ചരിത്രം കുറിക്കുന്ന ഉടമ്പടിക്ക് കളമൊരുങ്ങുന്നു; ചൈനയിലെ കത്തോലിക്കാ സഭയുടെയും തലവനായി മാര്‍പാപ്പയെ അംഗീകരിക്കും, കമ്യൂണിസ്റ്റ് സര്‍ക്കാര്‍ നിയമിച്ച ബിഷപ്പുമാരെ വത്തിക്കാനും

Fri,Sep 14,2018


ബെയ്ജിംഗ്: കമ്യൂണിസ്റ്റ് ഇരുമ്പുമറയ്ക്കുള്ളില്‍ വിശ്വസത്തിന്റെ പ്രഭ കാത്തുസൂക്ഷിക്കുന്ന കത്തോലിക്കര്‍ക്ക് പ്രതീക്ഷകള്‍ പകര്‍ന്നു കൊണ്ട് വത്തിക്കാനും ചൈനയും തമ്മില്‍ ചരിത്രം കുറിക്കുന്ന ഉടമ്പടി ഈ മാസം ഒപ്പുവയ്ക്കുമെന്നു സൂചന. ഇതനുസരിച്ച ചൈനയിലെ കത്തോലിക്കരുടെയും തലവനായി മാര്‍പാപ്പയെ കമ്യൂണിസ്റ്റ് സര്‍ക്കാര്‍ അംഗീകരിക്കും. പകരം ചൈനീസ് സര്‍ക്കാര്‍ നിയമിച്ച ബിഷപ്പുമാരെ വത്തിക്കാനും അംഗീകാരം ലഭിക്കും. ഈ ഇടപാടുമായി അടുത്ത ബന്ധമുള്ള രണ്ടു പേരാണ് ഇക്കാര്യം വെളിപ്പെടുത്തിയത്. മുന്‍കൂട്ടി പ്രവചിക്കാനാവത്ത കാരണങ്ങളാള്‍ ഉടമ്പടി ഒപ്പുവയ്ക്കുന്നത് നീണ്ടുപോകാനും സാധ്യതയുണ്ടെന്ന് ഇവര്‍ കൂട്ടിച്ചേര്‍ത്തു.
കമ്യൂണിസ്റ്റ് സര്‍ക്കാരിനു വിധേയപ്പെട്ടുള്ള കത്തോലിക്കാ സമൂഹവും, മാര്‍പാപ്പയോട് വിധേയത്വം പുലര്‍ത്തുന്ന കത്തോലിക്കാ സമൂഹവും ചൈനയില്‍ പ്രവര്‍ത്തിക്കുന്നുണ്ട്. ഇപ്പോള്‍ ഉണ്ടാക്കിയിട്ടുള്ള ധാരണയനുസരിച്ച് ചൈനീസ് സര്‍ക്കാര്‍ നിയമിച്ച ഏഴു ബിഷപ്പുമാരെ വത്തിക്കാന്‍ ഔദ്യോഗികമായി അംഗീകരിക്കും. കത്തോലിക്കാ വിഭാഗങ്ങള്‍ ഉള്‍പ്പെടെ വിവിധ മതവിഭാഗങ്ങള്‍ക്കെതിരേ കമ്യൂണിസ്റ്റ് സര്‍ക്കാര്‍ അടച്ചമര്‍ത്തല്‍ നടപടികള്‍ അടുത്തയിടെ സജീവമാക്കിയതിനിടെയാണ് ഇത്തരമൊരു ഒത്തുതീര്‍പ്പ് രൂപപ്പെട്ടിരിക്കുന്നത്. സഭയിലെ ലൈംഗിക ചൂഷണ വിഷയത്തില്‍ കടുത്ത വിമര്‍ശനം ഫ്രാന്‍സിസ് മാര്‍പാപ്പ നേരിടുന്നതിനിടെയാണ് ചൈനയിലെ കത്തോലിക്കരുടെ വിഷയം സജീവമായിരിക്കുന്നത്. ചൈനയും വത്തിക്കാനും തമ്മില്‍ ഈ വിഷയത്തിലുള്ള ഒത്തുതീര്‍പ്പ് വൈകുന്നത് രണ്ടു ബിഷപ്പുമാര്‍ക്ക് സ്ഥാനത്യാഗം ചെയ്യേണ്ടി വരുന്നു എന്നതിനു പുറമേ വത്തിക്കാന്‍ വിട്ടുവീഴ്ച ചെയ്യുന്നതില്‍ ചൈനയിലെ കത്തോലിക്കര്‍ക്കിടയിലുണ്ടായിട്ടുള്ള അമര്‍ഷവും കാരണമായിട്ടുണ്ട്.
കമ്യൂണിസ്റ്റ് രാജ്യത്തെ ക്രൈസ്തവ സമൂഹത്തിന്റെ അതിവേഗമുള്ള വളര്‍ച്ചയാണ് ചൈനയുമായി ഒത്തുതീര്‍പ്പുണ്ടാക്കാന്‍ ഫ്രാന്‍സിസ് മാര്‍പാപ്പയെ പ്രേരിപ്പിക്കുന്ന പ്രധാന ഘടകം. പ്രൊട്ടസ്റ്റന്റ് സഭയോടാണ് കൂടുതല്‍ പേരും ആഭിമുഖ്യം പുലര്‍ത്തുന്നതെങ്കിലും കത്തോലിക്കാ സമൂഹങ്ങളിലെ വിഭാഗായത ഇല്ലാതാക്കാന്‍ കഴിയുമെന്ന് മാര്‍പാപ്പ പ്രതീക്ഷിക്കുന്നു. ചൈനയില്‍ ഒരു കോടിയോളം കത്തോലിക്കരുണ്ടെന്നാണ് കണക്കാക്കപ്പെടുന്നത്. വത്തിക്കാന്‍ അംഗീകരിച്ചിട്ടില്ലാത്തതും ചൈനീസ് സര്‍ക്കാരിന്റെ നിയന്ത്രണത്തിലുള്ളതുമായ ചൈനീസ് പാട്രിയോട്ടിക കാത്തലിക് അസോസിയേഷന്റെ അംഗീകാരമുള്ള പള്ളികള്‍ക്കു മാത്രമേ ഇവിടെ ആരാധാന സ്വാതന്ത്ര്യമുള്ളൂ. വത്തിക്കാനോട് ആഭിമുഖ്യമുള്ള ബിഷപ്പുമാരുടെ നേതൃത്തിലുള്ള കത്തോലിക്കാ സമൂഹം 'അണ്ടര്‍ ഗ്രൗണ്ട്' ആരാധാനാ കേന്ദ്രങ്ങളിലാണ് പ്രാര്‍ഥന നടത്തുന്നത്. വത്തിക്കാന്‍ അംഗീകരിച്ചിട്ടുള്ള മുപ്പതിലധികം ബിഷപ്പുമാരെ ചൈനീസ് സര്‍ക്കാര്‍ അംഗീകരിക്കുമോ എന്ന കാര്യത്തില്‍ വ്യക്തത ഉണ്ടായിട്ടില്ലെന്നാണ് സൂചന.

