റേഡിയോ ജോക്കി രാജേഷിന്റെ കൊലപാതകം: ഒളിവിലായിരുന്ന അപ്പുണ്ണിയെ തമിഴ്‌നാട്ടില്‍ നിന്ന് പിടികൂടി

Mon,Apr 16,2018


തിരുവനന്തപുരം: കിളിമാനൂരിലെ റേഡിയോ ജോക്കി രാജേഷിനെ സ്റ്റുഡിയോയ്ക്കുള്ളില്‍ വെട്ടി കൊലപ്പെടുത്തിയ കേസില്‍ ഒളിവിലായിരുന്ന മുഖ്യ പ്രതികളിലൊരാളായ അപ്പുണ്ണി പിടിയിലായി.
തമിഴ്‌നാട്ടിലെ ഒളികേന്ദ്രത്തില്‍ നിന്നാണ് ഇയാളെ കേരള പോലീസ് പിടികൂടിയത്. അപ്പുണ്ണിക്ക് കൊലപാതകത്തില്‍ നേരിട്ട് പങ്കുണ്ടെന്നാണ് പോലീസ് പറയുന്നത്. നേരത്തെ പിടിയിലായ ക്വേട്ടഷന്‍ സംഘത്തിലെ പ്രധാനി അലിഭായിയുടെ സഹായി ആയിരുന്നു അപ്പുണ്ണി. .
പോലീസ് അന്വേഷണം ആരംഭിച്ചതോടെ ചെന്നൈയിലേക്കു മുങ്ങിയ അപ്പുണ്ണി രണ്ടാഴ്ചയായി അവിടെ ഒളിവില്‍ കഴിയുകയായിരുന്നു. ഖത്തറിലെ വ്യവസായി അബ്ദുല്‍ സത്താറാണു രാജേഷിനെ കൊല്ലാന്‍ ക്വട്ടേഷന്‍ നല്‍കിയതെന്ന് അലിഭായി മൊഴി നല്‍കിയിരുന്നു. മടവൂര്‍ ജംക്ഷനില്‍ സ്വന്തം ഉടമസ്ഥതയിലുള്ള മെട്രാസ് റിക്കോര്‍ഡിങ് സ്റ്റുഡിയോയില്‍ മാര്‍ച്ച് 27നു പുലര്‍ച്ചെയാണു രാജേഷ് വെട്ടേറ്റു മരിച്ചത്.. കയ്യിലും കാലിലുമായി പതിനഞ്ചു വെട്ടുകളാണ് ഉണ്ടായിരുന്നത്. .
രക്തം വാര്‍ന്നാണു മരണം. ഖത്തറില്‍ വെച്ച് രാജേഷുമായി അടുപ്പത്തിലായിരുന്ന യുവതിയുടെ മുന്‍ ഭര്‍ത്താവ് അബ്ദുല്‍ സത്താറാണ് രാജേഷിനെ കൊലപ്പെടുത്താന്‍ അലിഭായിക്ക് ക്വട്ടേഷന്‍ നല്‍കിയതെന്നാണ് പോലീസ് പറയുന്നത്. രാജേഷുമായി ഭാര്യയ്ക്കുണ്ടായ അടുപ്പം മൂലം കുടുംബം തകരുകയും യുവതി വേറെ താമസിക്കുകയും ചെയ്തതും ബിസിനസ് തകര്‍ന്നതും മൂലമുണ്ടായ വൈരാഗ്യമാണ് കൊലപാതകത്തിനു കാരണമെന്നും പറയുന്നു.
രാജേഷ് വെട്ടേറ്റു കൊല്ലപ്പെടുന്ന സമയത്തും ഈ യുവതിയുമായി ഫോണില്‍ സംസാരിക്കുകയായിരുന്നു എന്നു കണ്ടെത്തിയിട്ടുണ്ട്.
ഫോണിലൂടെ രാജേഷിന്റെ കരച്ചില്‍ കേട്ടതായും യുവതി പോലീസിനു നല്‍കിയ മൊഴിയില്‍ പറഞ്ഞിരുന്നു.

Other News

  • മനുഷ്യക്കടത്ത് കേസ് : മുനമ്പത്ത് നിന്ന് സ്വിറ്റ്‌സര്‍ലാന്‍ഡിലേക്ക് പുറപ്പെട്ട ബോട്ടില്‍ മലയാളികളില്ലെന്ന് പൊലീസ്
  • ലോക് തെരഞ്ഞെടുപ്പില്‍ യുഡിഎഫിനു സര്‍വനാശം സംഭവിക്കുമെന്ന് വെള്ളാപ്പള്ളി
  • ' ഞാന്‍ എഴുതുന്നത് എന്റെ പച്ചയായ ജീവിതം' : എച്ചുമുക്കുട്ടി; സാമൂഹിക മാധ്യമ വിചാരണകളോട് എഴുത്തുകാരി പ്രതികരിക്കുന്നു
  • കേരളത്തില്‍ കഴിഞ്ഞ വര്‍ഷം കാണാതായത് 12453 പേരെ; ഇവരില്‍ 11761 പേരെ കണ്ടെത്തി
  • കണ്ണൂർ വിമാനത്താവളത്തിൽനിന്ന് കൂടുതൽ അന്താരാഷ്ട്ര, ആഭ്യന്തര സർവീസ് ആരംഭിക്കും;എയർഇന്ത്യയുടെ അമിതനിരക്ക് കുറയ്ക്കണമെന്ന് മുഖ്യമന്ത്രി: വിമാനക്കമ്പനി സി.ഇ.ഒ മാരുമായി മുഖ്യമന്ത്രി ചർച്ച നടത്തി
  • അധോലോക നായകന്‍ രവി പൂജാര വീണ്ടും ഭീഷണിപ്പെടുത്തുന്നുവെന്ന് നടി ലീന മരിയ പോള്‍
  • മനുഷ്യക്കടത്തിന് മുനമ്പത്ത് എത്തിയ സംഘത്തിന് മലയാളികളുടെ സഹായവും ലഭിച്ചുവെന്ന് അന്വേഷണ ഉദ്യോഗസ്ഥര്‍
  • ശബരിമല സ്ത്രീപ്രവേശനം: ആവശ്യങ്ങളില്‍ ഒന്നുപോലും നേടാതെ സെക്രട്ടറിയറ്റു നടയിലെ നിരാഹാര സമരം ബിജെപി അവസാനിപ്പിച്ചു
  • ശബരിമലയില്‍ 51 യുവതികള്‍ പ്രവേശിച്ചതായി സംസ്ഥാന സര്‍ക്കാര്‍ സുപ്രീംകോടതിയില്‍
  • ശബരിമല: നിരാഹാരം കിടക്കാന്‍ മുതിര്‍ന്ന നേതാക്കളില്ല; സെക്രട്ടറിയറ്റിനു മുന്നിലെ ബിജെപി സമരം ലക്ഷ്യം കാണാതെ അവസാനിപ്പിക്കുന്നു
  • കനക ദുര്‍ഗയ്ക്കും ബിന്ദുവിനും പൂര്‍ണ സമയ സംരംക്ഷണം നല്‍കണമെന്ന് സര്‍ക്കാരിനോട് സുപ്രിംകോടതി
  • Write A Comment

     
    Reload Image
    Add code here