ദീപക്കിനെതിരായ കംപ്ലയിന്റ് ഡിജിപിക്ക് നല്‍കിയ കത്തിലൂടെ ബിജെപി കോംപ്ലിമെന്റാക്കി; അപഹാസ്യരായി നേതാക്കള്‍

Tue,Apr 17,2018


തിരുവനന്തപുരം: ബിജെപിക്കെതിരെ ഫെയ്‌സ് ബുക്ക് പോസ്റ്റ് എഴുതിയതിന്റെ പേരില്‍ സംഘപരിവാര്‍ സംഘടനകളുടെ സൈബര്‍ ആക്രമണത്തിനു വിധേയനായ സാമൂഹ്യ പ്രവര്‍ത്തകന്‍ ദീപക് ശങ്കരനാരായണനെതിരെ ഡിജിപിക്കു നല്‍കിയ പരാതി അക്ഷരത്തെറ്റുമൂലം അഭിനന്ദനമായി.
ദീപിക്കിനെതിരായ ക്പ്ലയിന്റ് എന്നതിനു പകരം കോംപ്ലിമെന്റ് ആയി പോയതാണ് ബിജെപി നേതാക്കളെ പരിഹാസ്യരാക്കിയത്.
കത്ത് തുടങ്ങുന്നതു തന്നെ മഹാ അബദ്ധത്തിലാണ്. ഡിയര്‍ സര്‍ (്Dear sir) എന്നത് Dair Sir എന്നാണ് എഴുതിയിട്ടുള്ളത്
. കഠ്വ ബാലികയുടെ കൊലപാതകത്തിന്റെ പശ്ചാത്തലത്തിലാണ് ബിജെപിയെയും സംഘപരിവാറിനെയും രൂക്ഷമായി വിമര്‍ശിച്ച് ദീപക് നാരായണന്‍ ഫെയ്‌സ് ബുക്കില്‍ പോസ്റ്റ് എഴുതിയത്.
ഇതെ തുടര്‍ന്ന് രാജ്യവ്യാപകമായി ദീപകിനെതിരെ സംഘപരിവാര സംഘടനകള്‍ സൈബര്‍ ആക്രമണവും തെറിവിളിയും നടത്തുകയായിരുന്നു. കഠ്വയില്‍ പെണ്‍കുട്ടി കൊല്ലപ്പെട്ട ഉടനെ വിദ്വേഷകരമായ പോസ്റ്റിട്ട ബിജെപി സംസ്ഥാന ജനറല്‍ സെക്രട്ടറി എ.എന്‍ രാധാകൃഷ്ണന്റെ സഹോദര പുത്രനും കോട്ടക് മഹീന്ദ്ര ബാങ്ക് ഉദ്യോഗസ്ഥനുമായിരുന്ന വിഷ്ണു നന്ദകുമാറിനെതിരെ വ്യാപകമായ പരാതി ഉയര്‍ന്നിരുന്നു. ഇതെതുടര്‍ന്ന് കോട്ടക് മഹീന്ദ്ര വിഷ്ണുവിനെ പിരിച്ചുവിടുകയും പോലീസ് ഇയാള്‍ക്കെതിരെ കേസെടുക്കുകയും ചെയ്തിരുന്നു.
ഇതേ മാതൃകയില്‍ ദീപക്കിന്റെ പണി തെറിപ്പിക്കാനും കേസെടുപ്പിക്കാനുമുള്ള ബിജെപി നേതൃത്വത്തിന്റെ ശ്രമമമാണ് അപഹാസ്യമായത്. സംസ്ഥാ പോലീസ് മേധാവിക്കു നല്‍കിയ പരാതിയില്‍ ഫെയ്‌സിബുക്കില്‍ വന്ന കുറിപ്പിന് ദീപക്കിനുള്ള അഭിനന്ദനം എന്നാണ് ബിജെപി നേതാക്കള്‍ എഴുതിയിട്ടുള്ളത്.
പ്രകോപനപരമായ കമന്റെന്നു ബിജപി നേതൃത്വം പരാതി നല്‍കിയ കമന്റിന് പാര്‍ട്ടി ഔദ്യോഗികമായി നല്‍കിയ കത്തിലൂടെ അനുമോദനമാണ് നല്‍കിയിരിക്കുന്നത്.
ദീപക് ജോലി ചെയ്യുന്ന എച്ച്പി ഇന്ത്യയുടെ ഫെയ്‌സ്ബുക് പേജിലും സംഘപരിവാര്‍ പ്രവര്‍ത്തകര്‍ സൈബര്‍ ആക്രമണം നടത്തിയിരുന്നു. ദീപക്കിന്റെ ജോലി നഷ്ടപ്പെടുത്തുകയായിരുന്നു ലക്ഷ്യം.
ദീപക്കിനെ പിന്തുണച്ച അധ്യാപിക ദീപ നിശാന്തിനെതിരെയും സംഘപരിവാര്‍ പ്രവര്‍ത്തകരുടെ സൈബര്‍ ആക്രമണവും ഭീഷണിയും തുടരുന്നുണ്ട്.
അതേ സമയം തന്റെ ഫെയ്‌സ് ബുക്ക് പോസ്റ്റ് സംഘപരിവാര ശക്തികള്‍ വളച്ചൊടിച്ചുവെന്നാണ് ദീപകിന്റെ വിശദീകരണം.
ഇതിനിടെ ദീപക് ശങ്കരനാരായണന്‍ എച്ച്പി ജീവനക്കാരനല്ലെന്നും അദ്ദേഹത്തിന്റെ പോസ്റ്റിലെ അഭിപ്രായങ്ങള്‍ വ്യക്തിപരമാണെന്നും കമ്പനി വക്താവ് അറിയിച്ചു.

