'ഫ്‌ളോറന്‍സ്' ചുഴലി കൊടുങ്കാറ്റ് കരോലിന തീരത്തോട് അടുക്കുന്നു; കാറ്റിന്റെ ശക്തി കുറഞ്ഞുവെങ്കിലും 'അനേകരുടെ മരണത്തിനു' കാരണമായേക്കുമെന്ന് മുന്നറിയിപ്പ്

Thu,Sep 13,2018


വാഷിംഗ്ടണ്‍ ഡി സി: അമേരിക്കയുടെ കിഴക്കന്‍ തീരത്തേക്ക് അതീവ അപകടകാരിയായ 'ഫ്‌ളോറന്‍സ്' ചുഴലി കൊടുങ്കാറ്റ് ഏതാനും മണിക്കൂറുകള്‍ക്കുള്ളില്‍ എത്തും. കാറ്റിന്റെ ശക്തി കുറഞ്ഞിട്ടുണ്ടെങ്കിലും 'അനേകരുടെ മരണത്തിന്' ചുഴലിക്കാറ്റ് കാരണമായേക്കുമെന്ന് അധികൃതര്‍ മുന്നറിയിപ്പ് നല്‍കി. ചഴലിക്കാറ്റിനൊപ്പം ഉണ്ടാകുന്ന കനത്ത മഴ വളിയ വെള്ളപ്പൊക്കത്തിനു കാരണമാകുമെന്ന് ഫെഡറല്‍ എമര്‍ജന്‍സി മാനേജ്‌മെന്റ് ഏജന്‍സി അഡ്മിനിസ്‌ട്രേറ്റര്‍ ബ്രോക് ലോങ് പറഞ്ഞു. മണിക്കൂറില്‍ 105 മൈല്‍ വേഗതിയിലേക്കു കുറഞ്ഞതിനെ തുടര്‍ന്ന് ചുഴലി കൊടുങ്കാറ്റിനെ കാറ്റഗരി രണ്ടിലേക്ക് ഡൗണ്‍ഗ്രേഡ് ചെയ്തിട്ടുണ്ടെങ്കിലും 'അതീവ അപകടകാരിയായി' നിലനില്‍ക്കുന്നുവെന്നതാണ് യാഥാര്‍ഥ്യമെന്ന് അദ്ദേഹം ഓര്‍മിപ്പിച്ചു. കരോലിന, വിര്‍ജീനിയ എന്നിവിടങ്ങളില്‍ അടിക്കണക്കിനു മഴയാണ് ഉണ്ടാകാന്‍ പോകുന്നതെന്ന് അദ്ദേഹം പറഞ്ഞു. നദികള്‍ക്കു സമീപവും, താഴ്ന്ന പ്രദേശങ്ങളിലും താസിക്കുന്നവര്‍ ഇനിയും ഒഴിഞ്ഞു പോയില്ലെങ്കില്‍ സമയം തീര്‍ന്നു കൊണ്ടിരിക്കുയാണെന്ന് അദ്ദേഹം കൂട്ടിച്ചേര്‍ത്തു.
നോര്‍ത്ത് കരോലിനയുടെ തീരപ്രദേശങ്ങളിലുള്ള ദ്വീപുകളില്‍ കനത്ത മഴ ചെയ്തു തുടങ്ങിയിട്ടുണ്ട്. പ്രാദേശിക സമയം വെള്ളിയാഴ്ച രാവിലെ എട്ടുമണിയോടെ ചുഴലിക്കാറ്റ് കരയില്‍ എത്തുമെന്നാണ് കണക്കുകൂട്ടല്‍.
ചുഴലിക്കാറ്റ് വീശുന്ന പ്രദേശങ്ങളില്‍ ഒരു കോടിയോളം ജനങ്ങള്‍ താമസിക്കുന്നുണ്ടെന്നാണ് റിപ്പോര്‍ട്ട്. മേഖലയിലെ പെട്രോള്‍ സ്റ്റേഷനുകളില്‍ ക്ഷാമം അനുഭപ്പെട്ടു തുടങ്ങി. പത്തു മുതല്‍ 30 ലക്ഷം വരെ വീടുകളില്‍ വൈദ്യുതിബന്ധം നഷ്ടപ്പെട്ടേക്കാമെന്ന് എനര്‍ജി കമ്പനികള്‍ അറിയിച്ചു. 1400 ഓളം വിമാന സര്‍വീസുകള്‍ റദ്ദാക്കി. തീര മേഖലയിലെ വിമാനത്താവളങ്ങളെല്ലാം അടച്ചിട്ടിരിക്കുകയാണ്.

Other News

  • കാത്തിരിപ്പിനു വിട, മ്യൂള്ളര്‍ റിപ്പോര്‍ട്ട് സമര്‍പ്പിച്ചു; എന്തൊക്കെ കാര്യങ്ങള്‍ വെളിപ്പെടുത്തണമെന്ന് അറ്റോര്‍ണി ജനറല്‍ തീരുമാനിക്കും
  • ഫോമാ സ്‌പോര്‍ട്‌സ് കമ്മറ്റി; ജെയിംസ് ഇല്ലിക്കല്‍ ചെയര്‍മാന്‍
  • ബോയിംഗ് മാക്‌സ് 737; മുമ്പ് ആവശ്യക്കാര്‍ക്കു മാത്രം വില്‍പന നടത്തിയിരുന്ന സുരക്ഷാ സംവിധാനം എല്ലാ വിമാനങ്ങളിലും ഘടിപ്പിച്ച് പ്രതിസന്ധി മറികടക്കാന്‍ ശ്രമം
  • ഗോലാന്‍ കുന്നുകള്‍ ഇസ്രയേലിന്റെ ഭാഗമാണെന്ന് അംഗീകരിക്കുവാന്‍ സമയമായെന്ന് ട്രമ്പ്
  • ഇന്ത്യന്‍ വംശജനായ 11 വയസുകാരന്‍ 'ഹെര്‍ക്കുലീസ്, ഹൗദിനി, ഹോംസ്' എന്ന അമേരിക്കന്‍ ചിത്രത്തില്‍ കസറുന്നു
  • മാഗ് ബാസ്‌കറ്റ്ബാള്‍ ; ട്രിനിറ്റി മാര്‍ത്തോമാ ടീം ചാമ്പ്യന്മാര്‍
  • ഹൂസ്റ്റണില്‍ വൈദിക മന്ദിരത്തിന്റെ വെഞ്ചരിപ്പും, എസ്ര പ്രയര്‍ മീറ്റും നടത്തുന്നു
  • ഹൈസ്‌കൂള്‍ വിദ്യാര്‍ഥിനിയായ ഇന്ത്യന്‍ വംശജ പ്രസവിച്ചു; നവജാത ശിശുവിനെ കൊന്നു, കേസായി, അച്ഛന്‍ ജീവനൊടുക്കി
  • ബോയിംഗ് 737 മാക്‌സ് വിമാനങ്ങളുടെ സുരക്ഷ; അന്വേഷണത്തിന് എഫ്.ബി.ഐ യും
  • നിക്ഷേപം നടത്തി അമേരിക്കയിലേക്ക് വിസ സമ്പാദിക്കുന്ന ഇന്ത്യക്കാരുടെ എണ്ണത്തില്‍ വന്‍ കുതിപ്പ്; 2018 ല്‍ മൂന്നാംസ്ഥാനത്ത്
  • ഡബ്ല്യൂ.എം.സി ഹൂസ്റ്റണ്‍ പ്രൊവിന്‍സ് ബിസിനസ് ഫോറത്തിന് തുടക്കമായി
  • Write A Comment

     
    Reload Image
    Add code here