കനത്ത മഴ, കാറ്റ്; വന്‍ നാശം വിതച്ച് 'ഫ്‌ളോറന്‍സ്' നോര്‍ത്ത് കരോലിനയില്‍ വീശിയടിക്കുന്നു, അഞ്ചു പേര്‍ കൊല്ലപ്പെട്ടു

Fri,Sep 14,2018


വാഷിംഗ്ടണ്‍ ഡി സി: കാറ്റിന്റെ വേഗം കുറഞ്ഞതിനെ തുടര്‍ന്ന് 'ഫ്‌ളോറന്‍സ്' ചുഴലി കൊടുങ്കാറ്റ് ട്രോപ്പിക്കല്‍ സ്റ്റോം എന്ന നിലയിലേക്ക് ഡൗണ്‍ഗ്രേഡ് ചെയ്‌തെങ്കിലും നോര്‍ത്ത് കരോലിനയില്‍ കനത്ത മഴയും കാറ്റും ജനജീവിതം വലിയ നാശം വിതയ്ക്കുകയാണ്. സംസ്ഥാനത്ത് ഇതുവരെ അഞ്ചു പേര്‍ പ്രകൃതി ദുരന്തത്തില്‍ കൊല്ലപ്പെട്ടു. അഞ്ചു ലക്ഷത്തോളം വീടുകളില്‍ വൈദ്യുതി വിതരണം തടസപ്പെട്ടു. നോര്‍ത്ത് കരോലിനയിലെ ജാക്‌സണ്‍വില്ലില്‍ ഒരു ഹോട്ടല്‍ തകര്‍ന്നതിനെ തുടര്‍ന്ന് അപകടാവസ്ഥയിലായ 60 താമസക്കാരെ രക്ഷാപ്രവര്‍ത്തകര്‍ സുരക്ഷിത കേന്ദ്രങ്ങളിലേക്ക് മാറ്റി. മാറി താമസിക്കണമെന്ന നിര്‍ദേശം പാലിക്കാത്തവര്‍ ദുരന്തം സ്വയം വിളിച്ചു വരുത്തുകയാണെന്ന് നോര്‍ത്ത് കരോലിന ഗവര്‍ണര്‍ രോയ് കൂപ്പര്‍ പറഞ്ഞു.
എട്ടു മാസത്തെ മഴ ഈ മൂന്നു ദിവസം കൊണ്ട് നോര്‍ത്ത് കരോലിനയില്‍ ലഭിക്കുമെന്നാണ് നാഷണല്‍ വെതര്‍ സര്‍വീസ് പറയുന്നത്. ശക്തമായ മഴ വലിയ വെള്ളപ്പൊക്കം സൃഷ്ടിക്കുമെന്ന് അധികൃതര്‍ മുന്നറിയിപ്പ് നല്‍കി. വെള്ളിയാഴ്ച രാവിലെ വരെ നോര്‍ത്ത് കരോലിനിയിലെ തീര നഗരമായ അറ്റിലാന്റിക് ബീച്ചില്‍ 30 ഇഞ്ച് മഴ ലഭിച്ചതായി യു.എസ് ജിയോളജിക്കല്‍ സര്‍വീസ് പറഞ്ഞു. കാറ്റിന്റെ ശക്തി കുറഞ്ഞെങ്കിലും മഴ ഏതാനും ദിവസം ഇവിടെ തുടരുമെന്നാണ് റിപ്പോര്‍ട്ട്. വെള്ളപ്പൊക്കത്തെ തുടര്‍ന്നുള്ള കെടുതികള്‍ നോര്‍ത്ത് കരോലിനയെ ഗുരുതരമായി ബാധിക്കുമെന്ന് അധികൃതര്‍ മുന്നറിയിപ്പ് നല്‍കി.
ചുഴലിക്കാറ്റ് 18 ട്രല്യണ്‍ ഗാലന്‍ മഴവെള്ളം അമേരിക്കന്‍ മണ്ണില്‍ എത്തിക്കുമെന്ന് കാലാവസ്ഥാ കേന്ദ്രങ്ങള്‍ പറയുന്നു. കഴിഞ്ഞ വര്‍ഷം ടെക്‌സസില്‍ ദുരന്തം വിതച്ച ഹാര്‍വി ചുഴലി കൊടുങ്കാറ്റ് 33 ട്രില്യണ്‍ ഗാലന്‍ മഴവെള്ളമാണ് മണ്ണില്‍ എത്തിച്ചത്. വൈദ്യുതി ബന്ധം പുന:സ്ഥാപിക്കുവാന്‍ ദിവസങ്ങളോ ആഴ്ചകളോ എടുത്തേക്കുമെന്ന് അധികൃതര്‍ പറഞ്ഞു.

Other News

  • ആണവ സാങ്കേതിക വിദ്യ സൗദിക്കു കൈമാറാനുള്ള ട്രമ്പ് ഭരണകൂടത്തിന്റെ നീക്കത്തിനെതിരേ ജനപ്രതിനിധി സഭ അന്വേഷണത്തിന്
  • സൗത്ത് ഫ്‌ളോറിഡ നവകേരളയ്ക്ക് നവസാരഥികള്‍
  • ഇന്ത്യ കാത്തലിക് അസോ. ഓഫ് അമേരിക്കയുടെ വാര്‍ഷികം നടത്തി
  • വൈറ്റ്ഹൗസ് പിടിക്കാന്‍ വീണ്ടും ബേര്‍ണി സാന്‍ഡേഴ്‌സ്; നോമിനേഷന്‍ നേടിയാല്‍ ഏറ്റവും പ്രായം കൂടിയ സ്ഥാനാര്‍ഥി എന്ന ഖ്യാതിക്ക് അര്‍ഹനാകും
  • ഹൂസ്റ്റണില്‍ ഇന്ത്യന്‍ ദമ്പതികള്‍ വെടിയേറ്റു മരിച്ച നിലയില്‍; ആത്മഹത്യയെന്ന് സംശയം
  • ഫോമാ സണ്‍ഷൈന്‍ റീജിയന്‍ ബാഡ്മിന്റന്‍ ടൂര്‍ണമെന്റ്
  • ഹൂസ്റ്റണില്‍ ഗുരുമന്ദിരം യാഥാര്‍ഥ്യമാകുന്നു
  • മലയാളം സൊസൈറ്റി സമ്മേളനം നടത്തി
  • ട്രമ്പിനെ പുറത്താക്കാന്‍ എഫ്.ബി.ഐ - ജസ്റ്റിസ് ഡിപ്പാര്‍ട്ട്‌മെന്റ് ഉന്നതര്‍ ആലോചന നടത്തിയെന്ന് ആരോപണം; അന്വേഷണം നടത്തുമെന്ന് സെനറ്റ് കമ്മിറ്റി ചെയര്‍മാന്‍
  • പിടിയിലായ ഐ.എസ് ഭീകരരെ യൂറോപ്യന്‍ രാജ്യങ്ങള്‍ വിചാരണയ്ക്ക് വിധേയമാക്കണമെന്ന് ട്രമ്പ്
  • വെനസ്വേലയിലേക്ക് അമേരിക്കന്‍ യുദ്ധ വിമാനങ്ങള്‍ ദുരിതാശ്വാസ സഹായങ്ങള്‍ എത്തിച്ചു തുടങ്ങി
  • Write A Comment

     
    Reload Image
    Add code here