമാക്കി.
പ്രസിഡന്റായി പ്രവര്‍ത്തിക്കാന്‍ മെഡിക്കല്‍ ആയി ട്രമ്പ് യോഗ്യനാണെന്നു കരുതുന്നില്ല. ധാര്‍മികമായും പ്രസിഡന്റായിരിക്കാന്‍ അദ്ദേഹത്തിനുയോഗ്യതയില്ലെന്നു തന്നെയാണ് കരുതുന്നത്-ജെയിംസ് പറഞ്ഞു.
പ്രസിഡന്റ് എപ്പോഴും രാജ്യത്തിന്റെ ബഹുമാന്യതയും മൂല്യങ്ങളും മുറുകെ പിടിക്കുന്നയാള്‍ ആയിരിക്കണം.
ഏറ്റവും പ്രധാനപ്പെട്ടത് പ്രസിഡന്റ് സത്യസന്ധനായിരിക്കുക എന്നതാണ്. പക്ഷെ ഈ പ്രസിഡന്റിന് അങ്ങനെയായിരിക്കാന്‍ കഴിയുന്നില്ല അതിന് അദ്ദേഹം അര്‍ഹനുമല്ല.-കോമി പറയുന്നു.

Other News

  • അതിര്‍ത്തി മതിലിനുള്ള ഫണ്ട് കണ്ടെത്താന്‍ നാഷണല്‍ എമര്‍ജന്‍സി പ്രഖ്യാപിച്ച് ട്രമ്പ്; വരാന്‍ പോകുന്നത് നിയമ പോരാട്ടം
  • സ്വയം പ്രതിരോധിക്കാൻ ഇന്ത്യക്ക് അവകാശമുണ്ടെന്ന് അമേരിക്ക
  • ചിക്കാഗോയിൽ നിന്ന്​ 65 കിലോമീറ്റർ അകലെ അറോറയിയില്‍ വെടിവെപ്പ്; അഞ്ച്​ മരണം
  • മതില്‍ വിഷയത്തില്‍ രണ്ടും കല്‍പിച്ച് ട്രമ്പ്; ഫണ്ട് വക മാറ്റി ചെലവഴിക്കാന്‍ പ്രസിഡന്റിന് അധികാരമുണ്ടെങ്കിലും ജനപ്രതിനിധി സഭ നോക്കിയിരിക്കില്ല
  • സിറിയയില്‍ നിന്നുള്ള സേനാ പിന്മാറ്റം; ട്രമ്പിന്റെ തീരുമാനത്തോടു വിയോജിപ്പു പ്രകടിപ്പിച്ച് മിഡില്‍ ഈസ്റ്റിലെ അമേരിക്കന്‍ ജനറല്‍ രംഗത്ത്
  • ഷട്ട്ഡൗണ്‍ ഒഴിവാക്കാന്‍ ബോര്‍ഡര്‍ സെക്യൂരിറ്റി ബില്ലില്‍ ട്രമ്പ് ഒപ്പുവയ്ക്കും; നാഷണല്‍ എമര്‍ജന്‍സി പ്രഖ്യാപിച്ച് അതിര്‍ത്തി മതിലിനുള്ള ഫണ്ട് കണ്ടെത്തും
  • ഷിക്കോഗോ സീറോ മലബാര്‍ കത്തീഡ്രലിലെ പുതിയ വികാരിക്ക് സ്വീകരണം
  • ധര്‍മ്മ സംവാദ പരമ്പരയുടെ സമാപനം ന്യൂയോര്‍ക്കില്‍
  • സംസ്ഥാന - പ്രാദേശിക രാഷ്ട്രീയ നേതാക്കളുടെ എതിര്‍പ്പ്; ന്യൂയോര്‍ക്കില്‍ പുതിയ ഹെഡ്ക്വാര്‍ട്ടേഴ്‌സ നിര്‍മിക്കാനുള്ള നീക്കം ആമസോണ്‍ ഉപേക്ഷിച്ചു
  • ഇറാനു വേണ്ടി ചാരപ്പണി നടത്തിയ മുന്‍ അമേരിക്കന്‍ വ്യോമസേനാ ഓഫീസര്‍ മോനിക്കയ്‌ക്കെതിരേ കുറ്റപത്രം
  • ഇതൊന്നും മറക്കില്ല; വെനിസ്വേലയില്‍ നിന്ന് എണ്ണ വാങ്ങുന്ന ഇന്ത്യ ഉള്‍പ്പെടെയുള്ള രാജ്യങ്ങള്‍ക്ക് അമേരിക്കയുടെ മുന്നറിയിപ്പ്
  • Write A Comment

     
    Reload Image
    Add code here