Other News

  • ഐ.എസില്‍ ചേരാന്‍ സിറിയയിലേക്ക് ഒളിച്ചോടിയ കൗമാരപ്രായക്കാരിക്ക് ബ്രിട്ടനിലേക്ക് മടങ്ങാനാവില്ല; പൗരത്വം റദ്ദാക്കുന്നു
  • ബ്രിട്ടീഷ് രാജകുമാരന്‍ ഹാരിയുടെ പ്രിയപത്‌നി മേഗന്‍ മാര്‍കിള്‍ ന്യൂയോര്‍ക്കില്‍ നടത്തിയ രഹസ്യ സന്ദര്‍ശനത്തിന്റെ ചിത്രങ്ങള്‍ പുറത്ത്
  • മസൂദ് അസര്‍ വിഷയത്തില്‍ ചൈനയെയും പാക്കിസ്ഥാനെയും പഴി ചാരുന്നത് ഇന്ത്യ അവസാനിപ്പിക്കണമെന്ന് ചൈനീസ് മീഡിയ
  • ഇന്ത്യ അന്താരാഷ്ട്ര കോടതിയില്‍; പാക്കിസ്ഥാന്‍ കോടതി വിധി റദ്ദാക്കണം, കുല്‍ഭൂഷണ്‍ യാദവിനെ മോചിപ്പിക്കണം
  • ഇന്ത്യയിലേക്ക് നാടുകടത്താനുള്ള നീക്കത്തിനെതിരേ വിജയ് മല്യ ബ്രിട്ടീഷ് ഹൈക്കോടതിയില്‍ അപ്പീല്‍ നല്‍കി
  • ബ്രക്‌സിറ്റ്; പാര്‍ലമെന്റില്‍ പ്രധാനമന്ത്രി തെരേസ മേയ്ക്ക് വീണ്ടും തിരിച്ചടി
  • ഡിമാന്‍ഡില്ല; എ 380 വിമാനങ്ങളുടെ ഉത്പാദനം എയര്‍ബസ് നിറുത്തുന്നു
  • നാലു വര്‍ഷം മുമ്പ് ഐ.എസില്‍ ചേരാന്‍ ബ്രിട്ടനില്‍ നിന്ന് പലായനം ചെയ്ത മൂന്നു സ്‌കൂള്‍ പെണ്‍കുട്ടികളിലൊരാള്‍ക്ക് വീട്ടിലേക്ക് മടങ്ങാന്‍ മോഹം; കുറ്റബോധം തോന്നുന്നില്ലെന്ന് ഏറ്റുപറച്ചില്‍
  • വീടിന് ഒരു ഡോളര്‍, ജീവിക്കാന്‍ പതിനായിരം ഡോളര്‍, കുട്ടി പിറന്നാല്‍ ആയിരം ഡോളര്‍; വരൂ ലൊകാന വിളിക്കുന്നു
  • ഉയിഗര്‍ മുസ്ലിം ന്യൂനപക്ഷങ്ങളെ കരുതല്‍ തടങ്കലില്‍ പാര്‍പ്പിക്കുന്ന ക്യാമ്പുകള്‍ അടച്ചുപൂട്ടണമെന്ന് ചൈനയോട് ടര്‍ക്കി
  • വെ​നി​സ്വേ​ല​യി​ല്‍ ഇ​ട​പെ​ട്ടാ​ല്‍ തി​രി​ച്ച​ടി​ക്കും; യു.​എ​സി​ന്​ മെ​ക്‌​സി​ക്ക​ന്‍ ഗ​റി​ല്ല​സേ​നയുടെ മുന്നറിയിപ്പ്​
  • Write A Comment

     
    Reload Image
    Add code here