Other News

  • ശബരിമല സ്ത്രീ പ്രവേശന വിഷയത്തിലെ എല്ലാ ഹര്‍ജികളും നവംബറില്‍ പരിഗണിക്കും: സുപ്രീംകോടതി
  • രാഹുല്‍ ഈശ്വറിനെ കോടതി ജാമ്യത്തില്‍ വിട്ടു
  • ശബരിമല സ്ത്രീ പ്രവേശനം: ദേവസ്വം ബോര്‍ഡിന്റെ നിര്‍ണായക യോഗം ഇന്ന്
  • ശബരിമലയെ കലാപ ഭൂമിയാക്കാന്‍ സംഘപരിവാര്‍ ആസൂത്രിത നീക്കം നടത്തിയെന്ന് മുഖ്യമന്ത്രി
  • അന്തരിച്ച കവി അയ്യപ്പനെതിരെ വീണ്ടും ലൈംഗിക ആരോപണം; പീഡന ശ്രമം നടത്തിയെന്ന് എഴുത്തുകാരി എച്ചുമുക്കുട്ടി
  • ഗള്‍ഫിലെ അറബി സംസാര ഭാഷ എളുപ്പമാക്കുന്നതിന് മലയാളി രചിച്ച പുസ്തകങ്ങള്‍ ശ്രദ്ധേയമാകുന്നു
  • ബിഷപ് ഫ്രാങ്കോ മുളയ്ക്കലിനെതിരെ മൊഴി നല്‍കിയ വൈദികനെ മരിച്ചനിലയില്‍ കണ്ടെത്തി; കൊലപാതകമെന്ന് ബന്ധുക്കള്‍
  • യു.എ.ഇ സന്ദര്‍ശനത്തിന് ശേഷം മുഖ്യമന്ത്രി പിണറായി വിജയന്‍ മടങ്ങിയെത്തി
  • ശബരിമല യുവതീ പ്രവേശനവിധി : റിവ്യൂ ഹര്‍ജികളുടെ പരിഗണനാ തീയതി സുപ്രിം കോടതി നാളെ തീരുമാനിക്കും
  • ശബരിമലയില്‍ ഇന്ന് നടയടക്കും; തിങ്കളാഴ്ച അയ്യപ്പ ദര്‍ശനത്തിനായി യുവതികളുടെ ശ്രമം
  • ശബരിമല കയറാനെത്തിയ രഹന ഫാത്തിമക്കെതിരെ ബിഎസ്എന്‍എല്‍ വകുപ്പ് തല നടപടി ആരംഭിച്ചു
  • Write A Comment

     
    Reload Image
    Add code here